.jpg)
ការឧស្សាហ៍ដូរស្ទីលតែងខ្លួនប្លែកៗរបស់កញ្ញា សុខ សីឡាលីន ធ្វើឲ្យមហាជនងឿងឆ្ងល់។ រូបថត ហ្វេសប៊ុក
ភ្នំពេញ៖ បង្កើតការភ្ញាក់ផ្អើលទាំងមជ្ឈដ្ឋានមហាជន និងសង្គមសិល្បៈសាជាថ្មីម្តងទៀតពីភាពប្រែប្រួលរបស់តារាចម្រៀងស្រី ដែលនិយមបកស្រាយចម្រៀង និងលេងស្ទីលបែបបរទេសកញ្ញា សុខ សីឡាលីន ខណៈថ្មីៗងាកមកដូរស្ទីលតែងខ្លួនប្លែកៗបែបខ្មែរមើលទៅគួរឲ្យស្រឡាញ់ និងស្រស់ស្អាត ហាក់ដូចជាទំនោរថ្មីខុសពីមុនរបស់នាង។
កញ្ញា សុខ សីឡាលីន ដែលជាសមាជិកគណៈកម្មការម្នាក់នៃកម្មវិធីប្រឡងចម្រៀងលំដាប់ពិភពលោក X Factor Cambodia រដូវកាលទី ១ នៅទូរទស្សន៍ហង្សមាស កំពុងឈានមកដល់វគ្គ Live Show សប្តាហ៍ទី ៦ ខណៈនៅសល់តែប៉ុន្មានសប្តាហ៍ទៀតនឹងរកឃើញម្ចាស់ពាននោះ ក៏ទទួលបានការចាប់អារម្មណ៍ជាពិសេស ពីមហាជនផងដែរទៅលើការដូរស្ទីលតុបតែងខ្លួនប្លែកៗបែបជាស្រ្តីខ្មែរ។
មហាជនក៏ស្រាប់តែលាន់មាត់ដោយចម្លែកអារម្មណ៍លើការតុបតែងខ្លួនរបស់កញ្ញា សុខ សីឡាលីន ថា៖ «អីយ៉ា! តាំងពីក្លាយជាគណៈកម្មការកម្មវិធី X Factor Cambodia មក កញ្ញា សុខ សីឡាលីន ហាក់ដូចជាឧស្សាហ៍ដូរស្ទីលតែងខ្លួនបែបជាស្រ្តីខ្មែរច្រើនជាងកាលពីមុន។ ដល់តែងអ៊ីចឹង មើលទៅស្អាតខ្លាំងណាស់ Idol! តើនេះស្ទីលចេញពីចិត្តស្រឡាញ់ ឬក៏ជាការធ្វើតាមការតម្រូវរបស់កម្មវិធីហ្ន?»។
គួរបញ្ជាក់ថា តារាចម្រៀងស្រីល្បីនៅលើទ្រនំហង្សមាស សុខ សីឡាលីន ក៏ធ្លាប់បានធ្វើឲ្យផ្ទុះការភ្ញាក់ផ្អើលខ្លាំងប៉ុន្មានខែមុន គឺការបែកធ្លាយនូវបណ្តុំរូបថតរៀបមង្គលការក្លែងក្លាយកាលពីខែ ឧសភា ឆ្នាំ ២០១៩ កន្លងមក ដោយអត់មានវត្តមានក្រុមអ្នកសិល្បៈមកចូលរួមឲ្យភ្លូកទឹកភ្លូកដីដូចជាពិធីមង្គលការរបស់មិត្តរួមទ្រនំតារាចម្រៀងស្រី ឱក សុគន្ធកញ្ញា នោះឡើយ គឺថារៀបចំបែបស្ងាត់ៗយ៉ាងតក់ក្រហល់នោះ។
កញ្ញា សុខ សីឡាលីន ក៏បញ្ជាក់ប្រាប់ភ្នំពេញប៉ុស្តិ៍ឲ្យដឹងថា៖ «ជាដំបូងនាងខ្ញុំ សូមឆ្លៀតថ្លែងអំណរគុណដល់បងប្អូនប្រិយមិត្តទាំងអស់ដែលស្រឡាញ់គាំទ្រនាងខ្ញុំរហូតមក និងតាមដានពីបច្ចុប្បន្នភាពនៃរឿងថ្មីៗនាងខ្ញុំទៀត ជាពិសេសមតិយោបល់ សម្រាប់ការងាររបស់នាងខ្ញុំនៅក្នុងកម្មវិធី X Factor Cambodia តែម្តង។ តាមពិតទៅ ការដែលខ្ញុំឧស្សាហ៍លេងស្ទីលប្លែកនេះ ក៏អាចនិយាយបានថាមកពីកម្មវិធីល្បីលំដាប់ពិភពលោកតម្រូវឲ្យខ្ញុំ រំលេចចេញភាពប្លែកដូច្នេះក៏អាចថា អ៊ីចឹងបាន។ ម្យ៉ាងទៀតវាក៏ជាចំណូលចិត្តរបស់ខ្ញុំផងដែរ ដោយសារកន្លងមកខ្ញុំច្រើនតែតុបតែងតាមភាពជាក់ស្តែងក្នុងកម្មវិធីច្រៀងនានា ហើយខ្ញុំឧស្សាហ៍ច្រៀងបទបរទេស៕
