ភ្នំពេញៈ​ ប្រយោគ​មួយ​ឃ្លា​ដែល​សរសេរ​ថា «អានខ្ញុំ​ថ្ងៃនេះ​ ដើម្បី​ជោគ​ជ័យ​ថ្ងៃ​ស្អែក»​ គឺ​ជា​ប្រធានបទ​មួយ​ដ៏​ទាក់​ទាញ​អារម្មណ៍​អ្នក​អាន​បំផុត​ សម្រាប់​ព្រឹត្តិ​ការណ៍​ពិព័រណ៍​សៀវ​ភៅ​លើក​ទី ៤ ​នៅឆ្នាំ ២០១៥​ ដោយ​​បាន​ប្រារព្ធធ្វើ​រយៈ​ពេល​បី​ថ្ងៃ​​កាល​ពី​ថ្ងៃទី ១១​ ដល់​ទី ១៣​ ខែ​ធ្នូ​ ឆ្នាំ ២០១៥ នា​ចុង​សប្តាហ៍​កន្លង​មក​នៅ​បណ្ណាល័យ​ជាតិ​ ក្រោម​អធិបតីភាព​លោក ហង់ ជួន​ណារ៉ុន រដ្ឋ​មន្ត្រី​ក្រសួង​អប់រំ​ យុវជន និង​កីឡា និង​លោកស្រី ភឿង ស​កុ​ណា រដ្ឋមន្រ្តី​ក្រសួង​វប្បធម៌ និង​វិចិត្រ​សិល្បៈ និង​តំណាង​របស់​អង្គ​ការ ព្រមទាំង​ក្រុម​ហ៊ុន​នានា។​