The Phnom Penh Post Search

Search form

សុវណ្ណ​បញ្ញា មានលាភ​ក្រោយលា​ហង្សមាស

Content image - Phnom Penh Post
កញ្ញា ឈិត សុវណ្ណបញ្ញា នាពេល​ទទួល​បាន​លិខិត​សរសើ​រ។ ហ្វេសប៊ុក​

សុវណ្ណ​បញ្ញា មានលាភ​ក្រោយលា​ហង្សមាស

ភ្នំពេញៈ ក្រោយ​ដើរ​ចេញពី​ទ្រនំ​ចាស់​ផលិតកម្ម​រស្មីហង្សមាស មិនទាន់​បាន​ប៉ុន្មាន​ផងនោះ ក៏​ស្រាប់តែ​តារា​ចម្រៀង​ស្រី​សំឡេង​ស្រទន់ កញ្ញា ឈិត សុវណ្ណបញ្ញា បង្ហាញ​វត្តមាន​នៅលើ​ទ្រនំថ្មី​នៃ​ពិធី​ជួបជុំ​ក្រុមតារា​ប្រុសស្រី និង​អ្នកដឹកនាំ​កម្មវិធី​សម្តែង​នៃ​ផលិតកម្ម​ថោន ដើម្បី​ត្រៀម​ផលិត​បទចម្រៀង​ថ្មីៗ​ចេញ​នាឱកាស​ថ្ងៃបុណ្យ​ចូលឆ្នាំថ្មី​ប្រពៃណី​ខ្មែរ​ខាងមុខ និងបាន​ទទួល​សិទ្ធិបន្ត​ធ្វើជាទូត​សុច្ឆន្ទៈ​នៃ​យុទ្ធនាការ ១០០ កោដិ​សំឡេង​កម្ពុជា ឆ្នាំទី ៥ ទៀតផង។

អម​ទៅដោយ​រូបថត​ប្រគល់​លិខិត​សរសើរ នាឱកាស​ថ្ងៃបើក​យុទ្ធនាការ ១០០ កោដិ​សំឡេង​កម្ពុជា ( One Billion Rising Cambodia) លើកទី ៥ របស់​ក្រួសង​កិច្ចការនារី ដែលបាន​ផ្តើមឡើង​ដើម្បី​អំពាវនាវ​ឲ្យមាន​សកម្មភាព​ធ្វើឡើង​ជាការ​ឆ្លើយតប​នឹង​ស្ថិតិ​ដ៏គួរ​ឲ្យព្រួយបារម្ភ​បង្ហាញថា ស្ត្រី ១ ក្នុងចំណោម ៣ នាក់​នៅលើ​ពិភពលោក បាន​កំពុងតែ​ត្រូវរង​ការវាយដំ និង​ចាប់រំលោភ​សម្រាប់​ជីវិត​រស់នៅ​របស់គេ នាចុង​សប្តាហ៍​កន្លងមក​ខណៈ​កញ្ញា ឈិត សុវណ្ណ​បញ្ញា ក៏បង្ហោះ​សាររីករាយ​ផងដែរ​ថា៖ «នាងខ្ញុំ​មាន​អារម្មណ៍​រីករាយ​ខ្លាំងណាស់ ដែល​បាន​ចូលរួម​ចំណែក​ក្នុង​កម្មវិធី​នេះ ហើយក៏​សូមថ្លែង​អំណរគុណ​យ៉ាង​ជ្រាលជ្រៅ​ទៅដល់​លោក​អ៊ំ លោកពូ អ្នកមីង ព្រមទាំង​បងប្អូន​ទាំងអស់ ដែល​បានគាំទ្រ និង​ស្វាគមន៍​យ៉ាង​កក់ក្តៅ​នៅថ្ងៃនេះ។ ស្រឡាញ់​អ្នក​ទាំងអស់គ្នា!»។

កញ្ញា ឈិត សុវណ្ណ​បញ្ញា ក៏ប្រាប់​ភ្នំពេញ​ប៉ុស្តិ៍​ឲ្យដឹង​ពីដំណើរ​ដើមទង​នៃ​តំណាង​ជាទូត​សុច្ឆន្ទៈ​នៃ​យុទ្ធនាការ ១០០ កោដិ​សំឡេង​កម្ពុជា​ថា៖ «តាមពិតទៅ​ខ្ញុំបាន​ធ្វើ​ជាទូត​សុច្ឆន្ទៈ​នៃកម្មវិធី​នេះ​តាំងពី​ឆ្នាំ ២០១៣ មកបង! ឆ្នាំនេះ​ជា​លើកទី ៥ ហើយ​ដែល​នាងខ្ញុំ នៅតែ​បន្តបាន​ការគាំទ្រ»។

យុទ្ធនាការ ១០០ កោដិ​សំឡេង​កម្ពុជា ឆ្នាំ ២០១៧ នេះ ផ្តោត​សំខាន់​ក្រោម​ប្រធានបទ​ថា «បញ្ចប់​គ្រប់​អំពើហិង្សា​លើស្ត្រី និង​កុមារី ដើម្បី​សេចក្តី​ស្រឡាញ់ និង​យុត្តិធម៌» ទន្ទឹមនឹង​ពេលដែល​អំពើហិង្សា និង​អយុត្តិធម៌ កំពុងតែ​ទទួល​ការចាប់អារម្មណ៍​យ៉ាងខ្លាំង​នៅ​ប្រទេស​កម្ពុជា​នោះ។

ក្នុងនាម​ជាទូត​សុច្ឆន្ទៈ​ប្រាំឆ្នាំ​ជាប់គ្នា​នោះ តារាចម្រៀង​ស្រី ទើបដើរ​ចេញពី​ទ្រនំ​ចាស់​ហង្សមាស និងធ្លាប់​ជោគជ័យ​ក្នុងការ​សម្តែង​ជាតួឯក​ស្រី​នៃកុន​ដំបូង​រឿង «ទេសចរណ៍​ឋាននរក» ហើយ​បានបង្ហាញ​វត្តមាន​យ៉ាងច្បាស់​ក្រឡែត ទៅជ្រក​ក្រោម​ទ្រនំថ្មី​ផលិតកម្ម​ថោន ជាមួយនឹង​មិត្តរួម​អាជីព ដែល​ក៏បាន​ដើរ​ចេញពី​ផលិតកម្ម​ចាស់ដែរ​មាន​អ្នកនាង យក់ ឋិតរដ្ឋា និង​អតីតជា​អ្នកដឹកនាំ​ការសម្តែង​នៅឯ​ហង្សមាស លោក អ៊ិន ទីតូ កញ្ញា ឈិត សុវណ្ណ បញ្ញា ផ្ញើសារ​ទៅដល់​បងប្អូនស្ត្រី​ទាំងអស់​ថា៖ «សុំ​បងប្អូន​ស្ត្រី​ដែលជា​ភរិយា និងសុភាពនារី​ទាំងអស់​ត្រូវតែ​ក្លាហាន និង​ហ៊ាន​និយាយ​ប្រាប់​ទៅដល់​ភ្នាក់ងារ ឬ​ក្រុមការងារ​ពាក់ព័ន្ធ​នឹងបញ្ហា​អំពើហិង្សា ក្នុងករណី​បងប្អូន​បាន​ជួបនូវ​បញ្ហា​នានា​ដូចជា​ការប្រើ​ហិង្សា​ពីស្វាមី ឬជន​ដទៃ​នោះ»៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។