The Phnom Penh Post Search

Search form




Logo of Phnom Penh Post newspaper Phnom Penh Post - សំបូរ​សង្រ្កាន្ត​ឆ្នាំ​២០១៦​ នៅ​ប្រាសាទ​សំបូរ​ព្រៃ​គុក ​បង្ហាញ​អត្ត​សញ្ញាណ​វប្បធម៌​ក្នុង​តំបន់​ទាក់​ទាញ​ទេសចរ​ទៅ​កម្សាន្ត​




សំបូរ​សង្រ្កាន្ត​ឆ្នាំ​២០១៦​ នៅ​ប្រាសាទ​សំបូរ​ព្រៃ​គុក ​បង្ហាញ​អត្ត​សញ្ញាណ​វប្បធម៌​ក្នុង​តំបន់​ទាក់​ទាញ​ទេសចរ​ទៅ​កម្សាន្ត​

Content image - Phnom Penh Post

សំបូរ​សង្រ្កាន្ត​ឆ្នាំ​២០១៦​ នៅ​ប្រាសាទ​សំបូរ​ព្រៃ​គុក ​បង្ហាញ​អត្ត​សញ្ញាណ​វប្បធម៌​ក្នុង​តំបន់​ទាក់​ទាញ​ទេសចរ​ទៅ​កម្សាន្ត​

កំពង់ធំៈ​ សម្រាប់​ព្រឹត្តការណ៍​សំបូរ​សង្រ្កាន្ត​ឆ្នាំ២០១៦ រយៈពេល​បីថ្ងៃ​ដែល​នឹង​ធ្វើចាប់​ពី​ថ្ងៃ​ទី​១៣​ ដល់​ទី​១៦​ ខែ​មេសា​ឆ្នាំ​២០១៦ ​ខាង​មុខ នៅ​ឯ​បរិវេណ​ប្រាសាទ​​សំបូរ​ព្រៃគុក​ ក្នុង​គោល​បំណង​បង្ហាញអត្ត​សញ្ញាណសិល្បៈ​​វប្បធម៌​ក្នុង​តំបន់​​ និង​ដើម្បី​ផ្សព្វ​ផ្សាយ​ទាក់​ទាញ​ចំណាប់​អារម្មណ៍​ទេសចរ​គ្រប់​ទិស​ទី​មក​​កម្សាន្តលេង​នៅ​ឯ​តំបន់​​ទឹក​​ដី​បុរេ​ប្រវត្តិ​សាស្រ្ត​ដ៏​យូរ​លុង​មួយ​នេះ។ ​​

Content image - Phnom Penh Post

លោក ឃាត់ វុទ្ធី ជា​សមាជិក​នៃ​សហ​ភាព​សហ​ព័ន្ធ​យុវជន​កម្ពុជា​ប្រចាំ​ខេត្ត​កំពង់​ធំ និង​សាស្រ្តា​ចារ្យ​អក្សរ​សាស្រ្ត​-​​ប្រវត្តិ​សាស្រ្ត​​ បាន​ឲ្យ​ដឹង​ពី​ដំណើរ​ការ នោង​កម្ម​វិធី​នានា​នា​ក្នុង​សំបូរ​សង្ក្រាន្ត​ថា៖ «សម្រាប់​ឆ្នាំ​នេះ​គឺ​ជា​លើក​ទី២​ហើយ ដែល​ខេត្ត​យើង​បាន​រៀបចំ​នូវ​ព្រឹត្តិ​ការណ៍​​​សំបូរ​សង្រ្កាន្ត​ឡើង ដោយ​យើង​មាន​គោល​បំណង​ជា​ច្រើន​ដូច​ជា​​ចូល​រួម​អប​សាទរ​ពិធី​បុណ្យ​ចូល​ឆ្នាំ​ថ្មី​ប្រពៃណីជាតិ​ខ្មែរ បង្ហាញ​នូវ​វប្បធម៌​ និង​សិល្បៈ​នៃ​ការ​ចែក​រំលែក​ការ​រាប់​អានមាន​ភាព​ទន់​ភ្លន់របស់ពល​រដ្ឋ​ខ្មែរ​ក្នុង​ជួយ​គ្នា​ទៅ​វិញ​ទៅ​មកពេល​មាន​ធុរៈ និង​ផ្តល់​ឱកាស​ឲ្យ​យុវជន​ ប្រជាពល​រដ្ឋ​ខ្មែរ ភ្ញៀវ​ទេសចរ​ជាតិ និង​អន្តរជាតិ​ បាន​ស្វែង​យល់​បន្ថែម​ពី​ភាព​រុង​រឿង​ល្បី​ល្បាញ​ សម្បូរ​បែប​នៃ​វប្បធម៌​ អរិយ​ធម៌ ទំនៀម​ទម្លាប់​ ប្រពៃណី សាសនាខ្មែរ និង​បន្ត​ការ​ថែរក្សា​នូវ​កេរមរតក​នេះ​ឲ្យ​បាន​គង់​វង្ស នៅ​តំបន់​ប្រាសាទ​សំបូរ​ព្រៃគុក​នេះ​តែ​ម្តង»។​

កម្ម​វិធី​ពិសេសៗជា​ច្រើន​មក​ពី​តំបន់​នានា​របស់​ខេត្ត​ដូច​ជា​ ពិធី​បើក​ព្រឹត្តិ​ការណ៍​សំបូរ​សង្ក្រាន្ត​ឆ្នាំ២០១៦​នៅ​មុខ​ប្រាសាត​តោ​ មាន​ផែន​ឆៃយ៉ា របស់​ក្រុម​យុវជន​លោក​តា​កង សាអ៊ុំ របាំត្រុដិ​ របស់​ក្រុម​យុវជន​ភូមិ​អណ្តាស់ របាំ​ក្ងោកប៉ៃលិន របស់ភូមិអាស៊ី របាំ​មួក​ត្នោត​​ របាំ​កែន និង​របាំស្វា-ស មន្ទីរ​វប្បធម៌​​ ការ​លេង​ល្បែង​ទាញ​ព្រ័ត្រ​របស់សិស្ស​កំពង់ឈើទាល ការលេង​កីឡា​មហាជន ការ​ប្រណាំង​រទេះ​គោ​ ការ​សម្តែង​របាំ​សារ៉ាវ៉ាន់​ឆ្នាំ​ថ្មី​សំបូរព្រៃគុកដាវដែក​កំពង់​ស្វាយ​ និង​ការ​បង្ហាញ​ផែនទី​ប្រាសាទ​និម្មិត​ជា​ដើម។ ​

Content image - Phnom Penh Post

លោក ឃាត់ វុទ្ធី បន្ត​ថា៖​«ចំពោះ​កម្ម​វិធី​ប្រាសាទ​និម្មិត​ ចង់​បង្ហាញ​ឲ្យ​ដឹង​ពី​ការ​កកើត​ឡើង​ទី​ក្រុង​ឥសាន​បុរៈ​ ដែល​ផ្តើម​មក​ពី​ភូមិ​សាស្ត្រ​ សាសនា ធន​ធាន​ធម្មជាតិ​ បច្ចេក​ទេស​​​នៃ​សម័យ​​បុរាណ​ និង​ធនធាន​មនុស្ស។ ក្នុង​យើង​បែប​ចែ​ក​ជា​បី​ផែនគឺ​ទី១​ជា​រោង​ពិព័រណ៍​គំនូរ​ស្តី​ពី​ការ​កកើត​ឡើង​នៃ​ប្រាសាទ​សម្បូរ​ព្រៃគុក ទី២​ជា​ផែន​មានបង្ហាញ​ពី​​សកម្មភាព​ និង​បច្ចេក​ទេស​សាងសង់​ប្រាសាទ ខណៈ​ទី៣​ជា​ផែន​បង្ហាញ​សកម្ម​ភាព​សហ​ការ​ជា​មួយ​នឹង​គណៈ​កម្មាធិការ​អន្តរជាតិ​សម្រប​សម្រួល​គាំពារ​ និង​អភិ​វឌ្ឍ​តំបន់​ប្រាសាទ​សំបូរ​ព្រៃគុក​នេះ»។​

ក្រៅ​ពី​នេះ ក៏​មាន​ការ​ដាក់​បង្ហាញ​នូវ​មុខ​ម្ហូប​អាហារ​ ផលិត​ផល​សិប្ប​កម្ម និង​ឧបករណ៍​បរិក្ខារ​ដែល​បង្ហាញ​ពី​អត្តសញ្ញាណ​វប្បធម៌​នៃ​តំបន់​និមួយៗ​ផង​ដែរ នា​ឱកាស​ប្រារព្ធ​ពិធី​សំបូរ​សង្ក្រាន្ត៕
​​​

អត្ថបទគួរចាប់អារម្មណ៍