ភ្នំពេញៈ កើត​ចេញពី​ក្តី​ស្រឡាញ់​លើកស្ទួយ​តម្លៃ​វប្ប​ធម៌​អក្សរសាស្រ្ត​ខ្មែរ​ និងចង់​ឲ្យកូន​បង្កើត​មានឈាម​ជ័រកូន​កាត់ខ្មែរ​អាមេរិក​ ចេះនិយាយ និង​ចេះ​អានអក្សរ​ខ្មែរ បាន​ជំរុញ​ឲ្យអ្នកនាង ​ស៊ុន ស៊ីដាវីន តារាចម្រៀង​ខ្មែរ​នៅ​អាមេរិក​ និង​មានតំណែង​ជាមន្ត្រី​សង្គមកិច្ច​នៅទី​ក្រុង​វីឈីតានៃ​រដ្ឋ​ខេនសាសនៅ​ឯសហរដ្ឋអាមេរិក​ ក៏បាន​សម្រេចចិត្ត​ប្រកាស​បើកបង្រៀន​ភាសា​ខ្មែរជំនាន់​ទី ១ ដល់​បងប្អូនខ្មែរ​នៅតំបន់​ខាងលើ​ជា​សាធារណៈ។