.jpg)
ក្រុងញូវយ៉ក : អាពាហ៍ពិពាហ៍និទាឃរដូវគ្រោងទុកតាំងពីយូរ និងត្រៀមអញ្ជើញភ្ញៀវសន្ធឹកសន្ធាប់ ត្រូវបានពន្យាដោយសារតែវិបត្ដិកូវីដ-១៩ ជាសកល តែស្នេហាពិតនៅតែអាចរកច្រកចេញរួច។
នៅ Orange County ពេលនេះ សេវាកម្មអាពាហ៍ពិពាហ៍ត្រូវបានផ្ដល់ឲ្យគូស្នេហ៍ ដែលការកក់ទុករបស់ពួកគេត្រូវបានពន្យាដោយសារតែការផ្ទុះឡើងនូវវីរុសកូរ៉ូណា និងបទបញ្ជាឲ្យស្នាក់នៅតែផ្ទះឯភាគខាងត្បូង រដ្ឋកាលីហ្វ័រនីញ៉ា។
ពិធីមង្គលរបស់ពួកគេត្រូវបានរៀបចំឡើងនៅតាមស្ដង់ដែលតម្លើងក្នុងបរិវេណចំណតរថយន្ដនៅមជ្ឈមណ្ឌលហុងដា នៃក្រុងAnaheim ជាទីដែលគូស្នេហ៍បានផ្ដោះប្ដូរស្នាមថើប តាមរយៈរបាំងម៉ាស ហើយមន្ដ្រីតំបន់ឈរពីក្រោយកញ្ចក់ស្ដង់។
អាពាហ៍ពិពាហ៍ ៦០ គូត្រូវបានរៀបចំឡើងរៀងរាល់ថ្ងៃ។ សាក្សីម្នាក់អាចត្រូវមានវត្ដមានសម្រាប់គូស្វាមីភរិយានីមួយៗអំឡុងពេលដំណើរការកម្មវិធី។
ស្ដង់សំបុត្រ ពី OC Fairgrounds កន្លែងថតរថយន្ដនៅ Honda Center និងអាចស្ដាប់ឮសំឡេងសច្ចារវាងគូស្នេហ៍តាមឃោសនៈស័ព្ទ មិនមែនជាអ្វីដែលនឹកឃើញចំពោះអាពាហ៍ពិពាហ៍ក្នុងក្ដីសុបិននោះទេ។
យ៉ាងណាមិញ គ្មានអ្វីជាឧបសគ្គចំពោះ លោក ជីន និងនាង ជេស៊ីកា ពីការសម្រេចចិត្ដរៀបការជាមួយគ្នាឡើយ។
គូស្នេហ៍ទាំងពីររៀបការបែបប្រពៃណីតាមគម្រោងនៅក្នុងខែវិច្ឆិកា តែដោយសារកូរ៉ូណា ដោយការបិទប្រទេសបានផ្លាស់ប្ដូរច្បាប់ និងភាពស្រពិកស្រពិល ដែលឈុតអាពាហ៍ពិពាហ៍របស់នាងបានយកពីប្រទេសចិន ជេស៊ីកា បាននិយាយថា ជាមួយការសម្រេចចិត្ដដ៏តានតឹងរបស់យើង ពេលនេះវាជាវេលាដ៏ស័ក្ដិសមហើយ។
តំបន់Orange County មានអាពាហ៍ពិពាហ៍ជាមធ្យម ១៣២ គូ និងគូស្នេហ៍រៀបការ ៤០០០ គូទៀតនៅមុនថ្ងៃទី ៣ ខែមិថុនា៕ AFP/HR
