The Phnom Penh Post Search

Search form




Logo of Phnom Penh Post newspaper Phnom Penh Post - ស្ដ្រី​ចំណាស់​កូរ៉េ​ មាន​ឱកាស​បំពេញវិជ្ជា​ដែល​ខកខាន​កាលពី​កុមារភាព

ស្ដ្រី​ចំណាស់​កូរ៉េ​ មាន​ឱកាស​បំពេញវិជ្ជា​ដែល​ខកខាន​កាលពី​កុមារភាព

Content image - Phnom Penh Post
ទិដ្ឋភាព​ថ្នាក់រៀន​បឋមសិក្សា​ដែល​សិស្ស​វ័យចាស់​រៀន​ជាមួយ​សិស្ស​ក្មេងៗ​។ AFP

ស្ដ្រី​ចំណាស់​កូរ៉េ​ មាន​ឱកាស​បំពេញវិជ្ជា​ដែល​ខកខាន​កាលពី​កុមារភាព

ក្រុងសេអ៊ូល: ពេល​តន្ដ្រី​ចម្រៀង​កុមារ «Twinkle twinkle little star» ចាប់ផ្ដើម​បន្លឺ​ក្នុង​បន្ទប់រៀន​សម្រាប់​សិស្ស​អាយុ ៨ ​ទសវត្សរ៍​នៅ​កូរ៉េ​ខាង​ត្បូង​អ្នកស្រី ណាម យ៉ាងស៊ុន បាន​ច្រៀង​បន្ទរ​ជាមួយ​មិត្ដ​រួម​ថ្នាក់​អាយុ​សុទ្ធតែ​លើស​ខ្ទង់ ៧០ ​ឆ្នាំ​។

ជាមួយ​ប្រជាជន​សរុប​ដ៏សម្បូរ​ជន​ចាស់ជរា​របស់​កូរ៉េ​ខាង​ត្បូង និង​ការធ្វើ​ចំណាកស្រុក​ពី​ទីជនបទ​មក​ទីក្រុង​ដ៏ច្រើន​សន្ធឹក​នា​ប៉ុន្មាន​ទសវត្សរ៍​ចុងក្រោយ​នេះ​សាលា​បឋមសិក្សា​តាម​ភូមិ​កំពុង​ប្រឈម​បញ្ហា​ខ្វះ​សិស្ស​។

អ្នកស្រី ណាម អាយុ ៨៤ ​ឆ្នាំ​ជា​សិស្ស​ចំណាស់​បំផុត​ក្នុង​ចំណោម ៣ នាក់​រៀន​ថ្នាក់​ទី​ ២ នៃ​សាលា​បឋមសិក្សា Woldeung បាន​ប្រាប់ AFP ថា​៖ «​ខ្ញុំ​តែងតែ​មាន​អារម្មណ៍​ថា ពួកគេ​មាក់ងាយ​ខ្ញុំ​ដោយសារ​ភាពអវិជ្ជា​របស់​ខ្ញុំ​»​។

មុខវិជ្ជា​ចំណូល​ចិត្ដ​របស់​យាយ​គឺ​គណិតវិទ្យា​។ លោកយាយ​បន្ដ​ថា​៖ «​វា​ពិតជា​គួរ​ឲ្យ​សប្បាយ​លេង​ពេល​យើង​បូក និង​ដក​លេខ​។ ខ្ញុំ​ចង់​រៀន​ដរាប​សុខភាព​នៅ​អំណោយផល​»​។

Content image - Phnom Penh Post
លោកយាយ ណាម យ៉ាងស៊ុន និង ផាក យ៉ាំងអេ ជា​សិស្ស​ថ្នាក់​ទី ២​។ រូបថត AFP

កូរ៉េ​ត្រូវ​បាន​គ្រប់គ្រង​ដោយ​មនុស្ស​ប្រុស​អស់​រយៈពេល​ជាច្រើន​សតវត្សរ៍​មកហើយ ដោយ​ក្រុមគ្រួសារ​នីមួយៗ​ប្រាថ្នា​កូនប្រុស​ជាង​កូនស្រី​រហូត​ដល់​ពេទ្យឆ្មប​នៅ​កូរ៉េ​ខាង​ត្បូង​ត្រូវ​បាន​ហាម​មិន​ឲ្យ​ប្រាប់​ភេទ​ទារក​ក្នុង​ស្បូន​ដល់​ឪពុកម្ដាយ​ឡើយ​។

សូម្បីតែ​ចុង​ទសវត្សរ៍​ឆ្នាំ​ ១៩៦០ កូនស្រី​កូរ៉េ​ខ្លះ​មិន​មាន​ឱកាស​បាន​ចូលរៀន ជាពិសស​នៅ​តាម​ទីជនបទ​។ អ្នកស្រី ផាក យ៉ាំងអេ អាយុ ៧០ ​ឆ្នាំ​ជា​មិត្ដ​រួម​ថ្នាក់​យាយ ណាម ក្នុង​ខេត្ដ​ស៊ុនឈឿន ភាគ​អាគ្នេយ៍​ប្រទេស​និយាយ​ថា​៖ «​ជីតា​ខ្ញុំ​មិន​អនុញ្ញាត​ឲ្យ​កូនស្រីៗ​ដូច​រូបខ្ញុំ​ចូលរៀន​ទេ​។ ខ្ញុំ​មាន​ការសោកស្ដាយ​ណាស់​ដែល​មិន​អាច​ចូល​ថ្នាក់​តាំងពី​កុមារភាព​»​។

ពេលនេះ​អ្នកស្រី​មាន​ឱកាស​បំពេញ​នូវ​អ្វី​ដែល​ខ្លួន​មិន​បាន​ធ្វើ​កន្លងមក​ជាមួយ​មិត្ដ​រួម​ថ្នាក់ ៤ ​នាក់​ទៀត មិន​ថា​ការសិក្សា​នោះ​ជា​ការប្រកប​មេរៀន ឬ​ច្រៀង​លេង​កម្សាន្ដ​នោះ​ទេ ពួកគេ​ពិតជា​រីករាយ​បំផុត​។

មិត្ដ​រួម​ថ្នាក់​អាយុ ៨ ​ឆ្នាំ គីម សឿងយុន បាន​និយាយ​លើក​សរសើរ​ពី​មិត្ដ​រួម​ថ្នាក់​វ័យ​ចំណាស់​ថា ពួកគាត់​នឹង​រៀន​យ៉ាង​តិច​ដល់​ថ្នាក់​ទី​ ៦ និង​បន្ដ​ទៅ​មធ្យមសិក្សា​ជាមួយ​ខ្លួន​។

កុមារា​រូប​នេះ​ថា​៖ «​ខ្ញុំ​នឹង​ក្រៀមក្រំ​បើ​គាត់​ឈប់​រៀន​»៕ HR

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។