The Phnom Penh Post Search

Search form




Logo of Phnom Penh Post newspaper Phnom Penh Post - ស្ដ្រី​បារាំង​ម្នាក់​ស្លាប់​ទាំង​រស់​ ដោយសារ​ត្រូវបាន​អតីត​សហការី​ប្រកាស​មរណភាព​




ស្ដ្រី​បារាំង​ម្នាក់​ស្លាប់​ទាំង​រស់​ ដោយសារ​ត្រូវបាន​អតីត​សហការី​ប្រកាស​មរណភាព​

Content image - Phnom Penh Post
អ្នកស្រី Pouchain បាន​ចោទ​ប្រកាន់​អតីត​បុគ្គលិក​ពី​បទ​ក្លែង​បន្លំ​មរណភាព​របស់​ខ្លួន​។ រូបថត AFP

ស្ដ្រី​បារាំង​ម្នាក់​ស្លាប់​ទាំង​រស់​ ដោយសារ​ត្រូវបាន​អតីត​សហការី​ប្រកាស​មរណភាព​

ក្រុង​ប៉ារីស: ស្ដ្រី​បារាំង​អាយុ ៥៨​ ឆ្នាំ​ ដែល​ត្រូវបាន​ប្រកាស​ខុស​ថា​ស្លាប់​ក្នុង​ជម្លោះ​ដ៏​រ៉ាំរ៉ៃ​ជាមួយ​អតីត​បុគ្គលិក​ម្នាក់ បាន​ឡើង​តុលាការ​កាល​ពីថ្ងៃ​ចន្ទ​​ក្នុង​ទីក្រុង​លីយ៉ុង ដើម្បី​បញ្ជាក់​ថា​ ខ្លួន​នៅ​រស់​រាន​មាន​ជីវិត។

របាយការណ៍​មរណភាព​អ្នកស្រី Pouchain ត្រូវបាន​បំភ្លៃ​ ខណៈ AFP រក​ឃើញ​ពេល​បុគ្គលិក​​ទីភ្នាក់ងារ​នេះ​បាន​ជួប​អ្នកស្រី​នៅ​ផ្ទះ​ភាគ​អាគ្នេយ៍​ទីក្រុង​សាន់ ចូសេប​ ក្បែរ​ទីក្រុង​លីយ៉ុង នា​ពេល​ថ្មី​ៗនេះ។

​អ្នកស្រី Pouchain បាន​និង​កំពុង​តែ​ព្យាបាល​បញ្ជាក់​ថា អ្នកស្រី​នៅ​រស់​រាន​មាន​ជីវិត​តាំងពី​តុលាការ​ការងារ​ បាន​ចាត់​វិធាន​ការ​លើ​ព័ត៌មាន​ផ្ដល់​ដោយ​អតីត​បុគ្គលិក​ក្រុមហ៊ុន​អនាម័យ​របស់​អ្នកស្រី​ម្នាក់​ បាន​ចារ​កាលពី​ខែ​វិច្ឆិកា ឆ្នាំ​២០១៧ ថា​បាន​ទទួល​មរណភាព។

សេចក្ដី​សម្រេច​ ដែល​បាន​បិទ​បញ្ចប់​ជម្លោះ​ជិត​ពីរ​ទសវត្សរ៍ បាន​​ប្រែ​ជោគ​វាសនា​ជីវិត​អ្នកស្រី Pouchain ផ្ទុយ​ស្រឡះ។ ការ​លប់​ឈ្មោះ​ពី​កំណត់ត្រា​ផ្លូវ​ការ អ្នកស្រីបាន​បង់​បោះ​អត្ដសញ្ញាណ​ ប័ណ្ណ​បើកបរ គណនេយ្យ​ធនាគារ និង​ធានា​រ៉ាប់​រង​សុខភាព។

Content image - Phnom Penh Post
អ្នកស្រី Pouchain អាយុ ៥៨ឆ្នាំ នៅផ្ទះ​​ភាគ​អាគ្នេយ៍​ទីក្រុង​សង់ ចូសេប​ ក្បែរ​ទីក្រុង​លីយ៉ុង។ រូបថត AFP

អ្នកស្រី Pouchain បាន​ចោទ​ប្រកាន់​អតីត​បុគ្គលិក​ពី​បទ​ក្លែង​បន្លំ​មរណភាព​របស់​ខ្លួន​ដើម្បី​បង្កើត​​​មរតក​​ឆបោក​ ដណ្ដើម​ពី​ស្វាមី និង​កូន​ប្រុស​របស់​អ្នកស្រី​ ក្រោយ​ពី​ប៉ុន​ប៉ង​ស្ដ្រីរូបនេះ​បរាជ័យ ២​ ដង​រួច​មក។

មេធាវី​របស់​អ្នកស្រី Pouchain លោក ស៊ីនវែន​​ខូម៉ែរ បាន​ប្រាប់ AFP ថា​៖ «​វា​ជារឿង​ដ៏​លីលា​បំផុត​»។

មេធាវី​ការពារ​ក្ដី​ឱ្យ​អតីត​បុគ្គលិក​អ្នកស្រី​វិញ បាន​ចោទ​ប្រកាន់​ពីបទ​លេង​ល្បែង​មរណភាព​របស់​ខ្លួន​ឯង ដោយ​និយាយ​ថា អ្នកស្រី​ចង់​លេង​សើច​ដើម្បី​រួច​ផុត​ពី​ក្ដី​ក្ដាំង​ ដូចជា​ការ​បដិសេធ​ឆ្លើយ​លិខិត​ជាដើម។

អ្នកស្រី Pouchain ដែល​កំពុង​តែ​ស្វែង​រក​ការ​ប្រកាស​ជាផ្លូវការ​របស់​តុលាការថា មរណភាព​របស់​ខ្លួន​ជា​រឿង​ប្រឌិត បាន​ប្រកែក​នឹង​ការ​ចោទ​ប្រកាន់​នេះ។ អ្នកស្រី​ចាត់​ទុក​ជា​ជីវិត​របស់​ខ្លួន​ជា​មនុស្ស​ស្លាប់​ទាំង​រស់។

អ្នកស្រី បាន​ប្រាប់ AFP ថា​៖ «​ទីភ្នាក់ងារ​រដ្ឋ​បា​នប្រាប់​ខ្ញុំ​ថា ខ្ញុំ​លែង​ស្លាប់​ទៀត​ហើយ​ តែ​ខ្ញុំ​ក៏​មិន​ទាន់​រស់​ដែរ។ ខ្ញុំ​កំពុង​តែ​ធ្វើ​ឱ្យ​ខ្លួន​ឯង​រស់​ឡើង​វិញ​»៕ AFP/HR

Content image - Phnom Penh Post
អ្នកស្រី Pouchain ដែល​កំពុង​តែ​ស្វែង​រក​ការ​ប្រកាស​ជាផ្លូវការ​របស់​តុលាការថា មរណភាព​របស់​ខ្លួន​ជា​រឿង​ប្រឌិត។ រូបថត AFP

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ