The Phnom Penh Post Search

Search form




Logo of Phnom Penh Post newspaper Phnom Penh Post - ស្ដ្រី​ម្នាក់​អត់​ពាក់​អាវ​រត់​ទៅ​កញ្ឆក់​រូប​ចម្លាក់​ព្រះ​យេ​ស៊ូ​តូច​

ស្ដ្រី​ម្នាក់​អត់​ពាក់​អាវ​រត់​ទៅ​កញ្ឆក់​រូប​ចម្លាក់​ព្រះ​យេ​ស៊ូ​តូច​

ស្ដ្រី​សកម្មជន​ហ្វេមិន​កញ្ឆក់​យក​រូប​ចម្លាក់​ព្រះយេស៊ូ​ទើប​ប្រសូត​​​​។
ស្ដ្រី​សកម្មជន​ហ្វេមិន​កញ្ឆក់​យក​រូប​ចម្លាក់​ព្រះយេស៊ូ​ទើប​ប្រសូត​​​​។ រូបថត សហការី​

ស្ដ្រី​ម្នាក់​អត់​ពាក់​អាវ​រត់​ទៅ​កញ្ឆក់​រូប​ចម្លាក់​ព្រះ​យេ​ស៊ូ​តូច​

ក្រុង​វ៉ាទីកង់​: ស្រ្តី​សកម្ម​ជននៃ​​ក្រុម​ហ្វេមិន​​ម្នាក់​ បាន​ដោះ​អាវ​បង្ហាញ​ដើម​ទ្រូង​ក្នុង​បរិវេណ​ព្រះវិហារ​ សែនត៍ ភីត​ធើរ នៅថ្ងៃ​បុណ្យ​គ្រិស្ដ​ស្មាស់​ និង​រត់​ទៅ​កន្លែង​តាំង​រូប​ចម្លាក់​ដែល​តម្រៀប​ជា​ដំណើរ​រឿង​​ព្រះ​យេស៊ូ​ប្រសូត​ដោយ​​កញ្ឆក់​យក​ទារក​ចម្លាក់​តំណាង​ព្រះ​យេស៊ូ​យ៉ាង​ប្រញាប់​។

ប៉ូលិស​បុរី​វ៉ាទីកង់​ដែល​ពាក់​មួក​ខ្មៅ​ក៏​បាន​ប្រវេ​ប្រវា​ចាប់​សកម្ម​ជន​​ស្រ្តី​​រូប​នោះ​ដោយ​នាំ​យក​រូប​ព្រះ​យេស៊ូ​ទើប​ប្រសូតចេញ​ពីដៃ​របស់​វិញ​។ ​

គេ​ឃើញ​មានសរសេរ​​ពាក្យ​ពេចន៍​មួយ​ឃ្លា​លើ​ដើម​ទ្រូង​របស់​ស្រ្តី​អាក្រាត​​កាយ​ថា៖ «ព្រះ​ជា​ម្ចាស់​​គឺ​ជា​ស្រ្តី​»។

យ៉ាង​ណា​​មិញ វត្ដមាន​អ្នក​ប្រារឰ​ពិធី​​រាប់​ពាន់​នាក់​នៅ​តែ​មក​ជួប​ជុំ​គ្នា​នៅក្នុង​​បរិវេណ​​បូជនី​យ​កិច្ច​សាសនា​គ្រិស្ត​​នេះ​ដដែល។

​ក្រុម​សកម្ម​ជន​ហ្វេមិន ​ធ្លាប់​បាន​​ធ្វើ​ការ​រារាំង​បុរី ​វ៉ាទីកង់ ​រួចម្តង​មក​ហើយ​កាល​ពី​ខែ​មុន​ ខណៈ​​សម្តេច​សង្ឃ​ប៉ាប ធ្វើ​ដំណើរ​ទស្សនកិច្ច​នៅ​សភាអឺរ៉ុប។​

សមាជិក​ក្រុម​ហ្វេមិន​ ៣នាក់​ ដែល​​ស្លៀក​តែ​សំពត់​ខ្លី​ និង​ដោតផ្កា​លើ​ក្បាល សរសេរ​ពាក្យ​ស្លោក​លើ​ដើម​ទ្រូង​ថា៖ «សម្តេច​ប៉ាប​មិន​មែន​ជា​អ្នក​នយោបាយ​ទេ​»៕ PR​

អត្ថបទគួរចាប់អារម្មណ៍