The Phnom Penh Post Search

Search form




Logo of Phnom Penh Post newspaper Phnom Penh Post - ស្នាដៃ​សិល្បៈ​ប៉ុន​រន្ធ​កណ្ដុរ​ពី​ក្រុម​សិល្បករ​​អាថ៌កំបាំង ​ល្បី​​ខ្លាំង​នៅ​ស៊ុយអែត




ស្នាដៃ​សិល្បៈ​ប៉ុន​រន្ធ​កណ្ដុរ​ពី​ក្រុម​សិល្បករ​​អាថ៌កំបាំង ​ល្បី​​ខ្លាំង​នៅ​ស៊ុយអែត

Content image - Phnom Penh Post
ស្នាដៃ​សិល្បៈ​ពី​​ក្រុមសិល្បករ​អាថ៌កំបាំង​​ Anonymouse។ រូបថត AFP

ស្នាដៃ​សិល្បៈ​ប៉ុន​រន្ធ​កណ្ដុរ​ពី​ក្រុម​សិល្បករ​​អាថ៌កំបាំង ​ល្បី​​ខ្លាំង​នៅ​ស៊ុយអែត

ក្រុង​លនដ៍៖ ស្នាដៃ​សិល្បៈ​តូច​ច្រឡឹង​នៅ​មុខ​ហាង​​លក់​ទំនិញ​​នៅ​ប្រទេស​ស៊ុយអែត បាន​ទាក់ទាញ​​​​មនុស្ស​ម្នា​លុត​ជង្គង់​គយគន់ និង​ក្រាប​ទាញ​កាមេរ៉ា​មក​​ថត​រូប​សំណង់​​វត្ថុ​តូច​ ដែល​ត្រូវ​បាន​រចនា​យ៉ាង​ផ្ចិតផ្ចង់​ដោយ​ក្រុម​វិចិត្រករ​គ្មាន​ស្រមោល Anonymouse។

ស្ថិត​ក្នុង​ចំណោម​អ្នក​ខំប្រឹង​​ក្រាប​ទស្សនា​ស្នាដៃ​សិល្បៈ​​ដ៏​តូច​គួរ​ឲ្យ​ស្រឡាញ់ កញ្ញា​វ័យ ២៩ ឆ្នាំ Madeleine បាន​ប្រាប់ AFP ថា «ខ្ញុំ​តាម​រក​មើល​ស្នាដៃ​តូចៗ​ទាំង​នេះ ដូច​តាម​រក​កំណប់​អ៊ីចឹង»។

ស្នាដៃ​​សិល្បៈ​​តូចៗ​លាក់​ខ្លួន​តាម​ដង​វិថី​នេះ​ ត្រូវ​បាន​គេ​ប្រទះ​​ឃើញ​នៅ​មុខ​អគារ​​ស្នាក់​នៅ​របស់​និស្សិត ភោជនីយដ្ឋាន និង​ទី​កន្លែង​សាមញ្ញៗ​ឯទៀត។ មាន​ទំហំ​ប៉ុន​រន្ធ​កណ្ដុរ ស្នាដៃ​សិល្បៈ​ទាំង​នោះ​​ខ្លះ​សណ្ឋាន​​ជា​កូន​ហាង​តន្ត្រី​ Ricotta Records ហាង​លក់​ឈីស​ប៉ុន​មេដៃ និង​សំណង់​ខ្នាត​តូច​ប្លែកៗ​​ជា​ច្រើន​ទៀត​ពោរពេញ​ទៅ​ដោយ​ភាព​លម្អិត​ផ្ចិតផ្ចង់។

ក្រុម​សិល្បៈ​​​រំលេច​ស្នាដៃ​​តូចៗ​ទាំង​នេះ បាន​ធ្វើ​ការ​រួមគ្នា​អស់ ៤ ឆ្នាំ ដោយ​​ប្រើប្រាស់​របស់​កែច្នៃ​ពី​សំរាម​ទាំង​អស់។

បុគ្គលិក​ស្ម័គ្រ​ចិត្ត​​ធ្វើ​ការងារ​សង្គម​អាយុ ៦៤ ឆ្នាំ លោក Bengt ដែល​​ផ្ដេក​ខ្លួន​មើល​កូន​ហាង​ទាំង​នោះ បាន​និយាយ​ថា៖ «ពិភព​​លោក​​យើង​ធំ​ពេក​ធ្វើ​ឲ្យ​​យើង​ចាប់​អារម្មណ៍​នឹង​ពិភព​ដ៏​តូច​វិញ»។

ក្រុម​​សិល្បករ​​គ្មាន​ស្រមោល Anonymouse ​បាន​រំលេច​​តាម​កន្លុក​កន្លៀត​ដង​វិថី​តាំង​ពី​អង់គ្លេស បារាំង រហូត​ដល់​ស៊ុយអែត ដោយ​​ «រក្សា​​អត្តសញ្ញាណ​​ដ៏​អាថ៌កំបាំង» សូម្បី​តែ​សាលា​ក្រុង​​លនដ៍ ​ក៏​ពុំ​ដឹង​ថា​​ត្រូវ​ផ្ញើ​ប្រាក់​ឲ្យ​​ក្រុម​សិល្បៈ​នេះ​​តាម​​ណា​ដែរ៕ AFP

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។