The Phnom Penh Post Search

Search form




Logo of Phnom Penh Post newspaper Phnom Penh Post - ស្រីស្រស់ វ៉ាន់នីឡា ហាក់​នៅ​​តែ​រារែក​​នឹង​ការ​វិល​ចូល​​សិល្បៈ​វិញ​




ស្រីស្រស់ វ៉ាន់នីឡា ហាក់​នៅ​​តែ​រារែក​​នឹង​ការ​វិល​ចូល​​សិល្បៈ​វិញ​

Content image - Phnom Penh Post
ថ្មីៗនេះ​ស្រីស្រស់ សុខ ចិន្តា ហៅ​ វ៉ាន់នីឡា​ បង្ហោះ​សារ​បែប​រារែក​រឿង​វិល​ចូល​សិល្បៈវិញ​​​។ រូប ហ្វេសប៊ុក​, កញ្ញា វ៉ាន់នីឡា អតីត​តារា​ចម្រៀង​ស្រី​នៅ​ផលិត​កម្ម​ភ្លេងរីខត​​។ រូបថត ហុង មិនា​

ស្រីស្រស់ វ៉ាន់នីឡា ហាក់​នៅ​​តែ​រារែក​​នឹង​ការ​វិល​ចូល​​សិល្បៈ​វិញ​

ភ្នំពេញ៖ នៅ​ដើម​ឆ្នាំ ​២០២១ ​នេះ​ ​ស្រាប់​តែ​​អតីត​តារា​ចម្រៀង​ស្រី​នៅ​ផលិតកម្ម​ភ្លេង​រីខត​​ កញ្ញា សុខ ចិន្តា ហៅកញ្ញា​ វ៉ាន់នីឡា ​​បង្ហោះសារ​​​ប្លែកៗ​ ហាក់​បង្ហាញ​ពី​ភាព​រារែក​នូវ​ដំណឹង​វិល​​ត្រឡប់​ចូល​ប្រឡូក​ការងារ​​សិល្បៈ​វិញ​នោះ ដែល​ខុស​ពី​ដើម​​ឆ្នាំ ​២០២០ ​ដែល​កញ្ញា​ធ្លាប់​បាន​​​បង្ហើប​ថា នឹង​​ចូល​មក​​រក​ការងារ ដែល​​ជា​ឆ្នាំង​បាយ​​​​ចាស់​នេះ​ឆាប់ៗ​​។​

ជាមួយ​នឹង​ការ​បង្ហោះ​ប្លែកៗ​ កញ្ញា វ៉ាន់នីឡា បាន​​សេរសេរ​តាម​ហ្វេសប៊ុក​​ថា​៖ «​ពេល​ខ្លះ​ លួច​មាន​​មោទន​ភាព​ ចំពោះ​ខ្លួន​ឯង​​តិចៗ​ ដែល​អាច​​ធ្វើ​ឱ្យ​​មនុស្ស​ជា​ច្រើន​ហៅ​ខ្ញុំ​ថា ​idol!​ ​Okay ប៉ុន​នេះ​​​ក៏​បាន​ដែរ​ គួរ​តែ​អាច​មាន​ក្តី​សុខ​បាន​ហើយ អរគុណ​​សម្រាប់​​ការ​ស្រឡាញ់!»​ និង​ក្រោយ​មក​​​ក៏​ស្រាប់​តែ​​បង្ហោះ​​​មួយ​​ទៀត​ថា៖ «​ឈប់​ចង់​ធ្វើ​​ជា ​តារា​​ចម្រៀង​អី​ទៀត​​ហើយ លែង​​​​​ចង់​​ស្រមៃ​​ ចង់​​បោះបង់​​ក្តី​​សង្ឃឹម​មួយ​នេះ​​​ចោល»។

គេ​នៅ​ចាំ​បាន​ថា កាល​ពី​ដើម​​ឆ្នាំ ​២០២០ កញ្ញា វ៉ាន់នីឡា ចេញ​បទ​​មក​​បំពេ​អារម្មណ៍​ប្រិយមិត្ត​នៅ​ក្នុង​បទ​ចម្រៀង​ថ្មី​មាន​ចំណង​ជើង​ថា «បេះដូង​វីរជន​អាវ​ស Covid-19​» ដែល​​ផលិត​​ដោយ​សមាគម​គ្រូពេទ្យ​​​​ស្ម័គ្រចិត្ត​​យុវជន​សម្តេច​តេជោ (TYDA​) ​ក្រោយ​​​​ពី​​ចប់​​​​រដូវកាល​​​​​ពិធី​បុណ្យ​​​ចូល​ឆ្នាំ​ប្រពៃណី​ខ្មែរ​ភ្លាម​​​​នោះ​។​ ការ​ចេញ​មក​បំពេ​អារម្មណ៍​​មហាជន​ឡើង​វិញ​អំពី​សំណាក់​​តារា​ចម្រៀង​​​ស្រី​សាច់​សខ្ចី ​ដែល​បាន​​បាត់​មុខ​ពី​សង្វៀន​សិល្បៈ​យូរ​​ក្រែល​ដោយសារ​បញ្ហា​ផ្ទាល់​ខ្លួន​​ ខណៈ​បទ​ចម្រៀង​នោះ​​​គឺ​​ជា​ការ​ដឹកនាំ​ការ​ផលិត និង​និពន្ធ​ទំនុក​ច្រៀង​​ដោយ​បង​​ប្រុស​នាង​​បង្កើត​​​លោក ​សុខ ជំនោរ និង​និពន្ធ​បទភ្លេង​​ដោយ​​លោក រួន​ ​ហៅ​​​ចចក​សមុទ្រ​​​។

ដោយ​ឡែក​​បង​​ប្រុស​​​​​​តារា​ចម្រៀង​​​ស្រី​ វ៉ាន់នីឡា គឺ​លោក សុខ ជំនោរ ​អតីត​​​ជា​អ្នក​​​និពន្ធ​ទំនុក​ច្រៀង​​​ល្បី​ឈ្មោះ​​ល្បី​រាប់​​ឆ្នាំ​​នៅ​ផលិតកម្ម​​ហង្សមាស និង​បច្ចុប្បន្ន​​លោក​​មាន​​​ផលិតកម្ម​ផ្ទាល់​​ឈ្មោះ ​Films OutFox ​និង​ក្រុម​ការងារ​សហការ​ផលិត​​នៅ​ផលិតកម្ម​ Davitra Meida ក៏​​បាន​បញ្ជាក់​នា​ពេល​ថ្មីៗ​កន្លង​មក​​​ដែរ​ពី​ភាព​មិន​ច្បាស់លាស់​របស់​ប្អូន​ស្រី​ខ្លួន​ចំពោះ​រឿង​​ចូល​សិល្បៈ​នោះ​។

លោក​ សុខ ជំនោរ ក៏​បាន​ព្រលយ​ឱ្យ​ដឹង​ថា​៖ «ដំបូង​ ខ្ញុំ​ក៏​ចង់​ឱ្យ​គាត់​ចូល​ដែរ តែ​​ដោយសារ​គាត់​ជាប់​​កិច្ចការ​ជាមួយ​នឹង​​ផលិត​ផល​រក្សា​សម្រស់​។ ដូច្នេះ​ គាត់​ក៏​មិន​អាច​ចូល​មក​ប្រឡូក​សិល្បៈ​ចម្រៀង​វិញ ​ជាមួយ​​ Davitra Meida បាន​ដែរ»។​

ជា​​ការ​គួរ​​កត់​សម្គាល់​​​​នា​មួយ​រយៈ​​ចុង​ក្រោយ​នេះ ​គេ​ឧស្សាហ៍​​ឃើញ​អតីត​តារា​ចម្រៀង​ដែល​ធ្លាប់​ជ្រក​កោន​​នៅ​​លើ​ទ្រនំ​ភ្លេង​រីខត ​កញ្ញា វ៉ាន់​នីឡា បង្ហើរ​សារ​​​ជា​​តម្រុយ​​ប្រាប់​ពី​បំណង​​ចង់​​វិល​មក​រក​ឆ្នាំង​បាយ​ចាស់​នៅ​លើ​វិថី​ចម្រៀង​​វិញ​ជា​រឿយៗ​​។ ជាក់​ស្តែង​​ដូចជា​មាន​​​​ការ Live ​វីដេអូ​ ច្រៀង​បំពេ​អារម្មណ៍​ប្រិយមិត្ត​នៅ​តាម​​បណ្តាញ​​ហ្វេសប៊ុក​​ក៏​ឃើញ​កញ្ញា​ វ៉ាន់នីឡា បាន​បង្ហោះ​​សារ​ថា​៖ ​«​ខ្ញុំ​ចង់​ឡើង​ច្រៀង​លើ​ឆាក​វិញ ខ្ញុំ​​ចង់​ចេញ​បទចម្រៀង​ថ្មី ខ្ញុំ​​ចង់​ធ្វើ​អ្វី​ដែល​​ខ្ញុំ​ធ្លាប់​ធ្វើ​ពី​មុន ខ្ញុំ​នឹក​​ជីវិត​ជា​តារា​ចម្រៀង​ខ្លាំង​​ណាស់​»​៕​

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ