The Phnom Penh Post Search

Search form




Logo of Phnom Penh Post newspaper Phnom Penh Post - ហាងស្ប៉ា​អាមេរិក​មួយ​រងពិន័យ រឿង​មិន​ផ្ដល់​សេវា​ម៉ាស្សា​ដល់​ជនពិការ

ហាងស្ប៉ា​អាមេរិក​មួយ​រងពិន័យ រឿង​មិន​ផ្ដល់​សេវា​ម៉ាស្សា​ដល់​ជនពិការ

Content image - Phnom Penh Post
ហាង​ស្ប៉ា Spa Palace ចាញ់​បណ្ដឹង​រឿង​រើសអើង​ជនពិការ​មក​ទទួល​សេវា​ម៉ាស្សា​។

ហាងស្ប៉ា​អាមេរិក​មួយ​រងពិន័យ រឿង​មិន​ផ្ដល់​សេវា​ម៉ាស្សា​ដល់​ជនពិការ

ក្រុងឡូសអេនជឺលេស: ហាងស្ប៉ា​មួយ​ក្នុង​ទីក្រុង​ឡូសអេនជឺលេស បាន​ឯកភាព​ផ្លាស់ប្ដូរ​គោលការណ៍​របស់​ខ្លួន និង​បាន​បង់ប្រាក់​សំណង​ដល់​បុរស​ពិការភ្នែក​ម្នាក់​ដែល​ត្រូវ​បាន​រារាំង​មិន​ឲ្យ​ចូល​ហាង​ដោយ​លើក​ហេតុផល​ថា បុរស​ពិការ​មិន​អាច​ធ្វើតាម​ការណែនាំ​ផ្សេងៗ​បាន​។

Spa Palace ដែល​ដំណើរការ​ឡើង​ដោយ CJ Spa Group Inc បាន​ចូល​ខ្លួន​ដោះស្រាយ​ក្ដី​នៅ​នាយកដ្ឋាន​យុត្ដិធម៌​អាមេរិក ក្រោយពី​បុរស​ម្នាក់​បាន​ដាក់​ពាក្យ​ប្ដឹង​។

ក្រុម​អាជ្ញាធរ​បាន​ឲ្យ​ដឹងថា ដើមបណ្ដឹង​ដែល​សុំ​មិន​បញ្ចេញ​ឈ្មោះ​បាន​ចូល​ហាងស្ប៉ា​កាលពី​ខែ​កក្កដា ឆ្នាំ​ ២០១៧ ជាមួយ​មិត្ដភក្ដិ​ម្នាក់​បំណង​មក​ម៉ាស្សា​ក្នុង​សង្កាត់ Westlake ក្រុង​ឡូសអេនជឺលេស​។

បុគ្គលិក​ហាងស្ប៉ា​បាន​ប្រាប់​លោក​ថា​លោក​មិន​អាច​ចូល​ហាង ឬ​ទទួល​សេវាកម្ម​ម៉ាស្សា​ដោយសារ​លោក​មិន​អាច​ធ្វើតាម​ការណែនាំ ហើយ​អ្នក​ម៉ាស្សា​មិន​អាច​មើល​ការខុសត្រូវ​លើ​លោក​ឡើយ​។ អ្នក​ទាំង​ ២ ​បាន​ចាកចេញ តែ​ទទួល​ទូរស័ព្ទ​ពី​បុគ្គលិក​ស្ប៉ា ៤៥ នាទី​ក្រោយ​ដោយ​បាន​និយាយ​ថា ពួកគេ​អាច​ត្រឡប់​មក​វិញ និង​ចូល​ម៉ាស្សា​បាន​។ ពួកគេ​ក៏​ប្រកែក​លែង​ត្រឡប់​វិញ​។

មេធាវី​ឈ្មោះ Nick Hanna បាន​ឲ្យ​ដឹង​ថា​៖ «​បុគ្គល​ពិការភាព​រួមទាំង​អ្នក​ពិការភ្នែក មិន​គួរ​ត្រូវ​បាន​ផាត់​ចេញ​ពី​សកម្មភាព ឬ​សេវាកម្ម​ណា​ឡើយ​ដោយ​មាន​ការរើសអើង ឬ​ស្មាន​ខុស​នោះ​ទេ​»​។

បន្ថែម​ពី​ការផ្លាស់ប្ដូរ​គោលការណ៍​លើ​សេវាកម្មជន​មាន​ពិការភាព ហាង​ស្ប៉ា​ក៏​យល់​ព្រម​បង់ពិន័យ ៥០០០ ដុល្លារ​ដល់​ដើមបណ្ដឹង និង​ពិន័យ​រដ្ឋប្បវេណី ៥០០០ ដុល្លារ​ចូល​រតនាគារជាតិ​អាមេរិក​៕ HR

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។