The Phnom Penh Post Search

Search form




Logo of Phnom Penh Post newspaper Phnom Penh Post - ហាង​ជប៉ុន​ធ្វើការ​បញ្ចុះ​តម្លៃ​ដល់​បណ្ដា​ភ្ញៀវ​ក្បាលទំពែក

ហាង​ជប៉ុន​ធ្វើការ​បញ្ចុះ​តម្លៃ​ដល់​បណ្ដា​ភ្ញៀវ​ក្បាលទំពែក

ភោជនីយដ្ឋាន​មួយ​​នៅ​ក្រុង​តូក្យូ​ផ្ដល់​ការ​បញ្ចុះ​តម្លៃ​ពិសេស​ដល់បុរស​ក្បាលទំពែក។
ភោជនីយដ្ឋាន​មួយ​​នៅ​ក្រុង​តូក្យូ​ផ្ដល់​ការ​បញ្ចុះ​តម្លៃ​ពិសេស​ដល់បុរស​ក្បាលទំពែក។

ហាង​ជប៉ុន​ធ្វើការ​បញ្ចុះ​តម្លៃ​ដល់​បណ្ដា​ភ្ញៀវ​ក្បាលទំពែក

ក្រុងតូក្យូៈ អូតាស៊ូកេ (Otasuke) ជា​ភោជនីយដ្ឋាន​ថ្មី​មួយ​នៅក្នុង​ក្រុង​តូក្យូ​ដែល​ល្បីល្បាញ​ដោយសារ​តែ ការ​បញ្ចុះ​តម្លៃ​ពិសេស​ដល់​បណ្ដា​ភ្ញៀវ​ទាំងឡាយ​ជា​បុរស​ក្បាលទំពែក។

ស្ថិត ក្នុង​តំបន់​អាកាសាកា កណ្តាល​ក្រុង​តូក្យូ ភោជនីយដ្ឋាន​នេះ​ទទួល​បាន​ជោគជ័យ​ផង​ដែរ​ចាប់​តាំងពី​បាន​បើក​បម្រើ​នា ដើម​ខែ​នេះ​មក។

យីហោ​ក្រៅ​ហាង​មាន​រូប​បុរស​ក្បាលទំពែក​កាន់​ចង្កាក់​សាច់​អាំង អម​ដោយ​ពាក្យ​ស្លោក​លើក​ទឹកចិត្ត​ថា៖ «ទំពែក​ក៏​ជា​មោទនភាព​ដែរ»។

ម្ចាស់ ភោជនីយដ្ឋាន​អ្នកស្រី យូស៊ីកូតូយ៉ូតា មាន​គំនិត​អាជីវកម្ម​ដ៏ប្លែក​នេះ​ក្រោយពី​អ្នកស្រី​បាន​ចូលរួម​ស្ម័គ្រចិត្ត​ធ្វើការ​ស្ដារ​តំបន់​តូហូគូ ក្រោយ​បាតុភូត​រលក​យក្ស​ស៊ូណាមិ​។

អ្នកស្រី​យល់​ថា បុរស​ជា​ឪពុក​ប្រែ​ក្លាយ​ជា​ទំពែក​ដោយសារ​តែ​ជំងឺ​ស្រេ្តស​នឹង​ការងារ​ចិញ្ចឹម​គ្រួសារ។

គួរ បញ្ជាក់​ថា អត្រា​ជ្រុះ​សក់​ទំពែក​ក្បាល​នេះ​បាន​កើតឡើង​លើ​បុរស​ជប៉ុន​មិន​តិច​ជាង ២៦​ភាគរយ​ឡើយ ដោយ​មូលហេតុ​ចម្បង​គឺ​បណ្ដាល​មកពី​រោគ​ស្រេ្តស​តែ​ម្ដង៕

អត្ថបទគួរចាប់អារម្មណ៍