The Phnom Penh Post Search

Search form




Logo of Phnom Penh Post newspaper Phnom Penh Post - ហាង វីជេ អាណូ ល្បី​សម្បូរ​អាហារ​ឆ្ងាញ់​មិន​សាក​មិន​បាន




ហាង វីជេ អាណូ ល្បី​សម្បូរ​អាហារ​ឆ្ងាញ់​មិន​សាក​មិន​បាន

Content image - Phnom Penh Post
ពិធី​ការិនី និង​តារា​ម៉ូដែល​កញ្ញា​ ​អាណូ បង្ហាញ​បាយ​សាច់​ជ្រូក និង​បាយ​សាច់​គោ​ងៀត​។ ហុង មិនា

ហាង វីជេ អាណូ ល្បី​សម្បូរ​អាហារ​ឆ្ងាញ់​មិន​សាក​មិន​បាន

ភ្នំពេញ: វិល​មក​ប្រឡូក​វិថី​សិល្បៈ​ក្រោយ​ពី​អវត្តមាន​ចាក​ឆ្ងាយ​ប្រទេស​យូរ​ក្រែល​ហើយ​នោះ តារា​រូប​ស្រស់​ត្រេ​មុខ​កូន​កាត់​កញ្ញា សួន ភក្ដី ហៅ វីជេ​អាណូ ក្រៅ​តែ​ពី​កាក់​កប​នឹង​អាជីព​មុខ​កាមេរ៉ា នាង​ក៏​កំពុង​វាយ​លុក​ទីផ្សារ​អាហារ ជាមួយ​ការ​រំលេច​ហាង​ហូប​ចុក​បែប​យុវវ័យ​សម្បូរ​បែប​ទៅ​ដោយ​ម្ហូប​ឆ្ងាញ់​ល្បីៗ​គួរ​ឲ្យ​ចង់​ភ្លក្ស។

Content image - Phnom Penh Post
បាយ​សាច់​ជ្រូក និង​បាយ​សាច់​គោ​ងៀត ជ្រក់​ត្រសក់ ពី​ហាង Christian របស់​វីជេ អាណូ។ ហុង មិនា

បន្ថែម​ពី​លើ​របរ​លក់​បាយ​សាច់​ជ្រូក​អាំង​ Christian ដែល​មាន​ការ​កុម្ម៉ង់​យ៉ាង​គគ្រឹក​គគ្រេង​តាម​អនឡាញ​នោះ កញ្ញា ​អាណូ​ក៏​ទទួល​សំណូម​ពរ​ឲ្យ​នាង​បើក​ហាង។

ឆ្លើយ​តប​នឹង​ការ​ទទូច​របស់​អតិថិជន ​ឥឡូវ​នេះ​កញ្ញា​បាន​សម្រេច​ចិត្ត​បើក​ហាង​ខ្នាត​មធ្យម​មួយ​ស្ថិត​នៅ​ផ្លូវ​២៤៦ ក្រោយ​រដ្ឋ​សភា​ចាស់។

ហាង​ថ្មី​នេះ​មាន​លក់​នូវ​ម្ហូប​បន្ថែម​ជាច្រើន​មុខ​ដូច​ជា ជើង​មាន់​ប្រឡាក់​អំបិល​ម្ទេស​អាំង កង្កែប​ប្រឡាក់​ទឹក​ប្រេង​ខ្យង​អំបិល​ម្ទេស​​អាំង ភ្លា​ក្តាម​សេះ​ហឹរ​​ហោះ ងាវ​ក្រឡុក​ហឹរ​​ នំ​បញ្ចុក​សម្ល​ខ្មែរ និង​ម្ហូប​ប្លែក​មាត់​ជាច្រើន​មុខ​ទៀត។

តែ​អ្វី​ដែរ​ពិសេស​ប្រចាំ​ហាង​គឺ​បាយ​សាច់​ជ្រូក​អាំង និង​គោ​ងៀត​អាំង ដែល​មាន​លក់​​ជាប់​រហូត តាំង​ពី​ព្រឹក​រហូត​ដល់​យប់​តែ​ម្តង។ កាន់តែ​ពិសេស​នោះ​គឺ​គោ​ងៀត​អាំង ជា​ស្នាដៃ​ម្ចាស់​ហាង​ធ្វើ​ផ្ទាល់​តែ​ម្តង​ ទាំង​រសជាតិ​ និង​អនាម័យ​ល្អ។

ទាក់ទិន​នឹង​ការ​បើក​ហាង​ថ្មី​ដែល​ល្បី​ថា​គ្រាន់​តែ​បើក​​លក់​ត្រឹម​តែ​៣​ថ្ងៃ​ក៏​រួច​ថ្លៃ​ជួល​​ផ្ទះ​បាត់​ទៅហើយ​នោះ​ ស្រីស្រស់​ អាណូ ​​បាន​ឲ្យ​ដឹង​​ថា៖​ «បន្ទាប់​ពី​បើក​ហាង​រួច​ឃើញថា​មាន​ភ្ញៀវ​មក​គាំទ្រ​ច្រើន ហើយ​ម្នាក់ៗ​គឺ​ចូល​ចិត្ត​ញ៉ាំ​​បាយ​សាច់​ជ្រូក​អាំង​តែ​ម្តង។ ទោះ​បី​ជា​​បើកហាង ក៏​ប៉ុន្តែ​ការ​លក់​តាម​​អន​ឡាញ និង​​ការ​កុម្ម៉ង់​​​តាម​​ទូរស័ព្ទ​គឺ​នៅ​តែមាន​ការ​គាំទ្រ​ច្រើន​ដដែល ហើយ​​ភាគ​ច្រើន​ភ្ញៀវ​កុម្ម៉ង់​ច្រើនៗ​សម្រាប់​ពិធី​ជប់​លៀង សិក្ខាសាលា ការិយាល័យ​ជាដើម»។

កញ្ញា​បន្ត​ថា៖​ «បាយ​សាច់​ជ្រូក​​អាំង​មួយ​ប្រអប់​​តម្លៃ ៨​ពាន់​រៀល និង​បាយ​​ភ្លៅ​មាន់​វិញ ១ កញ្ចប់​តម្លៃ ១ ម៉ឺន​រៀល ជា​តម្លៃ​គិត​ទាំង​សេវាកម្ម​វេច​ខ្ចប់​មាន​អនាម័យ​ល្អ និង​ចែក​ចាយ​​ដល់​កន្លែង»។

សម្រាប់​អ្នក​កុម្ម៉ង់​បាយ​សាច់​ជ្រូក បាយ​ងៀត​គោ ភ្លៅ​មាន់ ពង​ទា​ចៀន​ជ័រ​ព្នៅ Christian បាយ​សាច់​ជ្រូក​អាំង អាច​ទាក់ទង​តាម​ទូរស័ព្ទ ០១៧ ៤៣៣ ២៧៩៕

អត្ថបទគួរចាប់អារម្មណ៍