The Phnom Penh Post Search

Search form




Logo of Phnom Penh Post newspaper Phnom Penh Post - អតីត​សង្សារ​ទម្លាយ​រឿង​ សុគន្ធ នីសា​ វិល​រក​ទ្រនំ​ហង្សមាស​វិញ​




អតីត​សង្សារ​ទម្លាយ​រឿង​ សុគន្ធ នីសា​ វិល​រក​ទ្រនំ​ហង្សមាស​វិញ​

Content image - Phnom Penh Post
សុគន្ធ នីសា​ និង សុខ ជំនោរ គ្រា​នៅ​ជា​គូស្នេហ៍​នឹង​គ្នា​។ រូប សហការី

អតីត​សង្សារ​ទម្លាយ​រឿង​ សុគន្ធ នីសា​ វិល​រក​ទ្រនំ​ហង្សមាស​វិញ​

ភ្នំពេញៈ ព័ត៌មាន​ដ៏​រំជើបរំជួល​ផ្ទួនៗ​ក្រៅ​ពីអ្នកនាង​ ពេជ្រ សោភា ប្រកាស​ចាកចេញ​ពី​ហង្ស​មាស​នោះ ថ្មីៗ​នេះ​ក៏​មាន​ដំណឹង​ទម្លាយ​ចេញពីមាត់​អតីត​គូស្នេហ៍​តារា​ចម្រៀង​ សុគន្ធ នីសា ថា​ តារាស្រី​រូប​នេះ​ក៏​គ្រោង​វិល​ទៅ​រក​ទ្រនំ​ចាស់​នៅ​ហង្ស​មាស​វិញ។

យ៉ាងណា​ដំណឹង​នេះ​មិនត្រូវ​បាន​អ្នក​គ្រប់គ្រង​នៅ​ផលិត​កម្មថោន​ជា​ទ្រនំ បច្ចុប្បន្ន​របស់ សុគន្ធ នីសា បដិសេធ ឬ​ទទួល​ស្គាល់ទេ ខណៈ​នាង​មិន​ទាន់​បាន​ដាក់​លិខិត​លា​ឈប់នៅឡើយ។

«ផលិតកម្មថោន ​មិន​ទាន់​បាន​ទទួល​ពាក្យ ​ឬ​លិខិត​សុំលា​ឈប់​របស់ កញ្ញា សុគន្ធ ​នីសា នៅ​ឡើយ​ទេមកទល់​នឹង​ពេលនេះ​។​ ​ម្យ៉ាង​ទៀត​ថ្មី​ៗ​នេះខាង​ ថោន ក៏​ទើប​តែ​នឹង​ចេញ​អាល់ប៊ុម ​VCD ​Vol​ ៨៤ ​ឲ្យនាង​តែ​ម្នាក់ឯង​ដែរ។​ ​តែប្រសិន​បើ សុគន្ធ នីសា មានបំណង​ចង់​ចេញ​ពី​ថោន​មែន​នោះ​ ​នាង​មាន​សិទ្ធិសម្រេច​ព្រោះ​នាង​មិនបាន​ជាប់​កុងត្រានឹង​ថោន​ទេ ​ព្រោះ​ការ​ចូល​មក​ច្រៀង​នៅក្នុង​ផលិត​កម្ម​​ថោននោះ​ គឺនាង​ក្នុង​នាម​ជា​តារា​ចម្រៀង​មិន​ធ្វើ​កុងត្រា​ឡើយ»។

តារា​ចម្រៀង សុគន្ធ នីសា​​។
តារា​ចម្រៀង សុគន្ធ នីសា​​។ វុទ្ធី

នេះ​ជា​សម្តី​អះអាង​របស់​លោក មាស សុខ​រតនៈ ដែលជា​អ្នក​គ្រប់​គ្រង​របស់​ផលិត​កម្មថោន​ បាន​ឆ្លើយបញ្ជាក់​ប្រាប់​ភ្នំពេញ​ប៉ុស្តិ៍​ នាពេល​រសៀល​ថ្ងៃអង្គារ ​ទី ៨ ខែ​ធ្នូ​នេះ។ ប្រភព​ក្រៅ​ផ្លូវ​ការនេះ​ បាន​លើក​ឡើងថា សុគន្ធ នីសា នឹង​វិល​ចូល​វិញ​ ព្រោះ​ថា​កាលពេល​ចាក​ចេញ​ពី​ហង្សមាស​របស់​នាង​ក៏​មិនមានបញ្ហា​វិវាទ​អ្វី​ជា​មួយ​ហង្សមាសដែរ​ ​គឺ​ពេល​នោះគ្រាន់​តែ​នាង​ចង់​បែក​ពី​លោក សុខ ជំនោរ ប៉ុណ្ណោះ​ ព្រោះ​មិន​ចង់​នៅ​ធ្វើ​ការ​ឃើញ​មុខ​គ្នា ហើយ​ពេលនេះលោក សុខ ជំនោរ ក៏​បាន​ចេញ​ពីហង្សមាសដែរ ដូច្នេះ​នាង​ក៏​ចង់​វិល​មក​រក​ទ្រនំ​ចាស់វិញ​។​

ព័ត៌មាន​ខាង​លើ​នេះ​យើង​មិន​ទទួល​បាន​ការ​ឆ្លើយ​តប​ពី សុគន្ធ នីសា ទេ ព្រោះ​លេខ​ទូរស័ព្ទ​ដែល​នាង​ធ្លាប់ប្រើ​មិន​អាច​ទាក់ទង​បាន។​

រឿង​រ៉ាវ​ដ៏​ក្ដៅ​គគុកនៅ​ក្នុង​ពិភព​សិល្បៈ បានកើត​ឡើងជា​បន្ដ​បន្ទាប់ និង​កំពុងតែ​ធ្វើ​ឲ្យមហា​ជន​និយាយ​ដេញ​ដោល​គ្នា ដោយអ្នក​គាំទ្រ​ខ្លះ​កំពុង​តែ​ជ្រួល​ច្របល់​ និង​តាម​ដានយ៉ាង​យកចិត្ត​ទុក​ដាក់​ពី​ដំណើរ​វិវត្តន៍​យ៉ាងណាសម្រាប់​កញ្ញា សុគន្ធ នីសា វិល​ចូល​ផលិតកម្ម​ហង្ស​មាស និង​ការ​ចាក​ចេញ​ពី​ហង្ស​មាស​របស់​អ្នក​នាង ពេជ្រ សោភា​ នោះ​។

មាន​ប្រភព​មួយ​បាន​ទម្លាយ​មកថា តារា​ចម្រៀង​ប្ដូរទ្រនំថ្មី​ចូល​ចាស់​វិញ​ កញ្ញា សុគន្ធ នីសា កំពុង​តែត្រៀម​ខ្លួន​ត្រឡប់ មក​ជម្រក​ចាស់​វិញ​ គឺ​ផលិតកម្ម​ហង្សមាស ជា​ថ្នូរ​នឹង​តំណែង​ថ្មី​គឺ​ធ្វើជា​គណៈកម្មការ​កម្មវិធី «X FACTOR» ដែល​ទូរ​ទស្សន៍​ហង្សមាស​កំពុងតែ​ត្រៀម​ផលិត​នោះ​។

ពាក់ព័ន្ធ​​នឹង​ព័ត៌មាន​ខាងលើ​នេះ​ អតីត​គូ​ស្នេហ៍​របស់​នាង​លោក សុខ ជំនោរ បាន​ចេញ​មុខ​ទទួល​ស្គាល់តាម​រយៈ​សំឡេងនៅ​ក្នុង​Youtube ថា៖​ «​ខ្ញុំ​ហ៊ាន​ថា ៩០ ភាគរយ ដែល​គាត់ត្រឡប់​រក​ទ្រនំ​ចាស់ ហើយ​ការ​ដឹង​នេះគឺខ្ញុំ ដឹង​ពីម្ចាស់​សាមី​ខ្លួន​ នីសា ផ្ទាល់​​គាត់​​បាន​ប្រាប់​ខ្ញុំ​ថា ខាង​ហង្ស​មាស​បានចែ​ចូវ​គាត់ ​តែ​ខ្ញុំ​មិន​បាន​ដឹង​ថា នីសា​ គាត់​គិត​បែបណា​នោះ​ទេ ហើយ​ខ្ញុំ​សុំ​ច្រាន​ចោលនូវ​ការដែលថា​ នីសា វិល​ចូល​ផលិត​កម្ម​ចាស់​នេះ មិនមែន ដោយ​សារ មូល ហេតុ​មាន​ការ​ផ្លាស់​ប្តូរ ឬក៏​ដោយសារ​​ខ្ញុំ​ឈប់​ពី​ហង្សមាស ទើប នីសា ចូល​ទេ។ តាម​ពិតទៅ​ខ្ញុំ​ក៏​បាន​ឈប់​ពី​ហង្សមាស​យូរ​ហើយ ប្រមាណ​ជិត ៥ ខែ​ទៅ​ហើយ ខណៈ​រឿងដែល នីសា វិល​រក​ទ្រនំ​ចាស់​នេះ​គឺ​ទើប​តែ​លេចនាពេលថ្មីៗ​នេះ»៕​

អត្ថបទគួរចាប់អារម្មណ៍