The Phnom Penh Post Search

Search form

អភិបាលក្រុង​ឡុង​ដ៍​ ស្នើ​មិន​ឲ្យ​មាន​អាហារ​ទាន់​ចិត្ត​ក្បែរ​ចំណត​សាធារណៈ

Content image - Phnom Penh Post
ផ្ទាំង​រូបភាព​ផ្សព្វផ្សាយ ហេមប៊ើហ្គើ ជា​អាហារ​ទាន់ចិត្ត​​នៅ​ចំណតរថយន្ត​ក្រុង​​។

អភិបាលក្រុង​ឡុង​ដ៍​ ស្នើ​មិន​ឲ្យ​មាន​អាហារ​ទាន់​ចិត្ត​ក្បែរ​ចំណត​សាធារណៈ

ក្រុងឡុងដ៍: អភិបាលក្រុង​ឡុង​ដ៍ សា​ឌី​ក ខាន កាលពី​ថ្ងៃ​សុក្រ បានដាក់​សំណើ​ហាម​ឃាត់​ផ្សព្វផ្សាយ​អាហារ​មាន​ជាតិ​ខ្លាញ់ អំបិល និង​ស្ករ​ខ្ពស់​ពី​បណ្ដាញ​ដឹក​ជញ្ជូន​ទីក្រុង​បំណង​ទប់​ស្កាត់​ការ​ឡើង​ទម្ងន់​របស់​កុមារ។

អភិបាលក្រុង​ក៏បាន​ដាក់​បម្រាម​លើ​អាហារ​ខ្ចប់ក្ដៅៗ​នៅ​បរិវេណ​សាលា​ចម្ងាយ​ប្រមាណ ៤០០ ម៉ែត្រ។ នេះ​បើ​យោង​តាម​សេចក្ដី​ប្រកាស​ពី​ការិយាល័យ​របស់​លោក​កាល​ពី​ថ្មីៗ​នេះ។

លោក ខាន បាន​និយាយថា៖ «ការឡើង​ទម្ងន់​របស់​កុមារ​នៅ​ទីក្រុង​ឡុង​ដ៍ ជា​ស្ថានភាព​លំបាក​ទប់ស្កាត់ ហើយ​ខ្ញុំ​មាន​ការ​តាំង​ចិត្ដ​ខ្ពស់​ក្នុងការ​ដោះស្រាយ​បញ្ហា​នេះ»។

លោក​បាន​បន្តថា៖ «វា​មិន​សម​ណា ទីក្រុង​មួយ​ដ៏​សម្បូរ​សប្បាយ​ដូចជា ក្រុង​ឡូង​ដ៍ ដែល​ប្រជាជន​រស់នៅ និង​រក​ចំណូល​ខ្ពស់ អាច​ជះ​ឥទ្ធិពល​លើ​កត្ដា​សុខភាព ជីវជាតិ​អាហារ និង​រង​គ្រោះ​ព្រោះ​អាហារ​ទាន់​ចិត្ដ​ឡើយ»។

ដើម្បី​កាត់បន្ថយ​ចំណង់​អាហារ​ដែល​ល្បី​ប៉ះពាល់​ដល់​សុខភាព​នោះ លោក​អភិបាល​ក្រុង​រូប​នេះ បាន​លើក​ឡើង​ថា៖ «នោះ​គឺជា​មូលហេតុ​ដែល​ខ្ញុំ​ស្នើ​ហាម​ឃាត់​ផ្សព្វផ្សាយ​អាហារ​ទាន់​ចិត្ដ​ដ៏​គ្រោះ​ថ្នាក់​ទាំង​នៅ​បណ្ដាញ​រថភ្លើង​ក្រោម​ដី និង​រថយន្ដ​ក្រុង»។

យោងតាម​ទិន្នន័យ​ផ្លូវការ បាន​បង្ហាញថា កុមារ​ជិត ៤០ ភាគរយ​នៅ​ទីក្រុង​ឡុង​ដ៍ អាយុ ១០ និង ១១ ឆ្នាំ បាន​ធាត់​លើស​ទម្ងន់​ឬ​ធាត់​ជ្រុល ដែល​ធ្វើ​ឲ្យ​ពួកគេ​ប្រឈម​នឹង​ជំងឺ​លើស​ឈាម ឬ​ទឹក​នោម​ផ្អែម ពេល​ធំធាត់។

កន្លងមក​មេ​ចុងភៅ​ល្បីឈ្មោះ​របស់​អង់គ្លេស ចេ​មី អូ​លី​វើ ក៏​ធ្លាប់បាន​ហៅ​គម្រោង​នេះ​ជា «ជំហាន​ហោះ​ទៅ​មុខ​យ៉ាង​រឹងមាំ»៕

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។