The Phnom Penh Post Search

Search form




Logo of Phnom Penh Post newspaper Phnom Penh Post - អាផាតមិន​ប្រណីត​ ២​ របស់​ ឈិន ឡុង​ ត្រូវ​បាន​រឹប​អូស​ និង​លក់​ដេញ​ថ្លៃ​




អាផាតមិន​ប្រណីត​ ២​ របស់​ ឈិន ឡុង​ ត្រូវ​បាន​រឹប​អូស​ និង​លក់​ដេញ​ថ្លៃ​

Content image - Phnom Penh Post
រូបភាពអគារ​អាផាតមិន ដែល​ធ្លាប់ជា​កម្មសិទ្ធិ​របស់​លោក ឈិន ឡុង​។ រូបថត AFP

អាផាតមិន​ប្រណីត​ ២​ របស់​ ឈិន ឡុង​ ត្រូវ​បាន​រឹប​អូស​ និង​លក់​ដេញ​ថ្លៃ​

ក្រុង​ប៉េកាំង៖ អាផាតមិន​ប្រណីត ​២ ក្នុង​ក្រុង​ប៉េកាំង ​ដែល​ត្រូវ​បាន​រឹប​អូស​ពី​តារា​ភាពយន្ដ​ល្បី ជេកគី ចាន់ នឹង​ត្រូវ​ដាក់​លក់​ដេញ​ថ្លៃ​សម្រាប់​តម្លៃ​ប្រមាណ ១០ ​លាន​ដុល្លារ ​ដោយ​សារ​បញ្ហា​ជម្លោះ​កម្មសិទ្ធិ​។ នេះ​បើ​យោង​តាម​ឯកសារ​តុលាការ​ដែល​ទីភ្នាក់ងារ​ AFP ទទួល​បាន​។

តារា​វាយ​តប់​ វ័យ ​៦៦ ​ឆ្នាំ ដែល​ល្បី​ឈ្មោះ ឈិន ឡុង ជាមួយ​​​ប្រជាប្រិយភាព​ក្នុង​រឿង «​Rush Hour» និង «Police Story​» បាន​បង្ក​បញ្ហា​ចម្រូង​​ចម្រាស​ក្នុង​ឆ្នាំ ​២០១៣ នៅ​ពេល​​លោក​បាន​ចូលរួម​ក្នុង​អង្គភាព​ប្រឹក្សា​យោបល់​នយោបាយ​កំពូល​របស់​ចិន​ ខណៈ​លោក​​មាន​កំណើត​នៅ​​ក្រុង​ហុងកុង និង​​លោក​បាន​សាង​កេរ្ដិ៍​ឈ្មោះ​ល្បី​រន្ទឺ​ដល់​ក្រុង​ប៉េកាំង​។

លោក ចាន់ និង​ភរិយា ចូន លីន និង​កូន​ប្រុស ចាយស៊ី ចាន់ បាន​រស់នៅ​ក្នុង​ភូមិ​គ្រឹះ​ប្រណីត​ៗ​នេះ​តាំង​ពី ​២០០៧។ ប៉ុន្ដែ​ជម្លោះ​ផ្លូវ​ច្បាប់​រវាង​ក្រុមហ៊ុន​អចលនទ្រព្យ ​២ បាន​ធ្វើ​ឲ្យ​អគារ​នេះ​ត្រូវ​បាន​រឹប​អូស​សម្រាប់​ប្រើ​ក្នុង​វិស័យ​យោធា​ រួច​ដាក់​លក់​ដេញ​ថ្លៃ​ ទោះបី​ជា​ ឈិន ឡុង បាន​ប្ដឹង​ឧទ្ធរណ៍​យ៉ាង​ណា​ក៏​ដោយ​។

ឈិន ឡុង បាន​ចុះ​កិច្ច​ព្រមព្រៀង​ជាមួយ​ក្រុមហ៊ុន Yujia Real Estate ក្នុង​ឆ្នាំ ​២០០៦ ដើម្បី​ទិញ​អាផាតមិន​ចំនួន ២​ ដែល​មាន​ផ្ទៃ​ដី​ជាង ១ ២០០ ​ម៉ែត្រ​ការ៉េ​។ នេះ​បើ​យោង​តាម​សាលក្រម​តុលាការ​ចេញ​ផ្សាយ​ក្នុង​ខែ​កក្កដា​។

យោង​តាម​ការ​ចុះ​បញ្ជី​ឈ្មោះ​លើ​អនឡាញ​ដែល​ AFP ទទួល​បាន​តម្លៃ​សម្រាប់​អាផាតមិន​ទាំង ២ ​របស់ ​ឈិន ឡុង មាន​តម្លៃ​យ៉ាង​តិច ៧១​,៩ ​លាន​យន់ (១០,៥ ​លាន​ដុល្លារ)​ ដោយ​ការ​ដេញ​ថ្លៃ​ចាប់​ផ្ដើម​នៅ​ដើម​ខែ​ក្រោយ​។

យោង​តាម​បញ្ជី​ដេញ​ថ្លៃ​បាន​ឲ្យ​ដឹងថា អចលន​ទ្រព្យ​ទាំង​នោះ​ពេល​នេះ​ត្រូវ​បាន​វាយ​តម្លៃ​ជាង ១០០ ​លាន​យន់​៕ AFP/HR

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។