The Phnom Penh Post Search

Search form




Logo of Phnom Penh Post newspaper Phnom Penh Post - អ្នកវិទ្យាសាស្ដ្រ​បារម្ភ​កត្ដា​អាកាសធាតុ​ មាន​ឥទ្ធិពល​លើ​ការកំណត់​ភេទ​អណ្ដើក

អ្នកវិទ្យាសាស្ដ្រ​បារម្ភ​កត្ដា​អាកាសធាតុ​ មាន​ឥទ្ធិពល​លើ​ការកំណត់​ភេទ​អណ្ដើក

Content image - Phnom Penh Post
សីតុណ្ហភាព​ខុសគ្នា​តែ ២ អង្សាសេ​ធ្វើឲ្យ​លទ្ធផល​ភ្ញាស់​កូនញី​មាន​ចំនួន​ច្រើន​។ AFP

អ្នកវិទ្យាសាស្ដ្រ​បារម្ភ​កត្ដា​អាកាសធាតុ​ មាន​ឥទ្ធិពល​លើ​ការកំណត់​ភេទ​អណ្ដើក

ក្រុងវ៉ាស៊ីនតោន: ពូជ​អណ្ដើក​មួយចំនួន សីតុណ្ហភាព​ស៊ុត​អាច​កំណត់ថា តើ​កូន​របស់​វា​ញី ឬ​ឈ្មោល​ជា​អ្វីដែល​ក្រុម​អ្នកវិទ្យាសាស្ដ្រ​បារម្ភ​ក្រែង​អម្បូរ​សត្វ​ទាំងនេះ​ងាយ​ផុត​ពូជ​ទៅតាម​ការប្រែប្រួល​អាកាសធាតុ​។

ក្រុម​អ្នកស្រាវជ្រាវ​មកពី​ចិន និង​អូស្ដ្រាលី​បាន​រកឃើញ​អំប្រ៊ីយ៉ុង​ដែល​អាច​បំផ្លាស់ទី​ក្នុង​ស៊ុត​ដើម្បី​ស្វែងរក «​តំបន់​ពណ៌​លឿង​» ដែល​មិនសូវ​ក្ដៅ និង​មិនសូវ​ត្រជាក់ ហើយ​វា​ក៏​ជា​កន្លែង​កំណត់​ភេទ​របស់​វា​ផងដែរ​។

ព្រឹត្ដិបត្រ​របស់​ពួកគេ​ចុះផ្សាយ​កាលពី​ថ្ងៃ​ព្រហស្បតិ៍​លើ Current Biology បាន​ចាត់ទុក​យន្ដការ​នេះ​ជា​កិច្ចការពារ​នឹង​ការប្រែប្រួល​អាកាសធាតុ​ដែល​អាចជួយ​ដល់​ភាព​រស់រាន​របស់​អណ្ដើក​ជាពិសេស​ក្នុង​ដី​។

សហអ្នកនិពន្ធ Wei-Guo Du សាស្ដ្រាចារ្យ​មកពី​វិទ្យាស្ថាន​វិទ្យាសាស្ដ្រ​ចិន បាន​ប្រាប់​ AFP ​ថា​៖ «​ការស្រាវជ្រាវ​របស់​យើង​បាន​បង្ហាញ​ថា អំប្រ៊ីយ៉ុង​អណ្ដើក​មិន​ត្រឹមតែ​ជា​ជនរងគ្រោះ​ពី​ការប្រែប្រួល​អាកាសធាតុ​នោះ​ទេ ប៉ុន្ដែ​ថែមទាំង​វា​អាច​គ្រប់គ្រង​ការកំណត់​ភេទ​របស់​សត្វ​ផងដែរ​»​។

ក្រុមការងារ​ធ្លាប់ធ្វើ​បទបង្ហាញ​ថា អំប្រ៊ីយ៉ុង​សត្វ​អណ្តើក​អាច​បំផ្លាស់ទី​ក្នុង​ស៊ុត​ដើម្បី​ស្វែងរក​ទ្រនំ​សុខ​ស្រួល និង​ចង់​សិក្សា​មើលថា តើ​ការ​បំផ្លាស់ទី​នោះ​គ្រប់គ្រាន់​ល្មម​ក្នុង​ការកំណត់​ភេទ​ឬ​យ៉ាងណា​?

ពួកគេ​ភ្ញាស់​ស៊ុត​អណ្ដើក​ទឹកសាប​ក្រោម​សីតុណ្ហភាព​ខុសៗ​គ្នា​នៅក្នុង​មន្ទីរពិសោធន៍ និង​ក្នុង​ស្រះ​ដោយ​កំណត់ថា តើ​អំប្រ៊ីយ៉ុង​តែមួយ​មុខ​អាច​រួមរស់​ក្នុង​សីតុណ្ហភាព​ស៊ុត​រហូតដល់ ៤,៧ អង្សា​សេ​ឬទេ​?

ខុសគ្នា​ ២ អង្សា​សេ​អាច​ធ្វើឲ្យ​ផ្លាស់ប្ដូរ​ភេទ​ពូជ​អណ្ដើក​ជាច្រើន ដោយ​សីតុណ្ហភាព​ខ្ពស់​ភ្ញាស់​កូនញី​ច្រើន​។

Du ថា​៖ «​វា​នៅ​មិនទាន់​គ្រប់គ្រាន់​ក្នុង​កិច្ចការពារ​ពី​បញ្ហា​ការប្រែប្រួល​អាកាសធាតុ​ដ៏ខ្លាំងក្លា​ដែល​បង្កឡើង​ដោយ​មនុស្ស​ឡើយ​»៕ HR

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។