ក្រុងប៉េកាំង: បុរសចិនម្នាក់ត្រូវបានផាត់ចេញពីក្រុមឆាតឪពុកម្ដាយលើបណ្ដាញសង្គម WeChat និងត្រូវបានចោទពីបទសម្ញែងទ្រព្យធនដោយការជូនកូនប្រុសទៅសាលា ជិះសុទ្ធតែកំពូលរថយន្ដស្ព័រ Ferrari 488 Sports។
បុរសត្រកូល លី ជានាយកប្រតិបត្ដិជាន់ខ្ពស់ក្នុងក្រុមហ៊ុនអចលនទ្រព្យនៅទីក្រុងហាងជូ ប្រទេសចិន និងមានចំណូលចិត្ដជិះ Ferrari 488 ជូនកូនប្រុសទៅរៀន។ រឿងនេះមិនគាប់ភ្នែកឪពុកម្ដាយសិស្សដទៃ ហើយលោក លី ក៏ត្រូវបានគ្រូបង្រៀនជម្រាបប្រាប់ថា លោកទទួលបានការតវ៉ាអំពីរឿងនេះ។
ឪពុកម្ដាយខ្លះមានការបារម្ភថា វាអាចនាំឲ្យមានការប្រៀបធៀបរវាងក្មេងៗក្នុងថ្នាក់ និងរារាំងពួកគេពីការរាប់អានគ្នា។ ពួកគេមិនពេញចិត្ដចំពោះលោក លី និងថែមទាំងដករូបលោកចេញពីក្រុមសារសន្ទនា WeChat ថែមទៀត។
ឪពុកម្ដាយសិស្សមួយ បានសរសេរក្នុងឆាត WeChat ថា៖ «វាមិនសមនោះទេ។ គាត់មិនគួរសម្ញែងបែបនេះឡើយ ទោះខ្លួនមានទ្រព្យធនយ៉ាងណាក៏ដោយ»។
ឪពុកម្ដាយផ្សេងទៀត បានបន្ដថា៖ «បើវាគ្រាន់តែជូនកូនទៅសាលាធម្មតា ចុះម៉េចមិនប្រើរថយន្ដធម្មតាទៅ? អ្នកមិនអាប់ឱននោះទេ»។
តែលោក លី បានសរសេរតបថា៖ «ចុះហេតុអ្វីខ្ញុំត្រូវទិញរថយន្ដផ្សេងដើម្បីផ្គាប់តម្រូវការរបស់អ្នក?»៕HR