The Phnom Penh Post Search

Search form

Logo of Phnom Penh Post newspaper Phnom Penh Post - Smart ដាក់​ដំណើរការ​សេវាកម្ម SmartLuy សម្រួល​ការ​ផ្ទេរ​ប្រាក់ និង​ទូទាត់​វិក័យបត្រ




Smart ដាក់​ដំណើរការ​សេវាកម្ម SmartLuy សម្រួល​ការ​ផ្ទេរ​ប្រាក់ និង​ទូទាត់​វិក័យបត្រ

Content image - Phnom Penh Post

Smart ដាក់​ដំណើរការ​សេវាកម្ម SmartLuy សម្រួល​ការ​ផ្ទេរ​ប្រាក់ និង​ទូទាត់​វិក័យបត្រ

ភ្នំពេញ: Smart បាន​បើក​ដំណើរការ​សេវា​ថ្មី​ដែល​ជា​ដំណោះស្រាយ​សម្រាប់​ប្រតិបត្តិការ​សាច់​ប្រាក់​តាមរយៈ​សេវាកម្ម​ថ្មី​របស់​ខ្លួន​ដែល​គេ​ហៅថា SmartLuy។

ជាមួយ​នឹង SmartLuy នរណា​ក៏​អាច​ធ្វើ​ប្រតិបត្តិការ​សាច់​ប្រាក់​អេឡិច​ត្រូនិច​ពី​ឧបករណ៍​ប្រើប្រាស់ និង​វិក័យបត្រ​បង់​ប្រាក់​ ការ​ផ្ទេរ​ប្រាក់ និង​ការ​បញ្ចូល​លុយ​ទូរស័ព្ទ​ចល័ត។

សេវាកម្ម​នៃ​ការ​ប្រើប្រាស់ SmartLuy គឺ​ត្រឹម​តែ ០,៥០ ដុល្លារ​អាមេរិក។ អ្នក​អាច​ចំណាយ​ត្រឹម​តែ ១០០០ រៀល (០,២៥$) សម្រាប់​ការ​ផ្ទេរ​ប្រាក់​ទៅ​ក្រុម​គ្រួសារ​អ្នក​ក្រោម ២៥ ដុល្លារ និង​ត្រឹម​តែ ២០០០ រៀល (០,៥០$) សម្រាប់​ប្រតិបត្តិការ​លើស​ពី ២៥ ដុល្លារ​អាមេរិក។

អ្នក​មិន​ចាំបាច់​បង់​ថ្លៃ​សេវា​អ្វី​ទេ​សម្រាប់​ការ​ទិញ​បញ្ចូល​ទឹក​ប្រាក់​ទូរស័ព្ទ​ចល័ត​សម្រាប់​ក្រុមហ៊ុន Smart ឬ​ប្រតិបត្តិករ​ទូរស័ព្ទ​ចល័ត​ដទៃ​ទៀត។ ការ​ទូទាត់​វិក័យ​ប័ត្រ​ភាគច្រើន​គឺ​មិន​មាន​គិត​ថ្លៃ​សេវា​ខណៈ​ពេល​ដែល​ប្រតិបត្តិការ​សាច់​ប្រាក់​មាន​តំលៃ​តែ ០,៥០ ដុល្លារ​អាមេរិក។

លោក Thomas Hundt នាយក​ប្រតិបត្តិ​ក្រុមហ៊ុន Smart បាន​និយាយ​ថា៖ «SmartLuy គឺជា​វិធី​ល្អ​ប្រសើរ​ជាង​មុន​ដើម្បី​ធ្វើ​ឱ្យ​ប្រតិបត្តិការ​សាច់ប្រាក់ និង​បន្ថយ​ឧបសគ្គ​នានា​ទាំង​អស់។ តើ​មាន​អ្វី​ដែល​កាន់​តែ​ងាយស្រួល​ជាង​នេះ​នៅ​ពេល​ដែល​អ្នក​អាច​ធ្វើ​ការ​បង់​ប្រាក់​ទាំងអស់ ឬ​ការ​ផ្ទេរ​សាច់ប្រាក់​នៅ​លើ​ម្រាម​ដៃ​របស់​អ្នក​ហើយ​មាន​តម្លៃ​សមរម្យ​មួយ​នៅ​គ្រប់​ទីកន្លែង​ គ្រប់​ពេលវេលា»។

កាបូប SmartLuy អាច​ចូល​ដំណើរការ​បាន​ដោយ​គ្រាន់តែ​ចុច * 1111 # ឬ​តាមរយៈ​វេបសាយ​របស់ SmartLuy ឬ​តាមរយៈ​កម្មវិធី​ទូរស័ព្ទ SmartLuy ដែល​ជា​កម្មវិធី​ងាយស្រួល​ប្រើ​ណាស់។ សម្រាប់​អ្នក​ប្រើប្រាស់​ទូរស័ព្ទ Android សូម​ស្វែង​រក​កម្មវិធី​នៅក្នុង Google Play Store និង​សម្រាប់​អ្នក​ប្រើប្រាស់ iPhone កម្មវិធី​មាន​នៅក្នុង App Store។

អតិថិជន​អាច​មាន​ប្រភេទ​ផ្សេង​គ្នា​បី​ក្នុង​ការ​ជ្រើសរើស​កាបូប SmartLuy បាន​ដែរ​ពោល​គឺ ធម្មតា, ប្រាក់ និង​មាស​អាស្រ័យ​លើ​ទំហំ​នៃ​កាបូប​លុយ​អ្នក​ចង់​អនុវត្ត៕

អត្ថបទគួរចាប់អារម្មណ៍