The Phnom Penh Post Search

Search form




Logo of Phnom Penh Post newspaper Phnom Penh Post - កប៉ាល់​អាក្រាត​ជា​ទេសចរណ៍​ដ៏​កាក់កប




កប៉ាល់​អាក្រាត​ជា​ទេសចរណ៍​ដ៏​កាក់កប

កប៉ាល់​អាក្រាត​ជា​ទេសចរណ៍​ដ៏​កាក់កប

120706_21a
ការធ្វើដំណើរតាមកប៉ាល់អាក្រាតជាទំនោរមួយដែលមានកំណើនប្រជាប្រិយភាព

ក្រុង​ញូវយ៉កៈ នៅ​ពេល​ដែល​កប៉ាល់​ទេសចរណ៍ ខានីវ៉ល ហ្វ្រីដឹម ចាក​ចេញ​ពី​កំពង់ផែ​រដ្ឋ​ហ្វ្លរីដា​នៅ​ដើម​ឆ្នាំ​ក្រោយ​ ដំណើរ​កម្សាន្ត​លើ​សាគរ​រយៈ​ពេល​៨​ថ្ងៃ​នេះ​នឹង​ផ្ដល់​ជូន​នូវ​អាង​ហែល​ទឹក ទីលាន​កីឡា បន្ទប់​ស្នាក់​នៅ និង​ក្លិប​កម្សាន្ត​​ដល់​អ្នក​ដែល​ក្លាហាន​ហ៊ាន​អាក្រាត​កាយ​២៤​ម៉ោង​។

កប៉ាល់​ដែល​អាច​ផ្ទុក​អ្នក​ដំណើរ​ជិត​៣​ពាន់​នេះ​សន្យា​ថា​នឹង​ផ្ដល់​ជូន​ ភ្ញៀវ​នូវ​ការ​សប្បាយ​រីករាយ​ដោយ​មិន​ចាំបាច់​បារម្ភ​អំពី​រឿង​វេចខ្ចប់​ ខោអាវ​តាម​ខ្លួន​ឡើយ។

មក​ទល់​សព្វ​ថ្ងៃ ដំណើរ​កម្សាន្ត​នេះ​ទទួល​បាន​ការ​កក់​៧០​ភាគ​រយ​ហើយ ខណៈ​ពេល​ដែល​សមាគម​ក្រុម​កម្សាន្ត​អាក្រាត​កាយ​នៅ​អាមេរិក​បាន​ប្រកាស​ថា ទេសចរណ៍​អាក្រាត​កាយ​បាន​នាំ​ចំណូល​៤៤០​លាន​ដុល្លារ​ក្នុង​១​ឆ្នាំ ដែល​មាន​កំណើន​១០​ភាគរយ​បើ​ធៀប​ទៅ​នឹង​​ឆ្នាំ​២០១១​កន្លង​ទៅ​នេះ។

អ្នក​ស្រី ណានស៊ី ធីមេន ម្ចាស់​ក្រុម​ហ៊ុន​ទេសចរណ៍​ដែល​ផ្ដល់​សេវា​បែប​នេះ​បាន​ថ្លែង​ថា៖ «ពេល​ដើរ​លេង​ម្ដងៗ​ យើង​ត្រូវ​ការ​ដើរ​ជាមួយ​មនុស្ស​ដែល​មាន​ចំណូល​ចិត្ត​ស្រដៀង​គ្នា​ ពោល​គឺ​បើ​ចូលចិត្ត​ស្រាត គឺ​ស្រាត​ទាំង​អស់​គ្នា»។

យ៉ាង​ណា​មិញ និន្នាការ​ទេសចរណ៍​អាក្រាត​កាយ​នេះ​មិន​មែន​ជា​រឿង​ថ្មី​ឡើយ។ អ្នក​ស្រី ណានស៊ី ធីមេន បាន​ចាប់​ផ្ដើម​រក​ស៊ី​កក់​កប៉ាល់​បង្កើត​ដំណើរ​កម្សាន្ត​អាក្រាត​កាយ​នេះ​ តាំង​ពី​២០​ឆ្នាំ​មុន​មក​ម្ល៉េះ ដោយ​កាល​នោះ​មាន​ភ្ញៀវ​ត្រឹម​តែ​៦០០​នាក់​ប៉ុណ្ណោះ។

ទន្ទឹម​នឹង​នោះ សមាគម​ក្រុម​កម្សាន្ត​អាក្រាត​កាយ​នៅ​អាមេរិក​ក៏​ទើប​តែ​ធ្វើ​ខួប​អនុស្សាវរីយ៍​​គម្រប់​៨០​ឆ្នាំ​ផង​ដែរ។

បច្ចុប្បន្ន​ដំណើរ​កម្សាន្ត​អាក្រាត​កាយ​កាន់​តែ​មាន​លក្ខណៈ​ថ្នាក់​ខ្ពស់ ដោយ​ទំហំ​កប៉ាល់​កាន់​តែ​ធំ ហើយ​លទ្ធភាព​ចំណាយ​របស់​ភ្ញៀវ​កាន់​តែ​កើន​ឡើង។

កប៉ាល់​ដឹក​ភ្ញៀវ​ទេសចរ​អាក្រាត​កាយ​ភាគ​ច្រើន​ធ្វើ​ដំណើរ​ទៅ​បណ្ដា​កោះ​ នៅ​ក្រិក ប្រទេស​ក្រូអាត អ៊ីតាលី និង​បារាំង និង​ចៀសវាង​ការ​ចូល​ដែន​ទឹក​បណ្ដា​ប្រទេស​អភិរក្ស​និយម​មួយ​ចំនួន​ដូចជា អេហ្ស៊ីប និង​អារ៉ាប់​ជាដើម។​

យ៉ាងណាមិញ ក្រុម​ទេសចរ​អាក្រាត​កាយ​តែង​អះអាង​ថា ពួក​គេ​គ្រាន់​តែ​ចង់​មានសេរីភាព​ក្នុង​ការ​បង្ហាញ​រាងកាយ​ប្រកប​ដោយ​សេរី​ភាព​ ប៉ុណ្ណោះ។ យោង​តាម​ការ​ស្ទាប​ស្ទង់​មតិ ទេសចរណ៍​អាក្រាត​កាន់​តែ​ទទួល​បាន​ប្រជាប្រិយភាព ជា​ពិសេស​ក្នុង​ស្រទាប់​គ្រួសារ​ដែល​មាន​ចំណូល​ខ្ពស់។ ដូចជា​នៅ​សហរដ្ឋ​អាមេរិក ក្នុង​ចំណោម​គ្រួសារ​ដែល​មាន​ចំណូល​ចាប់ពី​៥​ម៉ឺន​ដុល្លារ​ក្នុង​១​ឆ្នាំ មាន​ដល់​ទៅ​ជិត​២០​ភាគរយ ដែល​ជា​អ្នក​ធ្លាប់​ភ្លក្ស​រសជាតិ​ដំណើរ​កម្សាន្ត​ជា​ក្រុម​បែប​អាក្រាត​កាយ ដូច្នេះ។

អ្នក​ទេសចរ​និយម​ភាព​អាក្រាត​ជា​ទូទៅ​មាន​ទស្សនៈ​ថា ការ​ធ្វើ​ដំណើរ​ដោយ​មិន​ចាំបាច់​វេច​ខ្ចប់​ខោអាវ ឬ​មាន​សំពាយ​រញ៉េរញ៉ៃ​បាន​ផ្ដល់​ឲ្យ​ពួកគេ​នូវ​សេរីភាព​ពេញ​លេញ ដោយ​មិន​ចាំ​បាច់​ខ្វាយ​ខ្វល់​ពី​ច្បាប់ទម្លាប់​សង្គម​អ្វី​ទេ។

អ្នក​ស្រី ស៊ូហ្សាន​ វីវើ ជា​ប្រធាន​សមាគម​ក្រុម​កម្សាន្ត​អាក្រាត​កាយ​នៅ​អាមេរិក បាន​និយាយ​ថា អ្នក​ស្រី​ចង់​ឲ្យ​មាន​ការ​បង្កើត​នូវ​ទីលាន​វាយ​កូន​គោល  ធនាគារ​ ផ្សារ​បន្លែ ឬ​ទីក្រុង​ទាំង​មូល​ដែល​ប្រមូល​ផ្ដុំ​ដោយ​អ្នក​ស្លៀក​ឈុត​កេរ​ម៉ែឪ​ចែក​ ឲ្យ​ពី​ធម្មជាតិ។

អ្នក​ស្រី​ក៏បាន​ឲ្យ​ដឹង​ទៀត​ថា នៅ​ឆ្នាំ​ក្រោយៗ​ទៀត កប៉ាល់​អាក្រាត​ក៏​គ្រោង​ធ្វើ​ដំណើរ​ទៅ​ទ្វីប​ដទៃ​ទៀត រួម​ទាំង​ទ្វីប​អង់តាកទិក​ដ៏​ត្រជាក់​នោះ​ផង​ដែរ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។