កោះកុង ឆ្នេរស្នេហ៍ខេត្ត កោះកុង ជាកន្លែងមួយដែលគួរឲ្យចាប់អារម្មណ៍ និងមានភ្ញៀវទៅទស្សនាញឹកញាប់បំផុត។ ភ្ញៀវទេសចរអន្ដរជាតិមកខេត្តកោះកុងពីតំបន់ផ្សេងៗជុំវិញពិភពលោក ចូលចិត្តទស្សនាកោះស្នេហ៍ ព្រោះឆ្នេរនេះផ្តល់ជូនសម្រស់ដ៏ស្រស់ស្អាតនៃសមុទ្រនិង ឆ្នេរសមុទ្រ។
ឆ្នេរខ្សាច់ដ៏វែងបញ្ចេញពន្លឺក្រោមពន្លឺព្រះអាទិត្យប្រាកដជា កន្លែងពិសេសបំផុតដែលអាចចំណាយពេលវេលាជាមួយអ្នកជាទីស្រឡាញ់របស់ អ្នក។ កោះស្នេហ៍ មានទីតាំងចម្ងាយប្រហែល ១៧ គីឡូម៉ែត្រពីទីរួមខេត្តកោះកុង ស្ថិតនៅក្នុងឃុំដងទង់ នៃស្រុកស្មាច់មានជ័យ ខេត្តកោះកុង។
ទឹកជ្រោះក្បាលឆាយព្រែកកោះ ជាកន្លែងចាប់អារម្មណ៍ដែលភ្ញៀវទេសចរទៅទស្សនា ដោយសារទីនេះមានទេសភាពស្រស់ស្អាតបំផុតនៃតំបន់ជិតៗគ្នា។
ភ្ញៀវទេសចរអាចរីករាយនឹងពេលវេលាដ៏សុខសាន្ដ និងស្ងប់ស្ងាត់របស់ទឹកជ្រោះនេះ ដែលជាកន្លែងមួយនៅឆ្ងាយពីភាពអ៊ូអរនៃទីរួមខេត្ត។ ទឹកដ៏ត្រជាក់រួមនឹងព្រៃឈើដុះជុំវិញទឹកជ្រោះនេះធ្វើឲ្យទីនេះជា កន្លែងពិកនិកដ៏ល្អឥតខ្ចោះ។
ទឹកជ្រោះនេះមានចម្ងាយប្រហែល ២២ គីឡូម៉ែត្រពីទីរួមខេត្តកោះ កុងទីតាំងនៅក្នុងភូមិនាងកុក ឃុំបាក់ខ្លង ក្នុងស្រុកមណ្ឌលសីមា ខេត្តកោះកុង។
ឆ្នេរឡាមដា ដែលអ្នកអាចចំណាយពេលនៅជាមួយសមុទ្រខ្សាច់ និងភាពស្ងប់ស្ងាត់ បានលាតសន្ធឹងដ៏វែងនៃឆ្នេរពណ៌មាសមានពន្លឺជាជួរ ដែលជាទីចាប់អារម្មណ៍របស់អ្នកទេសចរទាំងក្មេង និងចាស់។ អ្នកធ្វើដំណើរទាំងអស់អាចជួលរថយន្ដមួយ ឬបើកបរដោយខ្លួនឯងប្រសិនបើពួកគេស្នាក់នៅតំបន់ជិតឆ្នេរឡាមដា មានទីតាំងប្រហែល ២០ គីឡូម៉ែត្រពីទីរួមខេត្ត។ ទីតាំងជាក់លាក់នៃឆ្នេរឡាមដា គឺស្ថិតនៅភូមិឡាមដា ឃុំកោះកាំពី ដែលទាំងភូមិ និងឃុំស្ថិតនៅក្នុងស្រុកកោះកុង។
ឃុនឆាងឃុនផែន ជារមណីយដ្ឋានដែលផ្អែកលើប្រវត្តិសាស្ត្រមានចេតិយមួយដែលមាន ទីតាំងលើថ្មធំមួយនៅកណ្ដាលសមុទ្រ ពណ៌ខៀវ។ នេះជាកន្លែងជួបជុំដ៏សំខាន់មួយសម្រាប់ប្រជាជនក្នុងតំបន់អំឡុង ថ្ងៃនៃពិធីបុណ្យផ្សេងៗ។
អ្នកធ្វើដំណើរអន្ដរជាតិមកទីនេះដើម្បីទស្សនារមណីយដ្ឋានឃុនឆាងឃុន ផែនអំឡុងថ្ងៃនៃពិធីបុណ្យ និងទស្សនាមរតកដ៏សម្បូរបែបរបស់ប្រទេស។ សម្រស់ដ៏ស្រស់ស្អាតនៃកន្លែងដែលគួរឲ្យចាប់អារ្មណ៍ជុំវិញធ្វើឲ្យ អ្នកធ្វើដំណើរមកពីជុំវិញពិភពលោកមកទស្សនារមណីយដ្ឋានឃុនឆាងឃុន ផែនក្នុងខេត្តកោះកុងនេះ និងកោះមូលក៏ជារមណីយដ្ឋានដ៏ពិសេសរបស់ខេត្តកោះកុង នៅជិតឋានសួគ៌។
លោក ប៊ុន ប៊ិវ ប្រធានមន្ទីរទេសចរណ៍ខេត្តកោះកុង បានបញ្ជាក់ថា តំបន់ទេសចរណ៍ធម្មជាតិនៅកោះកុងមានទាំងអស់ជិត២០កន្លែង។ ប៉ុន្តែលោកក៏បានសម្តែងការសោកស្តាយថា តំបន់ទេសចរណ៍ទាំងនោះភាគច្រើននៅមានតែឈ្មោះ ហើយមានចម្ងាយឆ្ងាយពីរួមខេត្ត តែមិនសូវជាមានភ្ញៀវទៅទស្សនាច្រើនទេ ព្រោះថាការអភិវឌ្ឍមិនទាន់ទៅដល់។
ក្រៅពីទឹកជ្រោះតាតៃ ទឹកជ្រោះ តាប៉ន និងទៅលេងតំបន់ព្រំដែនខ្មែរ-ថៃ ច្រកចាំយាម ដែលភ្ញៀវភាគច្រើនស្គាល់ និងធ្លាប់បានទៅលេងហើយនោះ លោកបញ្ជាក់ថា មិនមែនថា តំបន់ទេសចរណ៍ ដែលស្ថិតនៅឆ្ងាយៗ និងផ្លូវធ្វើដំណើរក៏ពិបាកផ្សេងទៀតមិនមានភ្ញៀវទៅទស្សនាទេ គឺ តែរហូតពិសេសថ្ងៃបុណ្យចូលឆ្នាំមានច្រើនដែរ តែគ្រាន់ថា វាមិនសូវជាពេញនិយមដូចតំបន់ទេសចរណ៍ទាំងប្រាំដែលល្បីនោះទេ។
យ៉ាងណាក៏ ដោយសម្រាប់ឱកាសចូលឆ្នាំប្រពៃណីខ្មែរឆ្នាំនេះ ប្រធានមន្ទីរទេសចរណ៍ខេត្តកោះកុងរូបនេះបានបង្ហាញការរំពឹងថា ខេត្តកោះកុងឆ្នាំនេះនឹងមានភ្ញៀវមកទស្សនាច្រើនជាងឆ្នាំមុន បើទោះជាផ្លូវធ្វើដំណើរទៅខេត្តនេះមិនសូវជាល្អក៏ដោយ។
លោកលើកឡើងថា៖«ឆ្នាំនេះពិសេសជាងឆ្នាំកន្លងមក ព្រោះថាឱកាសបុណ្យចូលឆ្នាំប្រពៃណីខ្មែរ សួនកម្សាន្តដែលល្បីស្វាវាយបុកនោះ បានបើកដំណើរការបម្រើភ្ញៀវចូលកម្សាន្តវិញហើយ»៕
