The Phnom Penh Post Search

Search form




Logo of Phnom Penh Post newspaper Phnom Penh Post - កោះ​តុក្កតា​ខ្មោច​ឯ​ម៉ិកស៊ិក​ធ្វើ​ឲ្យ​ភ្ញៀវ​សប្បាយ​បះ​សក់

កោះ​តុក្កតា​ខ្មោច​ឯ​ម៉ិកស៊ិក​ធ្វើ​ឲ្យ​ភ្ញៀវ​សប្បាយ​បះ​សក់

កោះ​តុក្កតា​ខ្មោច​ឯ​ម៉ិកស៊ិក​ធ្វើ​ឲ្យ​ភ្ញៀវ​សប្បាយ​បះ​សក់

Content image - Phnom Penh Post
ច្រកទ្វារចូលកោះតុក្កតាខ្មោច ដែលមានទិដ្ឋភាពគួរឲ្យព្រឺព្រួច
120914_24b
នៅលើកោះមានផ្ទះចាស់ៗដែលព្យួរតុក្កតាមុខអាក្រក់ៗគួរឲ្យខ្លាច

ក្រុងម៉ិកស៊ីកូ : កោះ​ដែល​ទាក់ទាញ​ចំណាប់​អារម្មណ៍​ទេសចរ​នៅ​ប្រទេស​ម៉ិកស៊ិក​នោះ​ត្រូវ​ បាន​គេ​ដឹង​ថា​ជា​គំនិត​របស់​ជន​ជាតិ​អេស្ប៉ាញ។ កោះ​នោះ​វា​ត្រូវ​បាន​គេ​ស្គាល់​ថា​ជា​កោះ​ឡាអ៊ីសា ឌឺឡាម៉ូនីកា ឬ កោះ​ដែល​សម្បូរ​រូប​អាយ៉ង​តុក្កតា​ច្រើន​ជាង​គេ។ វា​មាន​ទីតាំង​នៅ​ក្នុង​បណ្តាញ​នៃ​ព្រែក​ជីក​ស្ថិត​នៅ​ភាគ​ខាង​ត្បូង​ទីក្រុង​ម៉ិកស៊ីកូ។ វា​ក៏​ត្រូវ​គេ​ជឿ​ថា​ជា​ទី​កន្លែង​ដ៏​អាថ៌​កំបាំង​និង​មាន​អបិយ​ជំនឿ ព្រលឹង​ខ្មោច​ដែរ។

គេ​សង្កេត​ឃើញ​ថា​គ្រប់​ដើម​ឈើ​នៅ​លើ​កោះ​នោះ ​មាន​ចង​នូវ​បន្តោង​អាយ៉ង​រូប​តុក្កតា​ឲ្យ​ព្រោង​ព្រាត​ដែល​គួរ​ជា​ទី​គយ​គន់ ​មែន​ទែន។ វា​មាន​ប្រវត្តិ​ទាក់​ទង​នឹង​រឿង​ព្រេង​របស់​តា​ឥសី​មួយ​អង្គ​ឈ្មោះ​ថា​ «ដុន ជូលៀន សាន់តាណា»​ ដែល​បាន​មក​តាំង​អាស្រម​ភាវនា​នៅ​​លើ​កោះ​នេះ។ ទោះ​បី​ជា​តា​ឥសី​នេះ​មាន​ចំណង​ប្រពន្ធ​កូន​ក្តី ក៏​គាត់​បាន​ជ្រើស​រើស​យក​ពេល​វេលា ​៥០​ឆ្នាំ​ចុង​ក្រោយ ​រស់​នៅ​តែ​ម្នាក់​ឯង​ផ្តាច់​ចេញ​ពី​ក្រុម​គ្រួសារ​ដែរ។

តាឥសីដុន ជូលៀន បាន​ប្រើ​មន្ត​គាថា​បាលី​របស់​ខ្លួន​ក្នុង​ការ​សូត្រ​បណ្តេញ​ព្រលឹង​ខ្មោច​ ព្រាយ​ស្រី​ក្មេង​ៗ​ទាំង​ឡាយ​ឲ្យ​ចាក​ចេញ​ឆ្ងាយ​ពី​ទី​កន្លែង​ភាវនា​នេះ។ មិន​តែ​ប៉ុណ្ណោះ​គាត់​ក៏​មាន​គាថា សូត្រ​ខាប​ចាប់​ត្រី​ពី​ក្នុង​ទឹក​មក​ធ្វើ​ជា​បរិវារ​របស់​គាត់​ទៀត​ផង។

តាម ​ពិត​ទៅ​ នេះ​គឺជា​ការ​ប្រមែ​ប្រមូល​នូវ​វត្ថុ​ផ្សេងៗ​មក​ដាក់​តាំង​ដើម្បី​ការ​ពារ​ កុំ​ឲ្យ​មាន​ព្រលឹង​វិញ្ញាណ​អាក្រក់​មក​យាយី​ខ្លួន​ប៉ុណ្ណោះ។ ក្រៅ​ពី​នេះ​គេ​ក៏​ឃើញ​តា​ឥសី​នោះ​បាន​ដាំ​បន្លែ​បង្ការ​និង​ផ្លែ​ឈើ សម្រាប់​ជម្រក​រូប​តុក្កតា​ចាស់ៗ​ផង​ដែរ។​

ឆ្នាំ​២០០១​គេ​បាន​ដឹង​ថា​ តាឥសី ដុន ជូលៀន​ បាន​ស្លាប់​នៅ​លើ​កោះ​នោះ ខណៈ​មាន​ក្មួយ​ប្រុស​ជា​អ្នក​រក​ឃើញ​សាក​សព​របស់​គាត់។ ស្រប​ពេល​គ្នា​នេះ​ដែរ គេ​បាន​ដឹង​ថា មាន​ក្មេង​ស្រី​តូច​ម្នាក់​បាន​លង់​ទឹក​ស្លាប់​នៅ​ព្រែក​នោះ។ បច្ចុប្បន្ន​កោះ​នេះ​បាន​ក្លាយ​ជា​ទី​ចំណាប់​អារម្មណ៍​ទាក់ទាញ​ភ្ញៀវ​ទេសចរ​មក​កម្សាន្ត​ដោយ​មាន​ក្រុម​ភ្ញៀវ​ខ្លះ​អះអាង​ថា ពួក​គេ​តែង​ឮ​សំឡេង​ខ្សឹប​ប្រាប់​របស់​ព្រលឹង​តុក្កតា ដូច្នេះ​ហើយ​ទើប​ពួក​គេ​ចាំ​​បាច់​ត្រូវ​តែ​នាំ​យក​នូវ​អំណោយ​ថ្វាយ​វិញ្ញាណ ទាំង​នោះ​ ដើម្បី​ចៀសវាង​ការ​លង​ពី​ព្រលឹង​ទាំង​ឡាយ៕ PR

អត្ថបទគួរចាប់អារម្មណ៍