ក្រុងស៊ូចូវៈ ទឹកដីក្រុងស៊ូចូវស្ថិតនៅខេត្តជាំងស៊ូនៃប្រទេសចិនដោយវានៅ ប៉ែកខាងកើតនៃទីក្រុងស៊ាងហៃ។ ស៊ូចូវ ត្រូវបានគេស្គាល់ថាជាទឹកដីនៅភាគបូព៌ាដ៏ត្រកាលដូចជាទីក្រុងទឹក នៅតំបន់អ៊ីតាលីដែរ។ វាជាទឹកដីមួយដែលមានព្រែកជីកនៅព័ទ្ធជុំវិញភូមិដ្ឋាននៃទី ក្រុងតែម្តង។ ទីក្រុងនេះក៏ល្បីខាងសម្រស់ដ៏ស្រស់ស្អាតនៃការសូនផ្កាប្រពៃណី ចិន និងផលិតសូត្រដែរ។ ម្យ៉ាងទៀតទីក្រុងនេះត្រូវប្រជាជនចិនចាត់ទុកថាជាឋានសួគ៌លោកិយ នៃភពផែនដីតែម្តង ខណៈក្រុមភ្ញៀវទេសចរក៏យល់ស្របនឹងងារនេះដែរ។
វាជាបណ្តុំនៃ សួនច្បារបែបបុរាណរបស់ចិនដោយមានការរចនា និងរៀបចំជាបួនផ្នែកសំខាន់ៗដោយមានផ្ទាំងថ្មធំៗ កន្លែងទឹក រុក្ខជាតិនិងស្នាដៃសាបត្យកម្មនានា។ ក្រុងស៊ូចូវគឺជាសួនគួរឲ្យចាប់អារម្មណ៍បំផុតដែលជាគំនិតកែ ច្នៃកើតចេញបែបទស្សនវិជ្ជាដែលគេហៅវាថា សួនសម្បុកសត្វ។ សួននេះត្រូវបានគេបង្កើតឡើងនៅឆ្នាំ១១៤០នៃរជ្ជកាលសុង ដែលវាជាការឆ្លុះបញ្ចាំងពីជីវភាពរស់នៅរបស់អ្នកនេសាទតែមួយមុខ គត់នៃសម័យកាលនោះ និងបានឆ្លុះបញ្ចាំងសម័យកាលក្រោយមួយទៀតគឺរជ្ជកាលឈីង។ សួននេះត្រូវបានគេអភិរក្ស និងថែរក្សាយ៉ាងល្អ ហើយត្រូវបានអង្គការយូណេស្កូ បានបញ្ចូលជាបេតិកភណ្ឌពិភពលោកនៅឆ្នាំ១៩៩៧។
វាជាទីកន្លែងមួយ ដែលមានបណ្តុំទៅដោយក្បូរក្បាច់ច្រើនម៉ាក ម៉ូដ ជាពិសេសបណ្តុំថ្មមានលក្ខណៈបែបធម្មជាតិ។ អ្វីដែលបានធ្វើឲ្យមានការចាប់អារម្មណ៍ពីភ្ញៀវនោះគឺដើមឈើដែល ល្បីថាមានអាយុកាល៩២០ឆ្នាំនៅទីនោះ។ ចំណែកនៅចំកណ្តាលសួននោះ គេឃើញមានស្រះតូចមួយមានដាំដើមឈូក និងការរចនាចម្រុះពណ៌ និងមានទឹកថ្លាភ្លឺដូចកញ្ចក់ឆ្លុះមុខដែរ។
បើយើងដើរទៅកាន់ផ្នែកខាងក្រោយនៃសួននេះបន្តិចយើងនឹងបានឃើញមានក្រុមវិចិត្រករមួយចំនួនបានដាក់លក់ស្នាដៃសិល្បៈរបស់ពួកគេផងដែរ។
ដោយ ឡែកទីក្រុងស៊ូចូវ ក៏ជាតំបន់ផលិតផលសរសៃសូត្រដ៏ធំមួយនៅប្រទេសចិន ដែលភ្ញៀវទេសចរអាចជាវក្រមាបង់ក និងសម្លៀកបំពាក់ផ្សេងៗធ្វើពីសូត្រនៅទីនេះផ្ទាល់តែម្ដង៕ PR
