កំពង់ធំៈ ដៃទាំង​គូ​ផ្គុំគ្នា​លើក​ប្រណម្យ ដោយ​មាន​កាក់ប្រាក់​ពីរ​សន្លឹកក្តាប់​ក្នុង​បាតដៃ ស្លុង​អារម្មណ៍​ដោយ​ការ​តាំងចិត្ត​ប៉ង​ប្រាថ្នា​សុំពរ​តាមអាត្មា​រៀងៗ​ខ្លួន​មួយស្របក់​ប្រហែល​ជា​មួយ​នាទីមក ទេសចរ​ប្រុស​ស្រី​ក៏​លាម្រាម​ដៃកាក់​បោះកាក់​ប្រាក់​ឲ្យធ្លាក់​តាម​ចង្វែកថ្ម​ភ្នំទៅ​ក្រោម និង​​ផ្ចង់​ត្រចៀកស្តាប់​សូរ​ដោយផ្ចង់​អារម្មណ៍​ថា​តើកាក់​ដែលទម្លាក់​នោះប៉ះ​ទង្គិច​ថ្ម​ឮសូរ​តិច​ ឬ​ខ្លាំង​ និង​មិនឮសូរ​ ដែល​ជា​និមិត្តរូប​នៃ​ភាព​ជោគជ័យ​នៃក្តី​ប្រាថ្នារៀងៗ​ខ្លួន។