The Phnom Penh Post Search

Search form




Logo of Phnom Penh Post newspaper Phnom Penh Post - ទីក្រុង​ល្អាង​អេស្គីឃើរ​មេន​អតីត​គឺជា​លំនៅឋាន​មនុស្ស

ទីក្រុង​ល្អាង​អេស្គីឃើរ​មេន​អតីត​គឺជា​លំនៅឋាន​មនុស្ស

​​ល្អាង​អេស្គី​ ឃើរ​មេន ជា​ទីក្រុង​បុរាណ​នៅ​គ្រីមា។
​​ល្អាង​អេស្គី​ ឃើរ​មេន ជា​ទីក្រុង​បុរាណ​នៅ​គ្រីមា។ រូបថត AFP

ទីក្រុង​ល្អាង​អេស្គីឃើរ​មេន​អតីត​គឺជា​លំនៅឋាន​មនុស្ស

ក្រុង​គ្រីមា: អេស្គី ឃើរមេន គឺជា​ទីក្រុង​យុគ​កណ្ដាល​មួយ​ដែល​មាន​ទីតាំង​ចម្ងាយ​ពី​ម៉ានហ្គូប៉ា ៦​គីឡូម៉ែត្រ​ក្នុង​តំបន់​បាខ​ឈីសារ៉ាយ​នៃ​ឆ្នេរ​គ្រីមា​ប្រទេស​អ៊ុយក្រែន។ ទីក្រុង​នេះ​ស្ថិត​លើ​កំពូល​ភ្នំ​សំប៉ែត​មួយ​ឈ្មោះ​ថា មេសា ដ៏​ល្បី​ល្បាញ​ដោយ​មាន​ល្អាង​ជាង​៣០០។

ល្អាង​ទាំង​អស់​នេះ​ត្រូវ​បាន​កសាង​ក្នុង​សតវត្សរ៍​ទី៦ និង​ត្រូវ​បាន​ប្រើ​ជា​លំនៅឋាន​របស់​មនុស្ស ដោយ​សារតែ​វា​មាន​សុវត្ថិភាព​។ ពេល​វេលា​កន្លង​ផុត​រាប់​សតវត្សរ៍​ ប្រជា​ពលរដ្ឋ​ខំ​សាង​សង់​លំនៅឋាន​បន្ថែម​រាប់​រយ​ខ្នង​នៅ​ពេល​ដំណាល​គ្នា​។

ការ​គោរព​ប្រតិបត្តិ​សាសនា​ជា​រឿង​សំខាន់​ ខណៈ​ពួក​គេ​មាន​វត្ដ​អារាម​ និង​ព្រះ​វិហារ​តិច​តួច​ដែលសាង​​សង់​ក្នុង​​ល្អាង​​ប៉ុណ្ណោះ​។ ព្រះ​វិហារ​មួយ​នៅ​មាន​រូប​គំនូរ​បង្ហាញ​ពី​ព្រះ​គ្រិស្ត និង​ព្រះ​ម៉ែ​ម៉ារី​ត្រូវ​បាន​មើល​ស្គាល់​​ បើទោះ​បីជា​រូប​គំនូរ​ទាំង​នោះ​សឹង​តែ​រលុបរលាយ​​ទៅ​ហើយ​ក៏ដោយ។

ទីក្រុង​ល្អាង​នោះ​នៅ​តែ​ត្រូវ​បាន​ប្រជាពលរដ្ឋ​ប្រើ​ជា​លំនៅ​ឋាន​រហូត​ដល់​ការ​ចាប់​កំណើត​របស់​កុលសម្ព័ន្ធ​ម៉ុងហ្គោលី​ក្នុង​សតវត្សរ៍​ទី១៣​។ ដោយ​សារ​តែ​វា​ជា​ដី​ភ្នំ ទីក្រុង​នេះ​ពិបាក​ឲ្យ​ប្រជាជន​ធ្វើ​ដំណើរ​ចេញ​ចូល​ពេក ហើយ​ទីបំផុត​ពួក​គេ​សុខ​ចិត្ដ​ចុះ​ចាញ់​ចំពោះ​សង្គ្រាម​ជាមួយ​ជនជាតិ​ម៉ុងហ្គោលី​។

ក្រោយ​ពី​ល្អាង​ទាំង​នេះ​ត្រូវបាន​ប្រជាជនដែល​ធ្លាប់​រស់​នៅ​សុខ​សាន្ដ​បោះបង់​ចោល​លំនៅឋាន​របស់​ខ្លួន​​ រយៈ​​ពេល​ក្រោយ​មក​ អ្នក​​ភូមិ​ក្បែរ​នោះ​ចាប់​ផ្ដើម​ប្រើ​ល្អាង​នេះ​សម្រាប់​បំណង​ពាណិជ្ជកម្ម​។​បច្ចុប្បន្ន​ល្អាង​អេស្គី ឃើរមេនជា​ទី​កន្លែង​កម្សាន្ដ​សម្រាប់​អ្នក​ឡើង​ភ្នំ​ដ៏​ល្អ​បំផុត។

ល្អាង អេស្គី ឃើរមេន បាន​គេច​ផុត​ពី​លទ្ធផល​ដែល​អាច​រលំ​រលាយ​នៃ​ទំនើប​កម្ម​ និង​បន្សល់​ទុក​នូវ​រចនា​ប័ទ្ម​គំរូ​ដើម​សម្រាប់​ភ្ញៀវ​ទេសចរ​អាច​ចូល​ទស្សនា​ស្វែងយល់។

ទស្សនីយភាព​ពី​បុរាណ​កាល​នេះ បាន​ទាក់​ទាញ​ចំណាប់​អារម្មណ៍​ក្រុម​ផលិតករ​ភាពយន្ដ​ឲ្យ​មក​ផ្ដិត​យក​រូបភាព​ល្អាង​បុរាណ​នេះ​បញ្ជូន​ទៅ​ក្នុង​ភាពយន្ដ​របស់​ខ្លួន តួយ៉ាង​ដូច​ជា​ក្រុមហ៊ុន ​Ninth Company ជាដើម​។

គួរ​បញ្ជាក់​ថា ភ្ញៀវ​ទេសចរ​ចូល​ចិត្ដ​ថត​រូប​អនុស្សាវរីយ៍​អើត​ក​ចេញ​ពី​រន្ធ​ល្អាង៕ HR

អត្ថបទគួរចាប់អារម្មណ៍