The Phnom Penh Post Search

Search form




Logo of Phnom Penh Post newspaper Phnom Penh Post - ទីក្រុង​ហាយផញ​នៅ​អាមេរិក​ល្បី​ខាង​សិប្បកម្ម​ទូ​ខ្នាត​យក្ស

ទីក្រុង​ហាយផញ​នៅ​អាមេរិក​ល្បី​ខាង​សិប្បកម្ម​ទូ​ខ្នាត​យក្ស

ទូ​ខ្នាត​យក្ស​កម្ពស់​រហូត​ដល់ទៅ​២៦​ម៉ែត្រ​នៅ​ទីក្រុង​ហាយផញ​​។
ទូ​ខ្នាត​យក្ស​កម្ពស់​រហូត​ដល់ទៅ​២៦​ម៉ែត្រ​នៅ​ទីក្រុង​ហាយផញ​​។

ទីក្រុង​ហាយផញ​នៅ​អាមេរិក​ល្បី​ខាង​សិប្បកម្ម​ទូ​ខ្នាត​យក្ស

ក្រុងហាយផញ: ទីក្រុង​ហាយផញ (High Point​) នៃ​រដ្ឋ​ណ័រខារ៉ូឡាញណា សហរដ្ឋអាមេរិក​គឺជា​ទឹកដី​ដែល​ល្បី​ដោយសារ​ទូ​ខ្នាត​យក្ស​ចំនួន​ពីរ ខ្ពស់​ជាង​សំណង់​ផ្ទះ​ឬ​អគារ​ខ្លះ​ទៅ​ទៀត។

វត្តមាន​ទូ​មាន ថត​ដាក់​អីវ៉ាន់​ខ្នាត​ធំ​ទាំង​ពីរ​នេះ​ត្រូវ​បាន​គេ​បង្កើត​ឡើង​ដើម្បី ផ្សព្វផ្សាយ​នូវ​កិត្តិសព្ទ​របស់​ក្រុង​ហាយផញ ចំពោះ​ស្នាដៃ​ផលិតផល​គ្រឿងសង្ហារិម​ដ៏ល្បីល្បាញ​ប្រចាំ​សហរដ្ឋអាមេរិក អស់​រយៈពេល​ជាង​មួយ​សតវត្សរ៍​មក​ហើយ។

ដើម​ឡើយ ទូ​ខ្នាត​យក្ស​ដ៏ធំ​មួយ​ដែល​មាន​ឈ្មោះ​ថា ប៊ិក ប៊ុយរ៉ូ(Big Bureau) ត្រូវ​បាន​ធ្វើ​ឡើង​នៅ​ឆ្នាំ​១៩២០ ដោយ​ក្រុម​សភា​ពាណិជ្ជកម្ម​នៃ​ទីក្រុង​ហាយផញ។ ទូ​នោះ​មាន​កម្ពស់​ជាង​៦​ម៉ែត្រ ខណៈ​គេ​ឃើញ​មាន​ការ​ឆ្លាក់​រចនា​នូវ​ក្បាច់​ផ្កា​តាម​ថត​នីមួយៗ​មើល​ទៅ​គួរ ឲ្យ​ស្រឡាញ់​មែនទែន ថែម​ទាំង​មាន​ថត​ខាង​លើ​ស្រដៀង​នឹង​ម៉ូដ​ទូកញ្ចក់​ផង​ដែរ។

ទូកម្ពស់ ១១,៥ ម៉ែត្រ​មាន​ស្រោម​ជើង​យក្ស​នៅមុខ អាគារ​អង្គការ។
ទូកម្ពស់ ១១,៥ ម៉ែត្រ​មាន​ស្រោម​ជើង​យក្ស​នៅមុខ អាគារ​អង្គការ។

លុះ​ដល់​ឆ្នាំ​១៩៥១​ទូ​ខ្នាត​យក្ស​មួយ​នេះ​ត្រូវ​បាន​អង្គការ​មនុស្សធម៌​ឈ្មោះ ហាយផញ ចាយស៊ីស៍​(High Point Jaycees) ជាវ​យក​ទៅ​ដាក់​បញ្ឈរ​នៅ​មុខ​ការិយាល័យ​របស់​ពួកគេ។

លុះ​ដល់​ឆ្នាំ​១៩៩៦​អគារ​អង្គការ​នោះ​ត្រូវ​បាន​គេ​កែលម្អ​។ ទូ​ខ្នាត​យក្ស​ក៏​ត្រូវ​បាន​គេ​កែច្នៃ​បង្កើន​ឲ្យ​មាន​កម្ពស់​រហូត​ដល់ ១១,៥​ម៉ែត្រ​។ ទូ​នេះ​ត្រូវ​បាន​គេ​ប្ដូរ​ឈ្មោះ​ទៅ​ជា«​ហ្គូដាថោនសិនដ៍​»(Goddard Town-send) ដោយ​ថត​របស់​វា​មាន​ផ្ទុក​នូវ​ស្រោមជើង​យក្ស​១​គូ​ប្រវែង​ជិត​២​ម៉ែត្រ​ជា​និមិត្តរូប​នៃ​ការ​រីកចម្រើន​វិស័យ​ផលិត​ស្រោមជើង​ផង​ដែរ។

មកដល់​ឆ្នាំ​១៩៩៩​ក្រុមហ៊ុន​គ្រឿងសង្ហារិម​មួយ​ឈ្មោះ​ថា ហ្វ័រនីឆឺរឡេនដ៍សៅត៍ (Furnitureland) បាន​ស្ថាបនា​ទូ​យក្ស​មួយ​ថ្មី​កម្ពស់​ដល់​ទៅ​២៦​ម៉ែត្រ​ភ្ជាប់​ទៅ​នឹង​អគារ របស់​ខ្លួន​ផង​ដែរ៕ PR

អត្ថបទគួរចាប់អារម្មណ៍