The Phnom Penh Post Search

Search form




Logo of Phnom Penh Post newspaper Phnom Penh Post - ទេសចរ​ក្នុង​រដូវ​ស្លឹក​ឈើ​ជ្រុះ​មាន​សន្ទុះ​មិន​ចាញ់​រដូវ​ផ្ការីក

ទេសចរ​ក្នុង​រដូវ​ស្លឹក​ឈើ​ជ្រុះ​មាន​សន្ទុះ​មិន​ចាញ់​រដូវ​ផ្ការីក

ទេសចរ​ក្នុង​រដូវ​ស្លឹក​ឈើ​ជ្រុះ​មាន​សន្ទុះ​មិន​ចាញ់​រដូវ​ផ្ការីក

120917_24
រដូវស្លឹកឈើជ្រុះដែលមានទេសភាពដើមឈើក្រហមឆ្អិនឆ្អៅដូចមាស

ក្រុង ញូវយ៉ក : នៅ​បណ្ដា​ប្រទេស​ដែល​មាន​បួន​រដូវ​នោះ ទេសភាព​តែង​តែ​មាន​ការ​ប្រែប្រួល​ទៅ​តាម​អាកា​សធាតុ។ លក្ខណ​ពិសេស​នៃ​ការ​ប្រែប្រួល​នេះ​បាន​បង្កើត​ជា​សក្ដានុពល​មួយ​ ដល់​វិស័យ​ទេសចរណ៍។

ការ​សិក្សា​ស្រាវជ្រាវ​របស់​អង្គការ​ទេសចរណ៍​ពិភពលោក បាន​ឲ្យដឹង​ថា សកម្មភាព​ដើរ​លេង​កម្សាន្ត​របស់​មនុស្ស​ទូទាំង​ពិភពលោក​គឺ​មិន​រង​ឥទ្ធិពល​ ពី​កត្តា​រដូវ​កាល​ប៉ុន្មាន​ឡើយ។

រដូវ​ស្លឹក​ឈើ​ជ្រុះ ដែល​មនុស្ស​មួយ​ចំនួន​យល់​ថា​ជា​ទិដ្ឋភាព​ដ៏​ស្រណោះ​ស្រណោក​នោះ ក៏​នៅ​តែ​មាន​សម្រស់​ទាក់ទាញ​ភ្ញៀវ​ទេសចរ​ដោយ​កន្លែង​ដែរ។

នៅ​សហរដ្ឋ អាមេរិក នៅ​រដូវ​ស្លឹក​ឈើ​ជ្រុះ​ឆ្នាំ​នេះ​ ភ្ញៀវ​ទេសចរ​ដ៏​ច្រើន​កុះករ បាន​ប្រញាយ​គ្នា​ទៅ​កម្សាន្ដ​នៅ​ភ្នំ​ New England ដើម្បី​គយគន់​ស្លឹក​ឈើ​ពណ៌​ស្រស់​ឆើត​ឆាយ។

អ្នក​ស្រី ប៊េតស៊ី វ៉ល (Betsy Wall) នាយិកា​ការិយាល័យ​ដឹក​ជញ្ជូន​និង​ទេសចរណ៍​រដ្ឋ​ម៉ាសាឈូសេត បាន​ថ្លែង​ថា​ ភ្ញៀវ​ទេសចរ​ប្រមាណ​៣,៣​លាន​នាក់​ ត្រូវ​បាន​រំពឹង​ថា​នឹង​មក​ទស្សនា​នៅ​រដ្ឋ​នេះ​អំឡុង​រដូវ​គយ​គន់​ពណ៌​ ស្លឹក​ឈើ​នេះ​ ក្នុង​ខែ​តុលា ដោយ​ពួក​គេ​នឹង​នាំ​ចំណូល​ប្រមាណ​១,៣​ពាន់​លាន​ដុល្លារ​។

រដូវ​ស្លឹក ឈើ​បញ្ចេញ​ពណ៌​ដ៏​ស្រស់​ស្អាត​បំផុត​គឺ​បន្ត​ដល់​ដំណាច់ ខែ​តុលា​។ ក្រុម​អ្នក​ជំនាញ​ បាន​ថ្លែង​ថា រដូវ​ស្លឹក​ឈើ​ជ្រុះ​ដែល​ស្អាត​បំផុត​ចាប់​ផ្ដើម​នៅ​ពេល​ដែល​ពន្លឺ​ថ្ងៃ​ ផ្ដើម​មាន​រយៈ​ពេល​ខ្លី​ ប៉ុន្ដែ​អាកាស​ធាតុ​នៅ​តែ​ត្រជាក់​ស្រទន់។

សូម្បី ​តែ​នៅ​ប្រទេស​កូរ៉េ​ខាង​ត្បូង ការ​ធ្វើ​ដំណើរ​ទៅ​ទស្សនា​តំបន់​ភ្នំក៏​ច្រើន​ធ្វើ​ឡើង​នៅ​រដូវ​ស្លឹក​ឈើ ជ្រុះ​ដែរ។ ពណ៌​មាស និង​ក្រហម​ឆ្អិន​ឆ្អៅ​របស់​ស្លឹក​ឈើ​គឺជា​ទិដ្ឋភាព​ដ៏​លន្លង់​លន្លោច ដែល​ភ្ញៀវ​ទេសចរ​មួយ​ចំនួន​និយម​ចូលចិត្ត​គយគន់​មិន​ចាញ់​ទេសភាព​រដូវ​ផ្ការីក​ឡើយ៕

អត្ថបទគួរចាប់អារម្មណ៍