The Phnom Penh Post Search

Search form




Logo of Phnom Penh Post newspaper Phnom Penh Post - នាវា​រចនា​ដូច​កោះ​មាន​ខ្ចូស​អម​រុក្ខជាតិ

នាវា​រចនា​ដូច​កោះ​មាន​ខ្ចូស​អម​រុក្ខជាតិ

នាវា​រចនា​ដូច​កោះ​មាន​ខ្ចូស​អម​រុក្ខជាតិ

121029_24
នាវាទេសចរណ៍រចនាដូចកោះបណ្ដែតទឹកដ៏ប្រណីតបំផុត

ក្រុង​ឡុងដ៍ : អ្នក​ប្រហែល​ជា​ធ្លាប់​បាន​ឃើញ​នាវា​ទេសចរណ៍​ដ៏​ប្រណីតៗ​ជា​ច្រើន​មក​ហើយ ប៉ុន្តែ​សមិទ្ធផល​ចុង​ក្រោយ​របស់​ក្រុមហ៊ុន Yacht Island Design Ltd របស់​អង់គ្លេស​នោះ​គឺជា​នាវា​កម្សាន្ត​ដែល​ធ្វើ​ឲ្យ​អ្នក​ដំណើរ​ មាន​អារម្មណ៍​ថា​កំពុង​ស្នាក់​នៅ​ក្នុង​ខ្ចូស​ប្រក់​ស្លឹក​ព័ទ្ធ​ដោយ​ព្រៃ​ ព្រឹក្សា​តំបន់​ត្រូពិក នៅ​កណ្ដាល​សាគរ​ដូច្នោះ​ដែរ។

នាវា​ដែល​គេ​ឲ្យ​ឈ្មោះ​ថា ជា​ឋានសួគ៌​បណ្ដែត​ទឹក​នេះ មាន​ចម្លាក់​យក​លំនាំ​តាម​ភ្នំភ្លើង​ មាន​ទឹក ជ្រោះ​ហូរ​ចូល​ក្នុង​អាង​ហែល​ទឹក ដែល​ព័ទ្ធ​ជុំ​វិញ​ដោយ​ខ្ចូស​តូចៗ​ធ្វើ​ពី​ឫស្សី​ប្រក់​ស្លឹក​ដូង ខណៈ​ដែល​បរិក្ខារ​ខាង​ក្នុង​ខ្ចូស​គឺ​ទំនើប​ខុស​ពី​ផ្ទៃ​ខាង​ក្រៅ​ទាំង​ ស្រុង។ នាវា​ដែល​ហាក់​បី​ដូច​ជា​កោះ​តំបន់​ត្រូពិក​អណ្ដែត​ទឹក​នោះ ក៏​ធ្វើ​ការ​សំចត​ជា​ច្រើន​កន្លែង​ផង​ដែរ ដើម្បី​ឲ្យ​ភ្ញៀវ​អាច​រីករាយ​នឹង​កីឡា​លើ​ទឹកដូច​ជា​ ការ​ជិះស្គី និង​ជ្រមុជ​ទឹក​គយ​គន់​ទេសភាព​នៅ​ក្រោម​បាត​សមុទ្រ​ផង​ដែរ។

ក្រៅពី​ទេសភាព​ ស្រស់​ត្រកាល​ដូច​កោះ​ពិតៗ នៅ​លើ​នាវា​ក៏​មាន​កន្លែង​កម្សាន្ត​ជា​ច្រើន​រួម​មាន​បន្ទប់​ទស្សនា​ភាពយន្ត  បណ្ណាល័យ បន្ទប់​លេង​ហ្គេម ស្ប៉ា ម៉ាស្សា និង​ក្លិប​រាត្រី​ផង​ដែរ។

នាវា ដូច​កោះ​ប្រវែង​៩០​ម៉ែត្រ​នេះ​គឺជា​ការ​ច្របាច់​បញ្ចូល​រវាង​រចនាប័ទ្ម កោះ​នៅ​តំបន់​សមុទ្រ​ការីបៀន កោះ​នៅ​មហាសមុទ្រ​ឥណ្ឌា និង​ប៉ូលីនេស៊ា។

ទោះ​ជា​យ៉ាង​ណា​ក៏​ដោយ ក៏​ឋាន​សួគ៌​អណ្ដែត​ទឹក​នេះ​មិន​មែន​សម្រាប់​ភ្ញៀវ​គ្រប់​ស្រទាប់​វណ្ណៈ​ឡើយ។ សម្រាប់​ការ​ចំណាយ​ល្បាក់​១​ម៉ឺន​ដុល្លារ​ក្នុង​ម្នាក់ នាវា​អាច​ទទួល​ភ្ញៀវ​ត្រឹម​១០​នាក់​ប៉ុណ្ណោះ​ក្នុង​មួយ​លើកៗ។

ភ្ញៀវ ទាំង​ឡាយ​នឹង​ទទួល​បាន​ការ​ស្នាក់​នៅ​ក្នុង​ខ្ចូស​ឫស្សី ព័ទ្ធ​ជុំ​វិញ​អាង​ហែល​ទឹក។ សម្លឹង​មើល​ពី​ក្នុង​ខ្ចូស​ ភ្ញៀវ​ប្រាកដ​ជា​មាន​អារម្មណ៍​ហាក់​កំពុង​ស្ថិត​នៅ​លើ​កោះ​ដែល​រសាត់​អណ្ដែត​ដូច​ក្នុង​រឿង​ព្រេង​និទាន​ដូច្នោះ​ដែរ។

នៅ ខាង​ក្រោយ​ខ្ចូស​នីមួយៗ​គឺ​ជា​មាន​រាន​ហាល​ឯកជន​របស់​ភ្ញៀវ​ដាច់​ដោយ​ឡែក​ពី ​គ្នា​ដែល​ពួក​គេ​អាច​រីករាយ​នឹង​សកម្មភាព​គេង​អាំង​ពន្លឺ​ថ្ងៃ ម៉ាស្សា និង​ស្ប៉ា​។

ក្រុមហ៊ុន​អង់គ្លេស​ដែល​បង្កើត​នាវា​នេះ​ឡើង មាន​គោល​បំណង​ចង់​ផ្ដល់​នូវ​សេវា​កម្សាន្ត​លើ​កោះ​ឥត​ព្រំដែន​សម្រាប់​ភ្ញៀវ ទេសចរ​ដែល​មិន​ចង់​ចំណាយ​ពេល​ធ្វើ​ដំណើរ​វែង​ឆ្ងាយ និង​មិន​ចូល​ចិត្ត​ជីវភាព​យ៉ាប់យ៉ឺន​នៅ​លើ​កោះ​ដាច់​ស្រយាល​មែន​ទែន​៕ PR

អត្ថបទគួរចាប់អារម្មណ៍