.jpg)
តំបន់ចុះបញ្ជីបេតិកភណ្ឌពិភពលោករបស់អង្គការយូណេស្កូ នៅប្រទេសប៉ារ៉ាហ្គាយ។ AFP
ក្រុងអាសង់ស្យុង: ខាងក្រៅក្រុង និងចូលជ្រៅនៅកណ្ដាលខេត្ដ អ៊ីតាពួ ជាគោលដៅទេសចរណ៍ប្រវត្ដិសាស្ដ្រដ៏ល្អវិចិត្រក្នុងប្រទេសប៉ារ៉ាហ្គាយ។ ដោយត្រូវបានប្រកាសចុះក្នុងបញ្ជីបេតិកភណ្ឌពិភពលោករបស់អង្គការ UNESCO ឆ្នាំ ១៩៩៣ ព្រះវិហារ ២ គឺ Holy Trinity នៃរដ្ឋប៉ារ៉ាណា និង យេស៊ូ ដេ តាវ៉ារ៉ានហ្គូ អាចធ្វើដំណើរទៅដល់តាមទីក្រុងអេនខាណាស្យុង ភាគខាងត្បូង ដោយការជិះរថយន្ដក្រុងរយៈពេល ៤៥ នាទី។
ឡា សាន់ទីស៊ីម៉ា ទ្រីនីដេដ ជាព្រះវិហារយេស៊ូចុងក្រោយមួយក្នុងចំណោម ៣០ ទីតាំង ដែលចាប់បដិសន្ធិក្នុងប្រទេសប៉ារ៉ាហ្គាយ ប្រេស៊ីល និងអាហ្សង់ទីន ក្នុងសតវត្សរ៍ទី ១៧។ ព្រះវិហារទាំងនេះត្រូវបានកសាងឡើងដើម្បីលើកតម្កើងគ្រិស្ដសាសនា និងគ្រប់គ្រងចំនួនប្រជាជនក្នុងស្រុក។
ព្រះវិហារនីមួយៗមានសមត្ថភាពទ្រទ្រង់ដោយខ្លួនឯង រួម-ទាំង ព្រះវិហារ ឡា សាន់ទីស៊ីម៉ា ទ្រីនីដេដ ផងដែរ។ បរិវេណព្រះវិហារ រួមទាំង ទីក្រុងតូចមួយដែលមានសាលប្រជុំធំ ព្រះវិហារធំ សាលារៀន និងរោងជាង ព្រមទាំងផ្ទះសំបែងជាច្រើនទៀត។
ប្រាសាទធំមួយត្រូវបានកសាងឡើងនៅទីតាំងព្រះវិហារ ដែលរំលេចនូវទីឋានសក្ការៈឆ្លាក់ចេញពីថ្មមួយផ្ទាំង។ ពលរដ្ឋអាមេរិក និងបព្វជិតសាសនានៅអឺរ៉ុប សុទ្ធតែរស់នៅរួមគ្នានៅព្រះវិហារ ដោយមិនសូវចុះចម្រុងនឹងគ្នា។
ពលរដ្ឋបានចូលរួមក្នុងពិធីជាច្រើន រួមទាំង ការងារនៅលើវាលស្រែ។ ក្រោយពីបុព្វសាសនាត្រូវបានបណ្ដេញចេញពីប្រទេសប៉ារ៉ាហ្គាយ ដោយស្ដេចអេស្ប៉ាញក្នុងឆ្នាំ ១៧៦៧ អគារព្រះវិហារបានចាស់ទ្រុឌទ្រោម។
សំណង់ទ្រុឌទ្រោម និងស្ងប់ស្ងាត់ទាក់ទាញទេសចរ។ AFP
ប៉ុន្ដែគួរឲ្យកត់សម្គាល់ ស្ថាបត្យកម្ម នៃព្រះវិហារ ឡា សាន់ទីស៊ីម៉ា ទ្រីនីដេដ នៅតែរក្សារូបរាងស្អាត។ សំណង់ដ៏គួរឲ្យចាប់អារម្មណ៍បំផុតគឺ សាលវិហារ ដែលកសាងឡើងដោយស្ថាបត្យករក្រុងមីលែន និងកន្លែងខ្លះ វានៅតែរក្សារូបរាងអគារកម្ពស់ ៣ ជាន់។
ក្នុងឆ្នាំ ១៩៩៣ សំណង់ព្រះវិហារបានក្លាយជាតំបន់បេតិកភណ្ឌពិភពលោករបស់អង្គការ UNESCO និងបានក្លាយជាគោលដៅទេសចរណ៍ពេញនិយម ១ សម្រាប់ប្រទេសប៉ារ៉ាហ្គាយ។
អគារទ្រុឌទ្រោមទាំងនេះមានសភាពស្ងប់ស្ងាត់ ដែលអនុញ្ញាតឲ្យភ្ញៀវទេសចរទទួលបាននូវបទពិសោធពិតៗពីតំបន់ប្រវត្ដិសាស្ដ្រ តំណាងឲ្យវប្បធម៌ ជនជាតិដើមទទួលបាននូវអត្ដសញ្ញាណវប្បធម៌ប្រពៃណីរបស់ខ្លួន៕HR
តំបន់នេះបានក្លាយជាទិសដៅទេសចរគ្រិស្តសាសនិក។ AFP
