The Phnom Penh Post Search

Search form




Logo of Phnom Penh Post newspaper Phnom Penh Post - ភ្ញៀវ​ទេសចរ​ផ្អើល​ទៅ​អូស្ត្រាលី​ដើម្បី​ទស្សនា​ចន្ទ​បាំង​សូរ្យសែង​ទាំង​មូល

ភ្ញៀវ​ទេសចរ​ផ្អើល​ទៅ​អូស្ត្រាលី​ដើម្បី​ទស្សនា​ចន្ទ​បាំង​សូរ្យសែង​ទាំង​មូល

ភ្ញៀវ​ទេសចរ​ផ្អើល​ទៅ​អូស្ត្រាលី​ដើម្បី​ទស្សនា​ចន្ទ​បាំង​សូរ្យសែង​ទាំង​មូល

121102_22d
ភ្ញៀវទេសចរនាំគ្នាទស្សនាសូរ្យគ្រាសនៅប្រាសាទរ៉ូម៉ាំងបុរាណ Reuters

ក្រុងស៊ីដនី : អស់​រយៈ​កាល​៧​ឆ្នាំ​ហើយ ដែល​អ្នក​ស្រី លីនណា និង​ស្វាមី ចច បាក់ប៊ី នៅ​រដ្ឋ​វើជីញ៉ា សហរដ្ឋ​អាមេរិក តែង​ធ្វើ​ដំណើរ​ទេសចរណ៍​ទៅ​តំបន់​ដែល​អាច​មើល​បាតុភូត​សូរ្យគ្រាស​បាន ច្បាស់​ភ្នែក​នោះ។

សម្រាប់​ឆ្នាំ​នោះ ពួក​គេ​បាន​កក់​សំបុត្រ​ និង​កន្លែង​ស្នាក់​នៅ​រួច​រាល់​ហើយ។ ដំណើរ​មើល​សូរ្យ​គ្រាស​នៅ​ឆ្នាំ​នេះ គឺនៅ​ទឹក​ដី​អូស្ត្រាលី ព្រឹក​ថ្ងៃទី​១៤ ខែ​វិច្ឆិកា។

អ្នក​ស្រី លីន​ដា បាន​និយាយ​ថា៖ «ការ​មើល​សូរ្យគ្រាស​គឺ​ពិត​ជា​លន្លង់​លន្លោច​ណាស់​។ វា​មាន​រយៈ​ពេល​តែ​១ ឬ​២​នាទី​ប៉ុណ្ណោះ ដូច្នោះ​ម្នាក់ៗ​នាំ​គ្នា​ស្ងៀម​ស្ងាត់​ទស្សនា​យ៉ាង​យក​ចិត្ត​ទុក​ដាក់ ក្នុង​ទី​ងងឹង​ស្លុប​ដោយ​សារ​ព្រះអាទិត្យ​ត្រូវ​បាន​លេប​ត្របាក់​បាត់​ដោយ​ ព្រះ​ចន្ទ»។

អ្នក​ស្រី​បាន​បន្ត​ទៀត​ថា៖ «ក្រោយ​ពេល​ព្រះចន្ទ​ធ្វើ​ដំណើរ​ចេញ​ផុត ទុក​ឲ្យ​ព្រះអាទិត្យ​បញ្ចេញ​រស្មី​វិញ មនុស្ស​ម្នាក់ៗ​នាំ​គ្នា​ស្រែក​ហ៊ោកញ្ជៀវ ខ្លះ​រាំ ខ្លះ​ច្រៀង អម​ដោយ​ពិធី​ជប់​លៀង​ផឹក​ស៊ី»។

សម្រាប់​ព្រឹត្តិការណ៍​សូរ្យគ្រាស​នៅ ទីក្រុង​ឃែនរ៍ រដ្ឋ​ឃ្វីនលេន ប្រទេស​អូស្ត្រាលី​ឆ្នាំ​នេះ អ្នក​ជំនាញ​ព្យាករ​ថា នៅ​ព្រហាម​ថ្ងៃ​ទី១៤ ខែ​វិច្ឆិកា សីតុណ្ហភាព​នឹង​ត្រជាក់​ជាង​សព្វ​ដង​បន្តិច ហើយ​ផ្ទៃ​មេឃ​នឹង​ឡើង​ខ្មៅ ខណៈ​ដែល​ព្រះ​ចន្ទ​ចាប់​ផ្ដើម​ធ្វើ​ដំណើរ​ចរ​កាត់​ព្រះអាទិត្យ។

នៅ​វេលា ម៉ោង​៦និង​៣៩​នាទី​ក្នុង​តំបន់​នោះ ប្ដី​ប្រពន្ធ​មកពី​រដ្ឋ​វើជីញ៉ា​មួយ​គូ​នេះ​នឹង​ឈរ​ទស្សនា​ពី​ឆ្នេរ​សមុទ្រ ផ្កា​ថ្ម ខូរ៉ល ដែល​បាតុភូត​ធម្មជាតិ​នេះ​នឹង​មាន​រយៈ​ពេល​ប្រមាណ​២​នាទី​ប៉ុណ្ណោះ។

អ្នក​ស្រី ម៉ាហ្គារ៉ែត ដាវើនីហ្សា មន្ត្រី​អភិវឌ្ឍ​ទីក្រុង​ឃែនរ៍ បាន​រំពឹង​ថា នឹង​មាន​ភ្ញៀវ​ទេសចរ​៥​ម៉ឺន​នាក់​បន្ថែម​ទៀត​មក​ទស្សនា​ទីក្រុង​នេះ ដោយ​សារ​តែ​ពួក​គេ​ចង់​មើល​សូរ្យគ្រាស​ឲ្យ​បាន​ច្បាស់។ ពួក​គេ​នឹង​ផ្ដុំ​គ្នា​នៅ​កំពង់ផែ ឌូក្លាស ដោយ​អ្នក​ខ្លះ​នឹង​ពាក់​វែនតា ពិសេស​ទស្សនា​ពី​លើ​ទូក រថភ្លើង វាល​ទំនាប ឬ​ក៏​ជិះ​បាឡុង​ហោះ​ទស្សនា​។

ក្រៅពី ការ​មើល​សូរ្យគ្រាស ពួក​គេ​ក៏​អាច​ឆ្លៀត​ឱកាស​ទៅ​លេង​ទីក្រុង​ស៊ីដនី ឧទ្យាន​ជាតិ​នានា និង​ថ្ម​បុរាណ​អ៊ូលូរូ​ផង​ដែរ។ សកម្មភាព​ដែល​អាច​រីករាយ​បាន​នៅ​ក្បែរ​ឆ្នេរ​រួម​មាន​ការ​ជ្រមុជ​ទឹក ជិះ​បន្ទះ​ក្ដារ​លើ​រលក ចែវ​ទូក និង​ទស្សនា​ផ្កា​ថ្ម ថ្ម​ប៉ប្រះទឹក​ដ៏​ធំ និង​ព្រៃ​ព្រឹក្សា​។

យ៉ាងណាមិញ អ្នកស្រី លីនដា និង​ស្វាមី​ក៏​បន់ស្រន់​សូម​កុំ​ឲ្យ​មាន​ភ្លៀង​នៅ​ថ្ងៃ​ទស្សនា​សូរ្យគ្រាស នោះ​ដែរ។ សម្រាប់​ដំណើរ​ទស្សនា​សូរ្យគ្រាស​ឆ្នាំ​ក្រោយ គឺ​ប្រទេស​ម៉ារ៉ុក​ នៅ​ទ្វីប​អឺរ៉ុប៕

អត្ថបទគួរចាប់អារម្មណ៍