ក្រុងហាណូយ: ស្ថាបត្យកម្មថ្មីរបស់វៀតណាម ស្ពានមាស ឬភ្នំដៃព្រះ ក្លាយជាគោលដៅទេសចរណ៍ថតរូបដ៏ល្អបំផុតប្រចាំឆ្នាំមួយរបស់ CNN។
CNN បានចេញផ្សាយរូបភាពទេសចរណ៍កំពូលរបស់ខ្លួន ក្នុងរយៈពេល ៦ ខែដំបូងនៃឆ្នាំ ២០១៨ និងរូបភាពស្ពាន ១៥០ ម៉ែត្រ ដែលទ្រដោយបាតដៃយក្សមួយគូ ចំទើតលើជួរភ្នំ ទ្រួងសុន ភាគកណ្ដាលប្រទេសវៀតណាម ស្ថិតក្នុងលំដាប់ទី ៦។
ប្រព័ន្ធផ្សព្វផ្សាយអាមេរិកមួយនេះ បានជ្រើសរើសគោលដៅថតរូបទេសចរណ៍កំពូលទាំង ៨៥ កន្លែងនៅជុំវិញពិភពលោក។
រចនាឡើងដោយ លោក វូ វៀតអាញ ប្រធានផ្នែកឌីហ្សាញនៅក្រុមហ៊ុន TA Landscape Architecture ស្ពានមាស បានដាក់សម្ពោធស្វាគមន៍ភ្ញៀវកាលពីចុងខែមិថុនា និងទទួលបានការចាប់អារម្មណ៍ទូទាំងពិភពលោក ដោយវាបានក្លាយជាគោលដៅពេញនិយមបំផុតមួយលើអ៊ីនស្ដាក្រាម។
កាសែតអង់គ្លេស Independent បានបញ្ចូលភ្នំបាតដៃព្រះនេះជាស្ពានដ៏អស្ចារ្យបំផុត ១ ក្នុងចំណោម ១០ រីឯទស្សនាវដ្ដី The Time បានចុះបញ្ជីស្ពានមាសជាទីឋានដ៏អស្ចារ្យបំផុតក្នុងលោកទាំង ១០០ សម្រាប់ឆ្នាំ ២០១៨។
រូបភាពទេសចរណ៍កំពូលៗឯទៀត ដែលចុះផ្សាយដោយ CNN គឺ ហាងសៀវភៅ ២៤ ម៉ោង Page One ស្ពានកញ្ចក់ក្នុងក្រុងញូវយ៉ក និងកោះជេជូ កូរ៉េខាងត្បូងជាដើម៕
Viet Nam News/HR