The Phnom Penh Post Search

Search form




Logo of Phnom Penh Post newspaper Phnom Penh Post - ល្អាង​ទឹកកក ​គុន​ហ្គ័រ ​រំលេច​ពន្លឺ​គ្រី​ស្ដាល់​ពេល​ចាំង​ភ្លើង​ពណ៌

ល្អាង​ទឹកកក ​គុន​ហ្គ័រ ​រំលេច​ពន្លឺ​គ្រី​ស្ដាល់​ពេល​ចាំង​ភ្លើង​ពណ៌

ទឹកកក​ស្រោប​សំណឹក​ថ្ម​ច្រូង​ច្រាង​បញ្ចេញ​ពន្លឺ​ដូច​គ្រីស្តាល់​។
ទឹកកក​ស្រោប​សំណឹក​ថ្ម​ច្រូង​ច្រាង​បញ្ចេញ​ពន្លឺ​ដូច​គ្រីស្តាល់​។

ល្អាង​ទឹកកក ​គុន​ហ្គ័រ ​រំលេច​ពន្លឺ​គ្រី​ស្ដាល់​ពេល​ចាំង​ភ្លើង​ពណ៌

ក្រុង​គុនហ្គ័រ: ល្អាង​ទឹកកក​គុនហ្គ័រគឺ​ល្អាង​ថ្ម​រដិបរដុប​ស្ថិត​នៅ​ក្នុង​រូង​ភ្នំ​អ៊ូរ៉ាល់​ ក្បែរ​ទីក្រុង​គុនហ្គ័រ​ក្នុង​ក្រុង​សហព័ន្ធ​ភើម​ក្រៃ​ ប្រទេស​រុស្ស៊ី​នៅ​ត្រើយ​ម្ខាង​នៃ​ទន្លេ​ស៊ីលវា​។ ជាមួយ​នឹង​ដំណើរ​ចម្ងាយ​ ៥​គីឡូម៉ែត្រ​ វា​គឺ​ជា​ល្អាង​ថ្ម​ដ៏​ច្រូង​ច្រាង​​បំផុត​មួយ​នៅ​រុស្ស៊ី​ និង​មាន​តែ​មួយ​គត់​​ក្នុង​ប្រទេស​ដែល​ត្រូវ​បាន​បំពាក់​ភ្លើង​ពណ៌​សម្រាប់​ភ្ញៀវ​ទេសចរ​ទស្សនា​។

សំណឹក​ទឹក​ភ្លៀង​ធ្លាក់​រាប់​ពាន់​​ឆ្នាំ​បាន​រំលាយ​ថ្ម​ដែល​ទន់​បង្កើត​បានជា​សណ្ឋាន​ក្រហេង​ក្រហូង​ក្រោម​ដី​មក​ចាក់​បំពេញ​​ដោយ​​ថ្ម​រូប​រាង​ប្លែក​ៗ​។ ទឹកកក​រលាយ​ដែល​ស្រក់​ហូរ​តក់​ៗ​ពី​លើ​ថ្ម​រដិប​រដុប​បាន​កក​ក្រោម​សីតុណ្ហភាព​ដ៏​ត្រជាក់​ខាង​ក្នុង​ល្អាង​ និង​ប្រែក្លាយ​ទៅជា​ទឹក​កក​អាចុតិសិលា​ (​ចម្រឹង​ច្រូង​ច្រាង​ក្នុង​ល្អាង​) ដែល​ព្យួរ​លើ​ពិតាន​ល្អាង​នៅក្នុង​សណ្ឋាន​ផ្សេង​ៗ។ ចម្រឹង​ខ្លះ​បាន​ចាក់​ដោត​ដល់​បាត​ល្អាង​ និង​បង្កើត​ទៅជា​សសរ​ទឹកកក​ដ៏​អស្ចារ្យ​ ដូចជា កែវ​ខ្សាច់​កំណត់​ពេល​វេលា​យក្ស​ជាដើម​។

កន្លែង​មួយ​ដ៏​ស្អាត​បំផុត​នៅ​ក្នុង​ល្អាង​គឺ​ស្ថិត​នៅ​ខាង​ស្ដាំ​ដៃ​ក្បែរ​ច្រក​ចូល​ ជា​គុហា​ពេជ្រ​។ ទឹក​កក​បុរាណ​ជា​ច្រើន​ស្រទាប់​ក្នុង​ល្អាង​ហូរ​ស្រក់​លើ​អំពូល​ភ្លើង​ដោយ​មាន​ការ​ច្រឡំ​ថា​ ទឹក​ធ្លាក់​បញ្ចេញ​ពន្លឺ​ ខណៈ​កន្លែង​ខ្លះ​បង្កើត​ជា​គ្រីស្ដាល់​ធំ​ៗ​ទៀត​ផង​។ គុហា​ពេជ្រ​ត​ភ្ជាប់​គុហារ​ផូឡា​​ជា​កន្លែង​​សម្រាប់​​គយ​គន់​ចម្រឹង​​ទឹក​កក​ច្រូង​ច្រាង។ ក្នុង​គុហា​ភូមពៃអ៊ី ភ្ញៀវ​ទេសចរ​អាច​​ទស្សនា​ថ្ម​សណ្ឋាន​ប្លែក​ៗ​ ដែល​​ខ្លះ​រាង​ដូច​ស្រមោល​សត្វ​ និង​រូបភាព​ប្លែក​ៗ​ទៀត​។

សរុប​មក ល្អាង​គុនហ្គ័រ មាន​គុហា​ចំនួន​៤៨​ ដែល​​មាន​រឿង​តំណាល​ផ្សេង​ៗ​និង​មាន​ឈ្មោះ​ខុស​ៗគ្នា​ ដូច​ជា​ឈ្មោះ​ ផ្កា​ថ្ម និង​បាត​សមុទ្រ​ ​​លម្អ​ដោយ​ថ្ម​សំណឹក​១២០០០​ឆ្នាំ​។ ក្នុង​គុហាអាចម៍​ផ្កាយ​ អ្នក​ទស្សនា​អាច​គយ​គន់​រូប​ភាព​សណ្ឋាន​ជា​ពិភព​កាឡាក់​ស៊ី​។

គម្រោង​ល្អាង​ភ្នំ​ទឹកកក​ដំបូង​ត្រូវ​បាន​បង្កើត​ក្នុង​ឆ្នាំ​១៧០៣​ ដែល​យើង​អាច​មើល​ឃើញ​នា​ពេល​បច្ចុប្បន្ន​។ ល្អាង​ទឹកកក​សម្រាប់​ការ​កម្សាន្ដ​លើក​ដំបូង​ត្រូវ​បាន​បង្កើត​សម្រាប់​ប្រជាពលរដ្ឋ​គុនហ្គ័រ​ និង​ភ្ញៀវ​ទេសចរ​ក្នុង​ទីក្រុង​។ ​ព័ត៌មាន​អំពី​ភាព​ល្បី​ល្បាញ​នៃ​ល្អាង​ទឹកកក​បាន​ផ្សាយ​ទៅ​តំបន់​ផ្សេង​ៗ​។ ពេល​នេះ ល្អាង​ទឹកកក​គុន​ហ្គ័រ​ទទួល​ភ្ញៀវ​ទេសចរ​រាប់​ម៉ឺន​នាក់​ក្នុង​មួយ​​ឆ្នាំ​៕ HR​

អត្ថបទគួរចាប់អារម្មណ៍