The Phnom Penh Post Search

Search form




Logo of Phnom Penh Post newspaper Phnom Penh Post - វាល​ពំនូក​ខ្សាច់​ស​មាន​ថ្លុក​ទឹក​ពណ៌​ខៀវ​នៅ​រាយប៉ាយ

វាល​ពំនូក​ខ្សាច់​ស​មាន​ថ្លុក​ទឹក​ពណ៌​ខៀវ​នៅ​រាយប៉ាយ

ឧទ្យាន​ជាតិ​ឡង់​ស័រ​ ម៉ារ៉ង់​ហង់​សេស កម្រ​មាន​មនុស្ស​ទៅ​ដល់​។
ឧទ្យាន​ជាតិ​ឡង់​ស័រ​ ម៉ារ៉ង់​ហង់​សេស កម្រ​មាន​មនុស្ស​ទៅ​ដល់​។

វាល​ពំនូក​ខ្សាច់​ស​មាន​ថ្លុក​ទឹក​ពណ៌​ខៀវ​នៅ​រាយប៉ាយ

ក្រុងប្រាស៊ីលីយ៉ា: ស្ថិត​នៅ​ភាគ​ឦសាន​ប្រទេស​ប្រេស៊ីល ឧទ្យាន​ជាតិ​ឡង់ស័រ ម៉ារ៉ង់ហង់សេស (​Lencois Maranhenses) មាន​ភាព​ល្បីល្បាញ​ដោយសារ​តែ​សណ្ឋាន​ដី​ដ៏ចម្លែក​របស់​វា។

នៅ​មិន​ឆ្ងាយ​ពី​ឈូងសមុទ្រ​បាយ៉ាដឺសាវចូសេ (Baia de Sao Jose) វា​ជា​ពំនូក​ខ្សាច់​សក្បុស​លាតសន្ធឹង​លើ​ផ្ទៃដី​ជាង​១៥០០​គីឡូម៉ែត្រ ការ៉េ ដែល​ពោរពេញ​ទៅ​ដោយ​ថ្លុក​ទឹក​ដក់​បី​ដូចជា​បឹង​ធម្មជាតិ​ជាច្រើន​រាយប៉ាយ ពាសពេញ​សណ្ឋាន​ដី​ខ្សាច់​ដ៏ធំ​ល្វឹងល្វើយ​មួយ​នេះ។

ថ្លុកទឹក​ធំៗ​ទាំងនោះ កកើតឡើង​ដោយសារ​តែ​ទឹកភ្លៀង​បង្អុរ​យ៉ាង​ជោកជាំ។ ប៉ុន្តែ​ទោះ​ជា​យ៉ាង​នេះ​ក្ដី​ក៏​ឧទ្យាន​ជាតិ​ឡង់ស័រ ម៉ារ៉ង់ហង់សេស មិន​អំណោយផល​ដល់​រុក្ខជាតិ​ដុះ​លូតលាស់​ឡើយ។

វាល​ពំនូក​ខ្សាច់​​សក្បុស​ដែល​មានថ្លុកទឹក​ភ្លៀង​រាយប៉ាយ​ពាសពេញ។​
វាល​ពំនូក​ខ្សាច់​​សក្បុស​ដែល​មានថ្លុកទឹក​ភ្លៀង​រាយប៉ាយ​ពាសពេញ។​

ទីកន្លែង​សណ្ឋាន​ដី ថ្លុកទឹក​រាយប៉ាយ​ពេញ​វាល​ពំនូក​ខ្សាច់​នេះ​ត្រូវ​បាន​គេ​ចាត់​ចូល​ជា​តំបន់ ឧទ្យាន​ជាតិ​នៅ​ថ្ងៃ​ទី​២ ខែ​មិថុនា ឆ្នាំ​១៩៨១។

ចាប់​តាំងពី​ពេល​នោះ​មក មាន​មនុស្សម្នា​ជាច្រើន​ចាប់​អារម្មណ៍​មក​ទស្សនា​ឧទ្យាន​ជាតិ​ឡង់ស័រ ម៉ារ៉ង់ហង់សេស ហើយ​វា​ថែម​ទាំង​លេច​វត្តមាន​ក្នុង​ខ្សែភាពយន្ត​ប្រេស៊ីល និង​បូលីវូដ​មួយ​ចំនួន​ផង​ដែរ។

បើ​ទោះ​ជា​វាល​ពំនូក​ខ្សាច់​ពោរពេញ​ដោយ ថ្លុក​ទឹក​ធំៗ​ដែល​នឹង​រីងស្ងួត​អស់​នា​រដូវក្ដៅ​ក៏ពិតមែន​ប៉ុន្តែ​អ្វី ដែល​អស្ចារ្យ​នោះ​គឺ​វា​ក៏​ជា​ជម្រក​ត្រី​ដែល​កកើត​តាមរយៈ​ពពួក​បក្សី ពាំ​ពងត្រី​សមុទ្រ​មក​ទម្លាក់​នៅ​ទី​នេះ​ជា​រៀងរាល់​រដូវ​ភ្លៀង​មាន​ទឹក ដក់​ជោកជាំ។

ទិដ្ឋភាព​ធម្មជាតិ​ដ៏អស្ចារ្យ​នេះ​កម្រ​មាន​អ្នក​បាន​ឃើញ ផ្ទាល់​ភ្នែក​ណាស់ ព្រោះ​មិន​មាន​ផ្លូវ​ជាតិ​តភ្ជាប់​ពី​ទីក្រុង​ទៅ​ដល់​ឧទ្យាន​ជាតិ​ឡង់ស័រ ម៉ារ៉ង់ហង់សេស ណាស់។ ភ្ញៀវទេសចរ​ដែល​ចាប់​អារម្មណ៍​អាច​ទំនាក់ទំនង​ក្រុមហ៊ុន​ក្នុង​ស្រុក ឲ្យ​រៀបចំ​កញ្ចប់​ដំណើរ​កម្សាន្ត​តាម​រថយន្ត​ឯកជន​នា​រដូវ​ធ្លាក់​ភ្លៀង ចន្លោះ​ពី​ខែ​កក្កដា ដល់​ខែ​កញ្ញា៕

អត្ថបទគួរចាប់អារម្មណ៍