The Phnom Penh Post Search

Search form




Logo of Phnom Penh Post newspaper Phnom Penh Post - វិហារ​ប្រប​ភ្នំ​អាយុ​កាល​ជាង​១៥០០​ឆ្នាំ​នៅ​ប្រទេស​ចិន

វិហារ​ប្រប​ភ្នំ​អាយុ​កាល​ជាង​១៥០០​ឆ្នាំ​នៅ​ប្រទេស​ចិន

Content image - Phnom Penh Post

វិហារ​ប្រប​ភ្នំ​អាយុ​កាល​ជាង​១៥០០​ឆ្នាំ​នៅ​ប្រទេស​ចិន

ក្រុង​ប៉េកាំង: ​ស្ថិត​នៅ​ជើង​ភ្នំ​ហេងសាន់​​ក្នុង​ខេត្ត​សានហ្ស៊ី​ប្រទេស​ចិន​ គេ​នឹង​បាន​ឃើញ​​វិហារ​ ដែល​មាន​ក្បាច់​រចនា​​ដ៏​កម្រ​នៃ​សំណង់​ស្ថាបត្យ​កម្ម​សម័យ​ចិន​បុរាណ​ ដែល​មាន​ឈ្មោះ​ថា «ព្រះ​វិហារ​ព្យួរនឹង​ភ្នំ ឬ Hanging Temple​»។

វិហារ​នេះ​ត្រូវ​បាន​សាង​សង់​ឡើង​នៅ​ជាប់​នឹង​ជម្រាល​ភ្នំ ​ដែល​មាន​កម្ពស់​៧៥​ម៉ែត្រ​ពី​ដី​ និង​ប្រើ​ផ្ទាំង​ថ្ម​ជញ្ជាំង​ភ្នំធ្វើ​ជា​ចន្ទល់ និង​​ធ្នឹម​ឈើ​។​

ព្រះ​វិហារ​ព្យួរ​នេះ​មាន​បន្ទប់​សាល​សរុប​ចំនួន​៤០ ដែល​លាត​សន្ធឹង​នៅ​លើ​ផ្ទៃ​ដី​ទំហំ​១៥២,៥​ ម៉ែត្រ​ការ៉េ ​​ដោយ​សំណង់​ព្រះ​វិហារ​ភ្ជាប់​គ្នា​ពីមួយ​កន្លែង​ទៅ​មួយ​កន្លែង​ទៀត​ដោយ​ថែវ ស្ពាន​ឆ្លង និង​ផ្លូវ​ដើរ​ក្រាល​ក្តារ។ សំណង់​វិហារ​នេះ​មាន​លក្ខណៈ​​សម​សួន​ និង​កម្ពស់​ប្រហាក់​ប្រហែល​គ្នា​។ ខាង​ក្នុង​ព្រះ​វិហារ​ក៏​មាន​តម្កល់​រូប​ចម្លាក់​ចំនួន​៨០ ដែល​ធ្វើ​ពី​សំរឹទ្ធ ដែក និង​ដី​ឥដ្ឋ​ និង​ចម្លាក់​ដាប់​លើ​ថ្ម​ផ្សេងៗ​ទៀត។

ភ្ញៀវ​ទេសចរ​ដើរ​ឡើង​ព្រះវិហារ​សង់​ផ្អោប​ជម្រាល​ភ្នំ​​​គួរ​ឲ្យ​ព្រឺព្រួច​។
ភ្ញៀវ​ទេសចរ​ដើរ​ឡើង​ព្រះវិហារ​សង់​ផ្អោប​ជម្រាល​ភ្នំ​​​គួរ​ឲ្យ​ព្រឺព្រួច​។

ការ​សាង​សង់​វិហារ​បែប​នេះ​ក៏​ព្រោះ​តែ​មានការ​ភ័យ​ខ្លាច​មាន​គ្រោះ​ទឹក​ជំនន់​ និង​ប្រើ​ភ្នំ​ធ្វើ​ជា​រនាំង​ការ​ពារ​ពី​បាតុ​ភូត​ធម្មជាតិ​ដូច​ជា​ ភ្លៀង ព្រឹល និង​កម្តៅ​ថ្ងៃជា​ដើម​។

បើ​តាម​ឯក​សារ​ប្រវត្តិ​សាស្រ្ត​​វិញ ភ្នំ​នេះ​មាន​ឈ្មោះ​ថា​ភ្នំ​សាងសិន​ក្នុង​ពេល​សំណង់​ព្រះវិហារ​ដើម​ត្រូវ​បាន​សាង​សង់​ឡើង​តែ​មនុស្ស​ម្នាក់​ប៉ុណ្ណោះ​គឺ​ព្រះ​សង្ឃព្រះ​នាម ឡាវ រ៉ាន។ វា​មាន​អាយុ​កាល​កន្លង​ផុត​ទៅ​​អស់​រយៈ​ពេល​ជាង​ ១៥០០​ ឆ្នាំ​មក​ហើយ និង​អាច​រក្សា​បាន​នូវ​ក្បាច់​រចនា​​ដល់​បច្ចុប្បន្ន។

សំណង់​ព្រះ​វិហារ​នេះ​មិន​ត្រឹម​តែ​មាន​វ័យ​ជាង ​១៥០០ ​ឆ្នាំ​ប៉ុណ្ណោះ​ទេ ថែម​ទាំង​មាន​រូប​បដិមា​នានា​តំណាង​សាសនា​ព្រះ​ពុទ្ធ សាសនា​តៅ​ និង​សាសនា​ខុង​ជឺ​ទៀត​ផង។

កាល​ពី​ថ្ងៃ​ទី​២០​ ខែ​ធ្នូ​ ឆ្នាំ ​២០១០​ វិហារ​នេះ ត្រូវ​បាន​ទស្សនា​វដ្ដី​ថាមស៍​បាន​ចុះផ្សាយ​ក្នុង​បញ្ជី​សំណង់​​បុរាណ​ស្ថិត​លើ​​កន្លែង​គ្រោះ​ថ្នាក់​បំផុត​​នៅ​លើ​ពិភព​លោក។

បើទោះ​ជា​ការ​ដើរ​ឡើង​ភ្នំ​ទៅ​កាន់​វិហារ​ស្ថិត​លើ​ផ្លូវ​ជម្រាល​ដ៏​ព្រឺ​ព្រួច​ក៏​ពិត​មែន ក៏​នេះ​ជា​ទី​កន្លែង​ដ៏​ទាក់​ទាញ​ចំណាប់​អារម្មណ៍​ភ្ញៀវ​ទេសចរ​ជាតិ និង​អន្តរជាតិ​មក​ទស្សនា​កម្សាន្ត​យ៉ាង​ច្រើន​កុះករ៕ PR

អត្ថបទគួរចាប់អារម្មណ៍