The Phnom Penh Post Search

Search form




Logo of Phnom Penh Post newspaper Phnom Penh Post - សារមន្ទីរ​ស្គរ​យក្សជនជាតិ​ភាគតិច​ចិន​បើក​ឲ្យភ្ញៀវ​ទស្សនា​មិនយកប្រាក់

សារមន្ទីរ​ស្គរ​យក្សជនជាតិ​ភាគតិច​ចិន​បើក​ឲ្យភ្ញៀវ​ទស្សនា​មិនយកប្រាក់

Content image - Phnom Penh Post
អគារ​សារមន្ទីរ​ស្គរ​យក្ស​ជនជាតិ​ភាគតិច​ចិនដែលធំជាងគេ​ក្នុងលោក​ នៅ​ខេត្ត​ក្វាងស៊ី​។ តាំង វីដា​

សារមន្ទីរ​ស្គរ​យក្សជនជាតិ​ភាគតិច​ចិន​បើក​ឲ្យភ្ញៀវ​ទស្សនា​មិនយកប្រាក់

ខេត្តក្វាងស៊ី: មិន​ត្រឹមតែជាសារមន្ទីរ​ដើម្បី​ប្រមូលផ្តុំ​ និង​សិក្សា​ពី​វប្បធម៌​របស់​ជនជាតិ​ភាគតិច​នោះទេ សារមន្ទីរ​នេះ​ក៏ជាទីតាំងតែ​មួយគត់​ដែល​មាន​នូវ​ស្គរស្ពាន់​តំណាងនូ​អំណាច​ច្រើនជាងគេ​ក្នុង​ពិភពលោក​ដែល​អាចទាក់ទាញ​ភ្ញៀវ​ទេសចរ​បានរហូតដល់​ជាង ១ លាន​នាក់​ក្នុង ១ ឆ្នាំ។

តាមរយៈការ​ប្រារព្ធ​ខួប ៥០ ឆ្នាំ​នៃតំបន់​ស្វយ័ត​ជនជាតិ​ជួង ​ខេត្ត​ក្វាងស៊ី​កាលពី​ឆ្នាំ ២០០៨ រដ្ឋាភិបាលចិន​បានអនុញ្ញាត​ឲ្យ​រដ្ឋបាល​គណៈ​កម្មាធិការ​ប្រជា​ជនតំបន់ស្វយយ័ត​នេះ​សង់​សារ​មន្ទីរ​បងប្អូន​ជនជាតិដ៏ធំ​មួយ​ចំកណ្តាល​ក្រុងណាននីង​ ក្វាងស៊ី ដើម្បី​បើក​ឲ្យ​​ទេសចរ​​ជាតិ​ និង​អន្ដរជាតិ​ចូល​ទស្សនា​ដោយ​ឥតគិតថ្លៃ​ ណ្រមទាំង​បាន​ស្វែង​យល់​នូវ​វប្បធម៌​ អរិយធម៌​របស់​ជនជាតិ​ភាគតិច​ពាក់ព័ន្ធ​នឹងការប្រើប្រាស់​ស្គរ​តំណាង​នា​សម័យនោះ។

មគ្គុទ្ទេសក៍នាំ​ភ្ញៀវ​អ្នកស្រី ជិន យ៉ាយន (Zhen Ya-yaun) នៃ​សារ​មន្ទីរ​បងប្អូន​ជនជាតិ (Guangxi Museum of Nationalities) បាន​​ឲ្យដឹងថា​សារមន្ទីរស្គរ​យក្ស​នេះ​ស្ថិតនៅលើ​មាត់ទន្លេ​យ៉ុងយ៉ាង ខាងត្បូង​ភ្នំ​ឈី​ង​ស៊ូ​សង់​លើ​ផ្ទៃដី​ជាង ៨៦៦៧ ម៉ែត្រការ៉េ និង​មាន​អគារ ៤ ជាន់​ហើយ​ត្រូវបាន​បើកដំណើរ​ការ​​ជា​ផ្លូវ​ការ​នៅឆ្នាំ ២០០៩។

Content image - Phnom Penh Post
​សារមន្ទីរ​មានតាំង​ស្គរ​គ្រប់ប្រភេទ និង​បង្ហាញ​ពី​ការ​ប្រើប្រាស់​ឧបករណ៍​គោះ​នេះ​ផង​ដែរ​។ តាំង វីដា​

បើតាម​មគ្គុទ្ទេស​ក៍ ស្រី​រូប​នេះ ​ថា​គោល​​បំណង​ចម្បង​នៃ​សារមន្ទីរ​ស្គរ​យក្ស​មួយេនះ​​គឺ​ប្រមូលផ្តុំ​សិក្សា​អភិរក្ស​និង​ផ្សព្វផ្សាយ​ពី​វប្ប​ធ​ម៌​របស់​ជន​ជាតិ​ភាគតិចចំនួន ១២ អម្បូរ​ដែល​រស់នៅ​ប្រទេស​ចិន​ប៉ែកអាស៊ី​ភាគ​អាគ្នេយ៍។

 អគារពិព័រណ៍នេះ​មាន ៦ សាលពិព័រ​ណ៍ធំៗ ​រួមមានសាល​វប្បធម៌​ស្គរស្ពាន់​ដែល​ធំ​និង​ចាស់​ ហើយមាន​ច្រើន​ជាងគេ​ក្នុងប្រទេស​ចិន ​ទីពីរ​សាល​ពិព័រណ៍​​នៃ​ភាព​ចម្រុះ​វប្ប​ធ​ម៌​ប្រពៃណី​ជីវភាព​​រស់នៅជនជាតិ​​ភាគតិច​ដូចជា​ជនជាតិ​ជួង មៀ​វ យ៉ាវ តុង ហ្វុ​យ ឈីង សួយ អ៊ី កឺ​ឡា​វ៊ី មុ​ឡាន និង​ម៉ៅ​តានជាដើម។

អ្នក​ស្រី​ ជិន បាន​ឲ្យ​ដឹង​ដែរ​ថា​ស្គរ​ស្ពាន់​ដ៏​​ចំណាស់ទាំងនេះ​​ខ្លះ​មាន​អាយុ​កាល​តាំង​ពីសតវត្សរ៍ទី ១ នៃ​​គ.ស ដ​ល់​សតវត្សរ៍ទី ៤ ទៅ ៧ ហើយ​ស្គរ​ត្រូវបាន​ប្រជាពលរដ្ឋ​ចិន​ចាត់​ទុក​ជា​តំណាង​ដ៏សំខាន់របស់​មេកន្ទ្រាញ​ និង​​មេដឹកនាំ​ប្រើ​ដើម្បី​នាំ​នូវភាពជោគជ័យ។

ស្គរ​ក្នុង​សាល​​ពិ​ព័រណ៍​មាន​ក្បូរ​ក្បាច់​រចនាផ្សេងៗគ្នា និង​មាន​​អត្ថន័យខុសៗពីគ្នា​ក្នុង​នោះ​ជនជាតិ​ជួង​ក៏បាន​ឆ្លាក់​រូបកង្កែប​នៅលើ​ស្គរ​ដែលជា​និមិត្ត​រូប​មួយ​បង្ហាញថា​សត្វ​កង្កែប​ជា​សត្វ​ស្លូត​ល្អ​ និង​នាំសំណាង​គឺ​ទឹក​ភ្លៀងដ៏ត្រជាក់ត្រជុំ។

បើតាម​មគ្គុទេ្ទសក៍​រូបនេះ​ក្នុង​​ឆ្នាំៗមាន​ភ្ញៀវទេសចរ​ចូល​មក​ទស្សនា​ស្គរ​ និង​ស្វែងយល់​ពី​វប្បធម៌​នៅ​សារមន្ទីរ​នេះ​ជាង ១ លាន​នាក់​ក្នុងនោះ​ភ្ញៀវ​អន្តរជាតិប្រហែល ២ ម៉ឺន​នាក់៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។