បាត់ដំបងៈ រំលេច​សម្រស់​ផុសចេញ​ពី​ដើម​ស្លឹក​បៃតង​កម្ពស់​សឹង​ត្រឹម​ស្មើគ្នា​ជិត​២​ម៉ែត្រ​នោះ បុប្ផា​ពណ៌​លឿង​រាប់រយ​ដើម​ដែល​រីក​ស្រូប​ពន្លឺ​ព្រះ​សូរ្យសែង នៅ​បរិវេណ​សាកល​វិទ្យាល័យ​បាត់ដំបង កំពុងតែ​បញ្ចេញ​មន្ត​ស្នេហ៍​ទាក់ទាញ​ចំណាប់​អារម្មណ៍​ភ្ញៀវ​ជាតិ​ខ្មែរ​ទាំង​នៅ​ទីជិត និង​ទី​ឆ្ងាយ​ឲ្យ​មក​ទស្សនា ព្រមទាំង​ផ្ដិត​យក​រូបភាព​សួនផ្កា​ឈូករ័ត្ន​ដ៏​ស្រស់​ត្រកាល​នៅ​ទឹកដី​តា​ដំបង​គ្រញូង​។