The Phnom Penh Post Search

Search form




Logo of Phnom Penh Post newspaper Phnom Penh Post - សួន​ទឹកកក​បង្ហាញ​ពី​ជីវិត​សត្វ​សមុទ្រ​ជាង​៤៥០​ប្រភេទ




សួន​ទឹកកក​បង្ហាញ​ពី​ជីវិត​សត្វ​សមុទ្រ​ជាង​៤៥០​ប្រភេទ

សួន​ទឹកកក​បង្ហាញ​ពី​ជីវិត​សត្វ​សមុទ្រ​ជាង​៤៥០​ប្រភេទ

Content image - Phnom Penh Post
សត្វសមុទ្រជាច្រើនប្រភេទត្រូវបានបង្កកក្នុងផ្ទាំងទឹកកកថ្លា
120904_24b
មនុស្សម្នាពាក់អាវរងាចូលទស្សនាសួនទឹកកកសត្វសមុទ្រ

ក្រុង​ តូក្យូ : ខណៈ​នៅ​ទីក្រុង​តូក្យូ​ប្រជាជន​ខ្លះ​រីករាយ​នឹង​រដូវ​ក្ដៅ​ បែរ​ជា​មាន​ប្រជាជន​ជប៉ុន​មួយ​ចំនួន​ទៀត​បាន​នាំ​គ្នា​ទៅ​តំបន់​ភាគ​ខាង​ ជើង​ដើម្បី​រីក​រាយ​នឹង​ទស្សនា​ឧទ្យាន​ទឹកកក​ដែល​សម្បូរ​ជីវិត​សត្វ​សមុទ្រ​ ជា​ច្រើន​ប្រភេទ​បង្កប់​នៅ​ក្នុង​ផ្ទាំង​ដ៏​ត្រជាក់​និង​ថ្លាឆ្វង់​នោះ​។

កូរី ណូ ស៊ូអ៊ីហ្សូកុកាន គឺជា​ឧទ្យាន​បង្កក​សត្វ​សមុទ្រ ស្ថិត​ក្នុង​ក្រុង​កេសិននូម៉ា ភាគ​ខាង​ជើង​ប្រទេស​ជប៉ុន ដែល​គេ​ឃើញ​យ៉ាង​ហោច​ណាស់​ក៏​មាន​ពពួក​សត្វ​រស់​នៅ​ក្នុង​ទឹក​កក​ប្រមាណ​ ជា​៤៥០​ប្រភេទ​ផ្សេង​គ្នា​ដែរ។ ចំណែក​ពពួក​សត្វ​ដទៃ​ទៀត​ប្រមាណ​ជា ៨០ ប្រភេទ​ ដែល​រួម​មាន​ដូច​ជា​ សត្វ​មឹក ក្តាម និង​ត្រី​សមុទ្រ​មួយ​ចំនួន​ដែល​ត្រូវ​បាន​គេ​អភិរក្ស​។ ទិដ្ឋភាព​នៅ​ក្នុង​ឧទ្យាន​ដ៏​ត្រជាក់​នោះ មើល​ទៅ​ហាក់​ដូច​ជា​ពួក​វា​កំពុង​តែ​ហែល​លេង​នៅ​ក្នុង​ដុំ​ផ្ទាំង​ទឹកកក អ៊ីចឹង​។

តំបន់​នេះ​ត្រូវ​បាន​គេ​បើក​ឲ្យ​កម្សាន្ត​នៅ​ឆ្នាំ​២០០២ ស្រប​នឹង​មាន​សម្ពោធ​ផ្សារ​លក់​អាហារ​សមុទ្រ​នៅ​តំបន់​អូមីណូអ៊ីឈិ។

ឧទ្យាន ​នេះ​ត្រូវ​បាន​គេ​ប្រើ​វា​ទីកន្លែង​ដែល​មាន​បច្ចេកទេស​ខ្ពស់​សម្រាប់ បង្កក​ពពួក​សត្វ​មាន​ជីវិត​ក្នុង​មហា​សមុទ្រ​ប៉ាស៊ីហ្វិក​ទាំង​នេះ​ឲ្យ នៅ​ស្រស់​ជានិច្ច។

បើ​ទោះ​ជា​ភ្ញៀវ​ទេសចរ​ខ្លះ​ដឹង​ថា អាកាស​ធាតុ​ក្នុង​ឧទ្យាន​ទឹក​កក​នោះ​មាន​សីតុណ្ហ​ភាព​ដក​២០​អង្សាសេ ក្ដីក៏​ពួក​គេ​នៅ​តែ​គ្រង​អាវ​រងា​ក្រាស់ៗ​ដើរ​ចូល​ទស្សនា​ជា​លក្ខណៈ​គ្រួសារ​ ផង​ដែរ ព្រោះ​តែ​ទិដ្ឋភាព​នេះ​ស្រដៀង​ទៅ​នឹង​ទ្វីប​អង់តាក់ទិក​ដែរ។

ក្រុង កេសិននូម៉ា គឺជា​តំបន់​វិសាលភាព​ផ្ទៃ​ទឹកកក​ដ៏​ពិសេស​បំផុត​របស់​ប្រទេស​ជប៉ុន ជា​មួយ​នឹង​ប្រភេទ​សត្វ​សមុទ្រ​ចំនួន​៤៥០​ប្រភេទ ត្រូវ​បាន​គេ​អភិ​រក្ស​ទុក​នៅ​ទីនេះ។ ភ្ញៀវ​ទេសចរ​ទូទៅ​ដែល​មក​កាន់​ទី​នេះ​គេ​តម្រូវ​ឲ្យ​ស្លៀក​សម្លៀក​បំពាក់​ ការពារ​ទៅ​នឹង​កម្រិត​នៃ​សីតុណ្ហ​ភាព​ដក​២០​អង្សាសេ​នោះ​ផង​ដែរ។

ក្រៅពី ផ្ដល់​នូវ​សេវា​ទស្សនា​សត្វ​សមុទ្រ​ក្នុង​ទឹកកក ទីនេះ​ក៏​មាន​ភោជនីយដ្ឋាន​បម្រើ​អាហារ​សមុទ្រ​ទៅ​តាម​រដូវ​បុណ្យ​ទាន និង​លក់​គ្រឿង​សមុទ្រ​ស្រស់​ផង​ដែរ។ ដូចជានា​ឱកាស​ថ្ងៃ​បុណ្យ​គុណ​ម្តាយ​គេ​តែង​ឃើញ​មាន​ការ​ដាក់​ត្រី​សាលម៉ុង ក្លាសេ្សមាន​ការ​ក្រង​កម្រង​ផ្កា​ក្នុង​តម្លៃ​៤៦​ដុល្លារ​មក​ដាក់​លក់​នៅ ទី​នេះ​ហាក់​ដូច​ជា​កាដូ​ដែរ៕ PR

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។