ក្រុង ស៊ីដនី : នៅតំបន់សមុទ្រដែលមានមនុស្សអ៊ូអរឯក្រុងស៊ីដនី ប្រទេសអូស្រ្តាលីបានរៀបចំព្រឹត្តិការណ៍បង្ហោះខ្លែងប្រចាំឆ្នាំដ៏ ធំមួយ ដែលខ្លែងទាំងនោះត្រូវបានច្នៃប្រឌិតជារូបរាងសត្វផ្សេងៗគួរឲ្យទាក់ទាញ។
តាម ធម្មតា សត្វត្រីបាឡែនតែងមានប្រជាប្រិយភាពនៅក្នុងផ្ទៃសមុទ្រ ចំពោះសកម្មភាពហែលទឹករបស់វា។ តែទម្រង់រូបរាងត្រីបាឡែននេះក៏ត្រូវបានគេយកមកកែច្នៃជារូប ខ្លែងដាក់ហោះហើរនៅលើអាកាសតាមតំបន់ឆ្នេរខ្សាច់សមុទ្រ ដែលសឹងតែមើលទៅដូចត្រីបាឡែនពិតៗ។
ជាក់ស្តែងគេឃើញមាននៅឯ តំបន់ឆ្នេរសមុទ្រនៃទីក្រុងស៊ីដនីប្រទេសអូស្រ្តាលី។ រូបខ្លែងដែលបង្ហោះនោះមានរាងជាសត្វត្រីបាឡែនយក្សតែម្តង ហើយមានប្រវែងជិត៣០ម៉ែត្រឯណោះ។
ម្យ៉ាងទៀតវាក៏ចំពេលនៃរដូវកាល ប្រារព្ធពិធីបុណ្យបង្ហោះខ្លែងប្រចាំឆ្នាំ ដែលអ្នកខ្លះហៅថា ជាបុណ្យវាយោ របស់អូស្ត្រាលី។
ការបង្ហោះខ្លែងគឺជាព្រឹត្តិការណ៍ បង្ហោះខ្លែងដ៏ធំបំផុតមួយ នៅប្រទេសអូស្រ្តាលី ហើយវាមានកម្រិតនៃការកែច្នៃ និងរចនាខ្ពស់ ការតុបតែងចម្រុះពណ៌ និងជារូបសត្វផ្សេងៗលើខ្លែងនីមួយៗ។
នៅ ថ្ងៃប្រាព្ធពិធីបុណ្យនោះ គេឃើញមានខ្លែងរូបសត្វប្លែកៗរាប់រយបានបង្ហោះពាសពេញផ្ទៃអាកាស។ មើលវាហាក់ដូចជាបានជួយបន្ថែមនូវសម្រស់មួយកម្រិតទៀតទៅដល់ ទេសភាពសមុទ្រដោយអន្លើតែម្តង។
គេក៏ឃើញមានការរចនារូបភាព សត្វគ្រប់ប្រភេទ រួមទាំងមានផ្កាភ្ញីយ៉ាងស្រស់ស្អាតផង ហើយនេះក៏ជាទេពកោសល្យនៃក្រុមអ្នកជំនាញច្នៃប្រឌិតរបស់អ្នក បង្កើតរូបភាពនីមួយៗនាឱកាសនេះផងដែរ។ វត្តមានខ្លែងរូបសត្វគ្រប់ប្រភេទ បានធ្វើឲ្យផ្ទៃមេឃក្លាយទៅជាសួនសត្វដែលមានសត្វព្រៃគ្រប់ប្រភេទ បង្ហោះខ្លួនរសាត់អណ្ដែតទៅតាមខ្យល់។
ចំពោះពិធីបុណ្យនេះគេឃើញ មានការចូលរួមពីសមាគមបង្ហោះខ្លែងមកពីបណ្តាប្រទេសមួយចំនួនទៀត ដែរ ដូចជា ប្រទេសម៉ាឡេស៊ី ជប៉ុន ចិន និងឥណ្ឌា។
ទោះបីជាយ៉ាងណា ការបង្ហោះខ្លែងនេះជាព្រឹត្តិការណ៍ចែករំលែកនូវមេរៀនស្តីពី ការកែច្នៃថ្មីៗនៃបទពិសោធកំប៉ិកកំប៉ុករៀងខ្លួនរបស់សមាជិកក្រុម អ្នកបង្ហោះខ្លែងនីមួយៗផងដែរ។
រីឯអាកាសធាតុវិញក៏មានអំណោយផល ដល់ការប្រាព្ធព្រឹត្តិការណ៍បង្ហោះខ្លែងនេះដែរ ដោយសារគេឃើញផ្ទៃមេឃស្រឡះល្អ និងមានខ្យល់បក់ខ្លាំង។
ការ បង្ហោះខ្លែងនេះក៏ជាសញ្ញានៃការចូលមកដល់នារដូវកាលផ្ការីក និងជាការបិទទំព័ររដូវរងានៅប្រទេសនាអឌ្ឍគោលខាងត្បូងមួយនេះផង ដែរ។
លើសពីនេះទៅទៀត ដើម្បីញ៉ាំងឲ្យអារម្មណ៍អ្នកទស្សនានានារីករាយនោះ កម្មវិធីក៏មានការគូររូបនៃក្រុមតន្ត្រីរបាំ និងមុខម្ហូបជាច្រើនមុខ ដែលផ្ដល់ជូនដោយយន្តហោះបារ៉ុនពណ៌ក្រហមផងដែរ៕ PR
