The Phnom Penh Post Search

Search form

ឧទ្យាន​បៃតង​ផ្កា​ស្រស់​បំព្រង​ លាក់​ខ្លួន​ក្នុង​ក្រហូង​ផែនដី

Content image - Phnom Penh Post
នៅ​បាត​ក្រោម​នៃ​ឧទ្យាន ដីក្រហូង​មាន​ផ្លូវ​ស្ពាន សម្រាប់ ឲ្យភ្ញៀវ​ដើរ​គយគន់​សម្រស់​បុប្ផា និង​លម្ហែកាយ​។

ឧទ្យាន​បៃតង​ផ្កា​ស្រស់​បំព្រង​ លាក់​ខ្លួន​ក្នុង​ក្រហូង​ផែនដី

ក្រុងស៊ីដនី: ស្ថិត​នៅ​តំបន់​ភាគ​អាគ្នេយ៍​នៃ​កោះ​អូស្ត្រាលី​ខាងត្បូង ក្បែរ​ភ្នំ Gambier គឺជា​សណ្ឋាន​ដី​ដូច​រន្ធ​បាយខុំ​យក្ស រាយប៉ាយ​ដោយ​បឹង រូងភ្នំ និង​ដី​ក្រហូង​បន្សល់​ពី បាតុភូត​ភ្នំភ្លើង និង​សំណឹក។

ក្នុងចំណោម​ដី​ក្រហូង​ទាំង​នោះ កន្លែង​ដែល​មាន​មនុស្ស​ស្គាល់​ច្រើន​ជាងគេ និង​ជា​តំបន់​ទេសចរណ៍​ដ៏ល្បី​មួយ​ផងដែរ​នោះ គឺ​ស្ថិត​នៅ​តំបន់​ផ្លូវ​ហាយវ៉េ Jubilee Highway East មាន​ឈ្មោះ​ថា តំបន់​ដីក្រហូង Umpherston គឺ​ដី​ក្រហូង​ជ្រៅ​គួរសម​កកើត​ពី​សំណឹក​ថ្មកំបោរ ដោយសារ​ទឹក​សមុទ្រ និង​ការ​រលំ​ពិតាន​រូងថ្ម ធ្វើ​ឲ្យ​វាក​កើត​ជា​រូង​ទទួល​ពន្លឺ​ថ្ងៃ មាន​មេឃ​ជា​ដំបូល។

ដីក្រហូង​នេះ ត្រូវ​បាន​ប្រែក្លាយ​ជា​ឧទ្យាន​បៃតង មាន​បុប្ផា​រីក​ស្គុសស្គាយ​ដ៏អស្ចារ្យ ដែល​ធ្វើ​ឲ្យ​ភ្ញៀវទេសចរ​ឈ្ងោក​មើល​ហើយ​លាន់​មាត់​សរសើរ​ពី​សម្រស់​វា​គ្រប់ៗ​គ្នា។

ឧទ្យាន​ដីក្រហូង Umpherston Sinkhole Garden ត្រូវបាន​ស្ថាបនា​ដោយ​លោក was James Umpherston ក្នុង​អំឡុង​ទសវត្សរ៍​ឆ្នាំ ១៨៨០។

លោក​បាន​ទិញ​ដីក្រហូង​នេះ ប្រមាណ​ជា ២០ ឆ្នាំមុន​លោក​ចូល​និវត្តន៍។ ក្រោយ​ពី​លោក James សម្រាក​ពី​ការងារ លោក​មាន​ក្ដីប្រាថ្នា​ចង់​បង្កើត​កន្លែង​លម្ហែកាយ​ឲ្យ​អ្នក​រស់នៅ​ក្បែរ​ភ្នំ Mount Gambier អាច​មក​លេង​លម្ហែកាយ និង​គេច​ពី​កម្ដៅ​ថ្ងៃ​នា​រដូវក្ដៅ។

លោក​បាន​ឆ្លាក់​ជញ្ជាំង​ថ្ម​ធ្វើ​ជា​ជម្រាល និង​សង់​ជណ្ដើរ​ឈើ ដើម្បី​ឲ្យ​អ្នក​មក​លេង​អាច​ដើរ​ចុះ​ទៅ​ដល់​ឧទ្យាន​នៅ​ខាងក្រោម​បាត​រណ្ដៅ។

ឧទ្យាន​ដែល​មាន​រុក្ខជាតិ​បៃតង វល្លិ​ដុះ​ព័ទ្ធជុំវិញ​ជញ្ជាំង​រណ្ដៅ និង​ផ្កា​រីក​ស្គុសស្គាយ​នេះ មាន​ដី​ជា​ថ្នាក់ៗ ដែល​មាន​ទាំង​ផ្លូវ​លក្ខណៈ​ស្ពាន​អាច​ឲ្យ​ភ្ញៀវទេសចរ​ដើរលេង​គយគន់់​សម្រស់​សួន ឬក៏​អង្គុយ​លេង​នៅ​កៅអី​វែងៗ​ផងដែរ។ អ្វីដែល​កាន់តែ​អស្ចារ្យ គឺ​នៅ​ក្នុង​រណ្ដៅ​យក្ស​នេះ ក៏មាន​កូន​បឹង​លាក់​ខ្លួន ដែល​ភ្ញៀវទេសចរ​អាច​ជិះទូក​លេង​ទៀតផង។

សម្រស់​ដ៏អស្ចារ្យ​នៃ​ឧទ្យាន​នេះ​បាន​ធ្វើឲ្យ​មនុស្ស​ជាច្រើន​ស្គាល់​វា។ ប៉ុន្តែ​ជា​អកុសល នៅពេល​ដែល​លោក James បាន​លាចាក​លោក​ក្នុង​ឆ្នាំ ១៩០០ ឧទ្យាន​បាន​បាត់បង់​សម្រស់​ព្រោះ​កង្វះការ​មើលថែ ធ្វើឲ្យ​សំរាម​ពាស​ពេញ។

សួន​នេះ​ត្រូវបាន​ស្រោចស្រង់​ជាថ្មី​ដោយ​បុគ្គលិក​ការពារ​ព្រៃឈើ​ក្នុង​ឆ្នាំ ១៩៧៦។ សម្រស់​សួនច្បារ​ក្នុង​ដី​ក្រហូង​យក្ស​នេះ​ក៏បាន​ទាក់ទាញ​ភ្ញៀវ​កុះករ​ឡើង​វិញ និង​ត្រូវបាន​ចុះចូល​បញ្ជី​សម្បត្តិ​បេតិកភណ្ឌ​អូស្ត្រាលី​ខាងត្បូង​ក្នុង​ឆ្នាំ ១៩៩៥៕HR

Content image - Phnom Penh Post
តំបន់​​​រណ្ដៅ​យក្ស ​មាន​រុក្ខជាតិ និង​ផ្កា​លូត​លាស់​ស្រស់បំព្រង​​​។

Content image - Phnom Penh Post
នៅ​បាត​រណ្ដៅ ក៏មាន​លាក់​នូវ​​កូនបឹង​អាច​ជិះទូក​លេង​ផងដែរ​។

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។