The Phnom Penh Post Search

Search form




Logo of Phnom Penh Post newspaper Phnom Penh Post - Kani កោះ​ម៉ាល់​ឌីវ​ ជា​រីសត​ឋាន​សួគ៌​ក្រោម​មេឃ




Kani កោះ​ម៉ាល់​ឌីវ​ ជា​រីសត​ឋាន​សួគ៌​ក្រោម​មេឃ

Content image - Phnom Penh Post
ភ្ញៀវ​ទេសចរ​ថតរូប​អនុស្សា​វរីយ៍​ជាមួយ​នឹង​ទូក​ក្ដោង​មុន​ពេល​ឡើង​ជិះ​កម្សាន្ដ​លើ​ផ្ទៃ​សមុទ្រ​ពណ៌​ខៀវ​ស្រងាត់​។ រដ្ឋា

Kani កោះ​ម៉ាល់​ឌីវ​ ជា​រីសត​ឋាន​សួគ៌​ក្រោម​មេឃ

ក្រុងម៉ាល: កោះ​ម៉ាល់​ឌីវ​ជា​រមណីយ​ដ្ឋាន​ឋាន​សួគ៌​ក្រោម​មេឃ​មួយ​ដែល​មនុស្ស​គ្រប់រូប​រមែង​ប៉ងប្រាថ្នា​ចង់ឃើញ​ចង់ស្គាល់។

ក្រោយពី​ស្លុង​អារម្មណ៍​ចំពោះ​សម្រស់​ធម្មជាតិ​គួបនឹង​ការច្នៃ​ប្រឌិត​ដ៏ល្អ​ប្រណីត​ ​ប្រាកដ​ជា​ទប់ចិត្ត​មិនបាន​ទប់​ប្រាណ​មិននឹង ដោយ​សារតែ​ទេសភាព​ដ៏ស្អាត​ឥតខ្ចោះ​ឆ្លុះ​ចេញពី​មហា​សមុទ្រ​ឥណ្ឌា​ពណ៌​ខៀវ​ស្រងាត់។

កោះ​ម៉ាល់ឌីវ រំលេចនូវ​ដែនកោះ​ស្អាត​ៗ​រាប់រយ​នៃ​សាធារណរដ្ឋ​ម៉ាល់ឌីវ​ស្ថិត​លើផ្ទៃ​សាគរ​នៃ​មហា​សមុទ្រ​ឥណ្ឌា។

Content image - Phnom Penh Post
​រានហាល​ប្រប​មាត់ទឹក​សម្រាប់​ភ្ញៀវ​គេង​គយគន់​ផ្ទៃ​សមុទ្រ​។ រូប សហការី

ជារីសត​ដែល​ផ្តល់​សេវាកម្ម​ជាច្រើន​ជម្រើស​ដល់ភ្ញៀវ​មកលេង​កម្សាន្ត​នៅទីនេះ មិន​ថាជា​ដំណើរ​ជាមួយ​ក្រុម​គ្រួសារ មិត្ត​ភក្តិ ឬក៏​គូស្នេហ៍​ទើបតែ​រៀប​ការថ្មោង​ថ្មី​ Club Med Maldives Kani ទទួល​ស្វាគមន៍​យ៉ាង​កក់ក្តៅ​មិន​ធ្វើឲ្យ​​ភ្ញៀវ​មានភាព​ធុញទ្រាន់ និងជិន​ណាយ​ឡើយ។

ចេញ​ដំណើរ​ពីអាកាស​យានដ្ឋាន​អន្ដរជាតិ​ភ្នំពេញ​តាម​រយៈជើង​ហោះហើរ​ Bangkok Airways ទៅកាន់​ទីក្រុង​បាងកក​ប្រទេស​ថៃ ភ្ញៀវ​ទេសចរខ្មែរ​បន្ដ​ដំណើរ​ទៅកាន់​សាធារណរដ្ឋ​ម៉ាល់ឌីវ​ ក្នុងថិរ​វេលា​ ៤ ម៉ោង​ រួចជិះ​កាណូត​ល្បឿន​លឿន​ ៣០ នាទី ទើបដល់​រមណីយ​ដ្ឋាន​ Club Med Maldives Kani។

ស្ថិតលើ​ផ្ទៃសាគរ​ដ៏​ធំល្វឹង​ល្វើយ ភ្ញៀវ​ទេសចរ​ដែលមាន​បំណង​ធ្វើដំណើរ​កម្សាន្ដ​កោះ​ម៉ាល់ឌីវ អាច​ងឿងឆ្ងល់​ថា រីសត​ប្រណីត​មានអ្វី​ខ្លះ និង​ផ្ដល់​សេវាកម្ម​ដូចម្ដេច​? ឆ្លើយតប​នឹង​ចម្ងល់​នេះ​ Club Med Maldives Kani រៀបចំ​នូវ​កម្មវិធី​កម្សាន្ដជា​ច្រើន​សម្រាប់​ផ្គាប់​ចិត្ដ​ភ្ញៀវ​គ្រប់រូប។

Content image - Phnom Penh Post
សំយាប​គ្រែ​សំណាញ់​លើ​ផ្ទៃ​ទឹក​សម្រាប់​ភ្ញៀវ​សម្រាក​កាយ​។ រូប សហការី

យោង​តាម​គម្រោង​ការ​វិភាគ​កម្សាន្ដ រមណីយដ្ឋាន Kani បាន​បង្កើត​សកម្មភាព​លេង​ពេញ​មួយថ្ងៃ​​ ដូចជា ការហែល​ទឹក​ ជិះ​កាយៈ ជិះទូក​ក្តោង​កម្សាន្ត ឬ​ជ្រមុជ​ទឹកលេង​ជាដើម។ ​ពេល​រសៀល​ ភ្ញៀវអាច​ហាត់​កីឡា​យោគៈ ឬក៏​រាំរបាំ​ហ្សាំប៊ី​ជាមួយ​ក្រុម​អ្នកជំនាញ។ ​បន្ទាប់មក​ ចូលរួម​អាហារ​ពេល​យប់​ជុំគ្នា រួមនឹង​ទស្សនាការ​​សម្ដែង​ប្លែកៗ ការប្រគំ​តន្ត្រី​ និង​ក្រេប​ស្រាក្រហម ស្រា​បៀរ និង​ស្រាក្រឡុក​តាម​ចំណង់​ចំណូល​ចិត្ត​ដោយ​គ្មានការ​កំណត់​ដល់​កណ្តាល​អាធ្រាត្រ។

នៅ​មិនឆ្ងាយ​ពី Club Med Maldives Kani ក៏មាន​រីសត​របស់​ខ្លួន​មួយទៀត​កម្រិត​ស្តង់ដារ​ផ្កាយ ៥ គឺ​រីសត Club Med Finolhu villas ដែលមាន​ទេសភាព​រឹតតែ​ស្អាត ដោយ​បន្ទប់​នីមួយៗ​ត្រូវបាន​រចនា​ឡើង​ក្នុងសណ្ឋាន​ប្លែកៗ ដូចជា Sunset Overwater Villas, Sunrise Overwater Villas និង Beach Villas។

Content image - Phnom Penh Post
ភ្ញៀវ​ដើរ​លើ​មាត់​ទឹក​អាង​ហែលទឹក​ប្រប​មាត់​ទឹក​សមុទ្រ​។ ឈឹម ស្រីនាង

ភ្ញៀវ​រីករាយ​នឹងការ​ទទួលទាន​អាហារ​បី​ពេល​នៅលើ​សមុទ្រ​ទឹកថ្លា​ដូច​កញ្ចក់​ដែលអាច​គយគន់​ឃើញ​ត្រីហែល​ប្រឡែង​គ្នាលេង​ក្នុងទឹក​ និង​ទេសភាព​ដ៏​ស្រស់​ត្រកាល​ជាមួយនឹង​ការ​អង្គុយ​លើកម្រាល​កញ្ចក់​ក្រេបស្រា​ក្រឡុក។​

នៅពេល​ល្ងាច​មានការ​បញ្ចាំង​កុនក្បែរ​មាត់សមុទ្រ​ និង​ទស្សនា​ហ្វូងដួង​តារា​រះរាយ​មន្ដពេល​រាត្រី​ អមដោយ​កម្មវិធី​ជប់លៀង​រាំ​កម្សាន្ត ក្រេប​ស្រាសាំ​ប៉ាញ​។ ​សរុបមក រីសត​មាន​កម្មវិធី​កម្សាន្ត​ច្រើនប្លែក​ៗ​ទៅតាម​ម៉ោង ដែលអាច​ជ្រើស​រើសម៉ោង​ណាក៏បាន​តាម​ចំណង់​ចំណូល​ចិត្ត។

លោក Lertkit Kitcharoenwong អ្នក​តំណាង​ក្រុមហ៊ុន​អាកាស​ចរណ៍ Bangkok Airways ឲ្យដឹង​ថា សម្រាប់​ដំណើរ​កម្សាន្ដ​ទៅកាន់​រមណីយដ្ឋាន​ Club Med Maldives Kani នៅដែន​កោះ​ម៉ាល់ឌីវ ភ្ញៀវអាច​ជ្រើស​រើស​សេវាកម្ម​ជា​កញ្ចប់​រយៈពេល​ ២ យប់ ៣ ថ្ងៃ ដោយ​​ហោះហើរ​តាម Bangkok airways តម្លៃពី ១២៥០ ដុល្លារ​ក្នុងម្នាក់​ឡើងទៅ។

Content image - Phnom Penh Post
បន្ទប់​សម្រាក​ជាប់​មាត់​សមុទ្រ​លក្ខណៈ​ឯក​ជន។ រូប សហការី

ចំណែក​ឯ Club Med Finolhu Villas លំដាប់​ផ្កាយ​ប្រាំ​ ភ្ញៀវ​ម្នាក់​នឹង​ចំណាយ​ប្រាក់ ១៩៧០ ដុល្លារ (សម្រាប់​បន្ទប់​នៅជាប់​ឆ្នេរ) ​ដែល​បូករួម​ទាំង​ការធ្វើ​ដំណើរ​ ស្នាក់នៅ ការកម្សាន្ត អាហារ និង​ភេស​ជ្ជៈ​ដោយ​មិន​កំណត់។

សម្រាប់​ព័ត៌មាន​លម្អិត​ សូម​ទាក់ទង​ទៅកាន់​ភ្នាក់ងារ​ទេស​ចរណ៍​មួយ​ចំនួន ដូចជា World Pop Travel and Tours, 2World Travel and Tours, HIS Travel and Tours, Sophiya Travel and Tours, Elite Travel and Tours, B2B Travel and Tours, DL Travel and Tours​, World Express Travel and Tours​, PTM Travel and Tours និង VLK Royal Travel ហើយ​តម្លៃ​នេះ អាចកក់​ចាប់ពី​ថ្ងៃទី ១៦ ខែមិថុនា ដល់ថ្ងៃទី ៣១ ខែ​តុលា ឆ្នាំ ២០១៦ ខាង​មុខ​៕

អត្ថបទគួរចាប់អារម្មណ៍