ក្រោយពី​បាន​ចំណាយ​ពេលវេលា​អស់​​ជិត ៤ ទសវត្សរ៍​ដើម្បី​សិក្សា​​រៀនសូត្រ​នៅ​ប្រទេស​បារាំង​ និង​សហរដ្ឋ​អាមេរិក​រហូត​​​បាន​​ក្លាយ​ជា​សាស្ដ្រាចារ្យ​នៅ​សាកលវិទ្យាល័យ​ចំនួន​បី​នៅ​កម្ពុជា​ជា​​អ្នក​និពន្ធ​​សៀវភៅ​ចំនួន ៣ ​ក្បាល និង​ជា​អ្នក​ស្រាវជ្រាវ​ជាន់ខ្ពស់​នៅ​​វិទ្យាស្ថាន​​ខ្មែរ​​សម្រាប់​សហប្រតិបត្តិការ និង​សន្ដិភាព​ (CICP) ក៏​ដូចជា​បាន​​ប្រឡូក​នៅក្នុង​ឆាក​នយោបាយ​កម្ពុជា​ជាច្រើន​ឆ្នាំ​ផង​នោះ​សាស្រ្ដាចារ្យ​លោក ពូ សុវចនា បាន​សម្ដែង​​ពី​ការ​​ខក​ចិត្ត​ខ្លះ​ដោយ​ទទួល​ស្គាល់​ថា​លោក​​មិន​​​អាច​​​​ជួយ​​​ផ្លាស់ប្ដូរ​សង្គម​ខ្មែរ​ជា​វិជ្ជមាន​តាមរយៈ​នយោបាយ​បាន​នោះ​ទេ​។