កាលពី​សប្ដាហ៍​មុន​លោក ហោ ណាំបូរ៉ា អគ្គលេខាធិការរង​នៃ​រាជរដ្ឋាភិបាល​កម្ពុជា និង​ជា​អតីត​មន្ដ្រី​ទូត​ចាស់​វស្សា​បាន​ទទូច​ឲ្យ​រដ្ឋាភិបាល​ព្យាបាល​ជំងឺ​វិស័យ​ការទូត​កម្ពុជា។ ក្នុង​សប្ដាហ៍​នេះ​លោក​បាន​ចែក​រំលែក​នូវ​ទស្សនទាន ចក្ខុវិស័យ និង​បេសកកម្ម​ជំរុញ​កិច្ចការ​ទំនាក់​ទំនង និង​សហប្រតិបត្តិការ​អន្តរជាតិ​ក្នុង​បុព្វហេតុ​ការពារ​សុខ​សន្ដិភាព និង​ពង្រីក​ការ​អភិវឌ្ឍ​សេដ្ឋកិច្ច​ដោយ​ផ្សារភ្ជាប់​កម្ពុជា​ទៅ​នឹង​មហាអំណាច​លោក​ខាង​កើត និង​លោក​ខាង​លិច។