បើ​ផ្អែក​ទៅ​លើ​ច្បាប់​ដែល​ទើប​ធ្វើ​វិសោធនកម្ម​រួច​ថ្មីៗ​ដោយ​សមាជិក​សភា​របស់​បក្ស​កាន់​អំណាច ហើយ​ដែល​ព្រះមហាក្សត្រ​ទើប​ឡាយ​ព្រះហស្តលេខា​ដាក់​ឲ្យ​ប្រើ​កាលពី​ថ្ងៃ​ពុធ​នោះ​ផែនការ​នៃ​ការ​រំលាយ​គណបក្ស​សង្គ្រោះ​ជាតិ​ដើម្បី​បែងចែក​អាសនៈ​ទៅ​ឲ្យ​បក្ស​ផ្សេង​ពី​សំណាក់​រដ្ឋាភិបាល​ ឬ​គណបក្ស​ប្រជាជន​កម្ពុជា​ដែល​ជា​គណបក្ស​កាន់​អំណាច​របស់​លោក​នាយករដ្ឋមន្ត្រី​ ហ៊ុន សែន ​ត្រូវ​តែ​ដើរ​ទៅ​មុខ​ដោយ​រលូន​ហើយ អាសនៈ​រដ្ឋសភា​ ៥៥ ​របស់​បក្ស​ប្រឆាំង​នេះ​នឹង​ត្រូវ​ដក​ហូត​យក​ទៅ​ឲ្យ​បក្ស​ផ្សេងៗ និង​នាពេល​អនាគត​បក្ស​ដែល​ចាំ​ទទួល​ផល​ស្រាប់​នេះ​ជាពិសេស​បក្ស​ហ៊្វុនស៊ិនប៉ិច​នឹង​ធ្វើ​ជា​ដៃគូ​ក្នុង​រដ្ឋាភិបាល​ជាមួយ​បក្ស​កាន់​អំណាច​ហើយ​ដើរតួ​ជា​បក្ស​ប្រឆាំង​មាន​កម្រិត​មក​ជំនួស​គណបក្ស​សង្គ្រោះ​ជាតិ​ដែល​ជា​បក្ស​ប្រឆាំង​ដ៏ធំ​នៅ​កម្ពុជា​។