The Phnom Penh Post Search

Search form




Logo of Phnom Penh Post newspaper Phnom Penh Post - តើ​ការចត​រថយន្ត​អែបស្ដាំ​​ បង្ក​គ្រោះថ្នាក់​ មាន​ទោសកម្រិត​ណា?




តើ​ការចត​រថយន្ត​អែបស្ដាំ​​ បង្ក​គ្រោះថ្នាក់​ មាន​ទោសកម្រិត​ណា?

Content image - Phnom Penh Post
លោក​មេធាវី ផុន ធារិន កាល​ពី​កន្លង​មក។ រូបថត សហការី

តើ​ការចត​រថយន្ត​អែបស្ដាំ​​ បង្ក​គ្រោះថ្នាក់​ មាន​ទោសកម្រិត​ណា?

ជា​រឿយៗ​យើង​តែង​ឃើញ​ករណី​គ្រោះថ្នាក់​ចរាចរណ៍​មាន​មូលហេតុ​ច្រើន​ ក៏ប៉ុន្តែ​មាន​​ខ្លះ​អ្នក​បើកបរ​រថយន្ត​បាន​ចត​រថយន្ត​ស្ងៀម​ទៅ​ហើយ​ តែ​ពេល​បើក​ទ្វារ​ចេញ​​មក​ក្រៅ​ក៏​បង្ក​ឱ្យ​អ្នក​ផ្សេង​គ្រោះថ្នាក់។ ​ក្នុង​ករណី​បែប​នេះ តើម្ចាស់​រថ​យន្ត​ទទួល​ខុសត្រូវ​បែបណា​?

ជុំវិញ​បញ្ហា​នេះ​ភ្នំពេញ​​ ប៉ុស្តិ៍ ​បាន​សម្ភាស​ជាមួយ​ លោក​មេធាវី ផុន ធារិន ការិយាល័យ​មេធាវី ផុន ធារិន ​នៅ​បុរី​ឌឺមេគង្គរ៉ូយ៉ាល់ ផ្ទះ​លេខ ៧១ ផ្លូវ M08 ភូមិខ្ទរ សង្កាត់​ព្រែកលៀប ខណ្ឌ​ជ្រោយចង្វារ រាជធានី​ភ្នំពេញ​ដែល​មានខ្លឹមសារ​ដូចខាង​ក្រោម៖

ឧបមាថា លោក​ (ក) បាន​ចត​រថយន្ត​អែប​ចិញ្ចើម​ផ្លូវខាង​ស្តាំ​ ប៉ុន្តែ​ពេល​នោះ​ស្រាប់តែ​មាន​អ្នក​បើក​ម៉ូតូ​ជិះមក​​ក្បែរ​ ហើយ​ម្ចាស់​រថយន្ត​ក៏​បើក​ទ្វារ​បណ្តាល​ឱ្យ​ប៉ះអ្នក​ជិះម៉ូតូ​ដួល​ ហើយ​ត្រូវ​រថយន្ត​ ១ ​គ្រឿង​ទៀត​កិន​ស្លាប់ រួច​ក៏បើក​រត់​បាត់​​​។ ក្នុង​ករណី​នេះ​ តើ​រវាង​ម្ចាស់​រថយន្ត​ទាំង ២ មួយ​ណាជា​អ្នក​ទទួល​ខុស​ត្រូវ​?

ការឈប់​ ឬ​ចត​ដើម្បី​ចេញ ឬ​ចូល​ក្នុង​រថយន្ត​តាម​ដងផ្លូវ​សាធារណៈ​គឺជា​រឿង​គ្រោះថ្នាក់​បំផុត​ ប្រសិន​បើ​ការឈប់ ឬ​ចត​នោះ​មិន​បាន​អែប​ឱ្យ​ផុត​ពី​ចិញ្ចើម​ផ្លូវ​សាធារណៈ​ទេ​នោះ។ ​ដោយឡែក​ក្នុង​​ករណី​ខាង​​លើនេះ ​លោក​ (ក​) បាន​ចត​រថយន្ត​អែប​ចិញ្ចើម​ផ្លូវ​ខាង​ស្តាំ ​ប៉ុន្តែ​គាត់​មិន​បាន​ប្រុងប្រយ័ត្ន​មុន​ពេល​​បើក​ទ្វារ​រថយន្តរបស់​ខ្លួន​ឡើយ ហើយ​បាន​បង្ក​គ្រោះថ្នាក់​ដល់​អ្នកបើក​ម៉ូតូ​នៅ​តាម​ដង​ផ្លូវ​មាន​ន័យ​ថា​លោក (ក) ​​បាន​ប្រព្រឹត្ត​ល្មើស​​ទៅ​នឹង​បញ្ញត្តិ​មាត្រា ២៤ ​នៃ​ច្បាប់​ស្តីពី​ចរាចរណ៍ផ្លូវ​គោក​ “ការ​បើក​ទ្វារ​យានជំនិះ​​ដើម្បីចុះ​ ឬ​ឡើង​ត្រូវ​មាន​​ការប្រុងប្រយ័ត្ន​ជាប់​ជានិច្ច ជាពិសេស​ចំពោះ​ការបើក​ទ្វារ​ចុះ​ ឬ​ឡើង​នៅ​ផ្នែក​ខាង​ឆ្វេង​យាន”​។ តាម​មាត្រា​ចង្អុល​បង្ហាញ​នេះ​យើង​ឃើញ​ថា ​ភាពខ្ជីខ្ជា​ធ្វេសប្រហែស​របស់​លោក​ (ក) មិន​បាន​គោរព​កាតព្វកិច្ច​ដែល​​បទប្បញ្ញត្តិ​ស្តីពី​ចរាចរណ៍​ផ្លូវ​គោក​តម្រូវ​គឺ​ជា​ដើមហេតុ​ដែល​បណ្តាល​ឱ្យ​អ្នក​ជិះ​ម៉ូតូ​នៅ​តាម​ដង​ផ្លូវ​សាធារណៈ​នោះ​ស្លាប់។ ​ដូច្នេះ​ជា​បឋម​ លោក (ក) ជា​អ្នក​ទទួល​ខុស​ផ្នែក​ព្រហ្មទណ្ឌ និង​​ព្យសនកម្ម​ផ្សេងៗ​លើ​ជនរងគ្រោះ​តាម​បញ្ញត្តិ​មាត្រា​ ៧២ ​នៃ​ច្បាប់​ស្តីពី​ចរាចរណ៍​ផ្លូវគោក​។

ចុះ​បើ​រថយន្ត​ដែល​កិន​ជនរងគ្រោះ​ស្លាប់​ត្រូវ​អ្នកដំណើរឃាត់ខ្លួន​បាន​វិញ តើ​ម្ចាស់​រថយន្ត​ទាំង​ ២ ​គ្រឿង​នេះ​មួយ​ណា​ខុស?

ចំពោះ​អ្នក​បើកបរ​ទាំង​ ២ ​នាក់​ខាង​លើ រួម​មាន លោក (ក) ដែល​ជាដើម​ហេតុ​បង្ក​គ្រោះថ្នាក់​ចរាចរណ៍ និង​អ្នក​បើក​រថយន្ត​មួយ​​ទៀត​កិន​ជនរងគ្រោះ​ស្លាប់​ត្រូវ​បាន​អ្នក​ដំណើរ​ឃាត់​ខ្លួន​ត្រូវ​ទទួល​ខុស​ត្រូវ​ព្រហ្មទណ្ឌ​​​ចំពោះ​បទល្មើស​ដែល​ខ្លួន​បាន​ប្រព្រឹត្ត​ក្នុ​ង​ពេល​បើកបរយានយន្ត​របស់​ខ្លួន​។

លោក (ក) ​អាច​នឹង​​ត្រូវ​​ចោទប្រកាន់​​​តាម​​មាត្រា​ ៨៥ នៃ​ច្បាប់​ស្តីពី​ចរាចរណ៍​ផ្លូវគោក​ “រីឯ​ជនណា​ដែល​បើកបរធ្វេស​ប្រហែស​ខ្ជីខ្ជា​មិន​ប្រុងប្រយ័ត្ន ឬ​មិន​គោរព​កាតព្វកិច្ច​ដែល​បទប្បញ្ញត្តិ​ស្តីពី​ចរាចរណ៍​ផ្លូវគោក​តម្រូវ​បណ្តាល​ឱ្យ​ស្លាប់​អ្នកដទៃ​ត្រូវ​ផ្តន្ទាទោស​​ដាក់​ពន្ធ​នាគារ​ពី ១ ឆ្នាំ ទៅ ៣ ​ឆ្នាំ និង​ពិន័យ​ជា​ប្រាក់​ពី ៤ លាន ទៅ ១០ លាន​រៀល”។ ចំពោះ​អ្នក​បើបរ​កិន​ជនរងគ្រោះស្លាប់​ហើយ​រត់​គេច​អាច​នឹង​ត្រូវ​ចោទប្រកាន់​តាម​​មាត្រា​ ៨៥ នៃ​ច្បាប់​ស្តីពី​ចរាចរណ៍​ផ្លូវ​គោកកថា​ខណ្ឌ​ទី ២ ​ចំណុ​ចឃ​ “រត់​គេច​ខ្លួន​ពី​កន្លែង​កើតហេតុ​ក្នុង​គោលបំណង​គេចវេះ​ពី​ការទទួល​ខុសត្រូវ” ត្រូវ​ផ្តន្ទាទោស​ដាក់​ពន្ធនាគារ​ពី​ ២ ​ទៅ​ ៥ ​ឆ្នាំ និង​ពិន័យ​ជា​ប្រាក់​ពី ១០ ​លាន​ទៅ​ ២៥ ​លាន​រៀល។

ករណី​នេះ​បើ​អ្នក​​បង្ក​ចេញ​សំណង​ទៅ​គ្រួសារ​ជនរងគ្រោះ​រួចហើយ តើ​រឿង​នេះ​អាច​ថា​ គាត់​រួច​ផុត​ពី​បណ្តឹង​បាន​ទេ?

ជា​គោលការណ៍​ច្បាប់ ទោះបី​ជនបង្ក​បាន​ចេញ​សំណង​ឱ្យ​ជនរងគ្រោះ​ក៏ដោយ បណ្តឹង​អាជ្ញា ឬ​បណ្តឹង​ព្រហ្មទណ្ឌ​មិន​អាច​រលត់​បាន​ឡើយ​។ ម្យ៉ាង​ទៀត​ក្នុង​ករណី​ការដកពាក្យ​បណ្តឹង​របស់​ជនរងគ្រោះ​វា​គ្រាន់តែ​​ជា​ការបញ្ចប់​នូវ​ការទាមទារ​ផ្នែក​សំណង​រដ្ឋប្ប​វេណី​របស់​ជនរងគ្រោះ​តែ​ប៉ុណ្ណោះ​មាន​ន័យ​ថា ជនបង្ក​ត្រូវ​ទទួល​ខុស​ត្រូវ​ព្រហ្មទណ្ឌ​ដែល​មាន​ព្រះរាជអាជ្ញា​ជា​ដើម​បណ្តឹង​អាជ្ញា​៕

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ