The Phnom Penh Post Search

Search form




Logo of Phnom Penh Post newspaper Phnom Penh Post - តើ​ការចាប់​ជនសង្ស័យ​ អាច​ធ្វើ​បាន​គ្រប់ពេល​ឬទេ​?




តើ​ការចាប់​ជនសង្ស័យ​ អាច​ធ្វើ​បាន​គ្រប់ពេល​ឬទេ​?

Content image - Phnom Penh Post
លោក​មេធាវី យុង ផានិត កាលពី​ពេល​កន្លងមក​។ រូបថត សហការី

តើ​ការចាប់​ជនសង្ស័យ​ អាច​ធ្វើ​បាន​គ្រប់ពេល​ឬទេ​?

ជាទូទៅ ពលរដ្ឋ​តែងតែ​ជួបប្រទះ ឬ​ឃើញ​មាន​ការចាប់ខ្លួន​ជន​ណាម្នាក់​ពី​សំណាក់​សមត្ថកិច្ច​នៅ​តាម​ទីសាធារណៈ​។ ប៉ុន្តែ​ពលរដ្ឋ​ខ្លះ​មាន​ចម្ងល់​ថា តើ​ការចាប់ខ្លួន​នោះ​សុទ្ធតែ​ប្រព្រឹត្ត​​ទៅ​បាន​ទាំងអស់​ឬ​យ៉ាងណា ប្រសិន​បើ​គ្មាន​ដីកា​ពី​តុលាការ​? ​ជុំវិញ​បញ្ហា​នេះ ភ្នំពេញ-ប៉ុស្តិ៍​បាន​សម្ភាស​ជាមួយ​លោក​មេធាវី យុង ផានិត អនុប្រធាន​​នាយកដ្ឋាន​ការពារ​ក្តី​ជនក្រីក្រ​នៃ​គណៈមេធាវី​នៃ​ព្រះរាជាណាចក្រ​កម្ពុជា​ដែល​មាន​ខ្លឹមសារ​ដូចតទៅ ៖

តើ​ការចាប់ខ្លួន​របស់​សមត្ថកិច្ច​ទៅលើ​ជនណា​ម្នាក់​នៅ​ទីសាធារណៈ​អាចអនុវត្ត​ទៅ​បាន​ដែរ​ទេ ប្រសិន​បើ​គ្មាន​ដីកា​ចាប់​ខ្លួន​ពី​តុលាការ​ទេនោះ ?

មន្ត្រី​នគរបាល​យុត្តិធម៌​អាច​ចាប់​ជន​ណាម្នាក់​បាន​ ឬ​អាច​ធ្វើ​ទៅ​បានតែ​ចំពោះ​បទល្មើស​ជាក់ស្តែង​តែប៉ុណ្ណោះ ចំណែក​បទល្មើស​មិន​ជាក់ស្តែង​គឺ​មុន​ចាប់​ខ្លួន​ជនណាម្នាក់​ត្រូវ​តែ​មាន​ដីកា​ចាប់​ខ្លួន​ពី​តុលាការ​ជាមុន​។

ដើម្បី​ឲ្យ​បាន​យល់ច្បាស់​ថា អ្វី​ទៅ​ជា​បទល្មើស​ជាក់ស្តែង​នោះ ខ្ញុំ​សុំ​លើកយក​មាត្រា​ ៨៦ ​នៃ​ក្រមនីតិវិធី​ព្រហ្មទណ្ឌ ចែង​ថា​៖

-បទល្មើស​ជាក់ស្តែង​ជា​បទល្មើស​កំពុង​ប្រព្រឹត្ត​។

-បទល្មើស​ដែល​ទើប​ប្រព្រឹត្ត​រួច​ភ្លាមៗ​។

ត្រូវ​ចាត់ទុក​ថា​ជា​បទឧក្រិដ្ឋ​ឬ បទមជ្ឈិម​ជាក់ស្តែង​ដែរ .​កាលណា​នៅក្រោយ​ពេល​មាន​បទល្មើស​​រួច​បន្តិច​មក ជន​ដែល​គេ​សង្ស័យ​ត្រូវ​បាន​សាធារណជន​ស្រែក​ដេញ​ប៉ផាប់​ចាប់​ពភីង​។

-បុគ្គល​ដែល​ត្រូវគេ​រកឃើញ​មាន​វត្ថុ​ ឬ​មាន​ស្លាកស្នាម​ ឬ​តម្រុយ​ច្បាស់លាស់​ហើយ​ស៊ីចង្វាក់​ផ្សេងទៀត​ដែល​នាំឲ្យ​សន្និដ្ឋាន​បាន​ថា បុគ្គល​នោះ​បាន​ប្រព្រឹត្ត​ ឬ​បាន​ចូលរួម​ប្រព្រឹត្ត​បទល្មើស​។

មាត្រា​ ៨៧ ក្នុងករណី​បទឧក្រិដ្ឋ​ ឬ​បទមជ្ឈិម​ជាក់ស្តែង​គ្រប់​បុគ្គល​ទាំងអស់​អាច​ចាប់ខ្លួន​ជនល្មើស ហើយ​នាំ​ខ្លួន​ជន​នោះ​ទៅ​ប្រគល់​ជូន​មន្ត្រី​នគរបាល​យុត្តិធម៌​ដែល​នៅ​ជិត​បំផុត​។

ប្រសិនបើ​មន្ត្រី​មាន​សមត្ថកិច្ច​ចាប់​ជនណាម្នាក់​ដែល​មិនបាន​ប្រព្រឹត្ត​បទល្មើស​ជាក់ស្តែង តើ​ចាត់ទុក​ថា​ខុសច្បាប់​ឬទេ​?

ករណី​ជនណាម្នាក់​ត្រូវ​មន្ត្រី​នគរបាល​ចាប់ខ្លួន​មិន​ស្ថិត​ក្នុង​ស្ថានភាព​ប្រព្រឹត្ត​បទល្មើស​​ជាក់ស្តែង ហើយ​មន្ត្រី​នគរបាល​យុត្តិធម៌​នៅតែ​ចាប់​ជន​នោះ​ទៀត​ដោយ​គ្មាន​ដីកា​ពី​តុលាការ​ទេនោះ​គឺ​មន្ត្រី​នគរបាល​​រូបនោះ​អនុវត្ត​ខុស​នឹង​នីតិវិធី ហើយ​ជន​ដែល​ត្រូវគេ​ចាប់​នោះ អាច​ប្តឹង​មន្ត្រី​នគរបាល​យុត្តិធម៌​វិញ​បាន​៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។