The Phnom Penh Post Search

Search form




Logo of Phnom Penh Post newspaper Phnom Penh Post - តើ​ក្មេងប្រុស​អនីតិជន​ដែល​ចាប់រំលោភ​ ប្រឈម​នឹង​ការចាប់ខ្លួន​ឬទេ​?




តើ​ក្មេងប្រុស​អនីតិជន​ដែល​ចាប់រំលោភ​ ប្រឈម​នឹង​ការចាប់ខ្លួន​ឬទេ​?

Content image - Phnom Penh Post
លោក មេធាវី ឡោ គីមហ្គិច កាលពី​ពេល​កន្លងមក​។ រូបថត សហការី

តើ​ក្មេងប្រុស​អនីតិជន​ដែល​ចាប់រំលោភ​ ប្រឈម​នឹង​ការចាប់ខ្លួន​ឬទេ​?

តាមច្បាប់ ករណី​ចាប់រំលោភ​សេពសន្ថវៈ​ត្រូវ​បាន​ចាត់ទុក​ជា​បទឧក្រិដ្ឋ ហើយ​មនុស្ស​ពេញវ័យ​ដែល​ជា​អ្នកប្រព្រឹត្ត​បទល្មើស​នេះ តែងតែ​ត្រូវ​ចាប់ខ្លួន​មក​ផ្ដន្ទាទោស​។ ក៏ប៉ុន្តែ​ប្រសិនបើ​ជនល្មើស​ជា​អនីតិជន​ទៅ​ចាប់រំលោភ​ក្មេងស្រី​ជា​អនីតិជន​ដូចគ្នា​តើ​សមត្ថកិច្ច​ត្រូវ​ចាប់​ក្មេងប្រុស​នោះដែរ​ឬទេ​? ​ជុំវិញ​បញ្ហា​បែបនេះ​ភ្នំពេញ​ប៉ុស្ដិ៍​បាន​សម្ភាស​ជាមួយ​លោក មេធាវី​ ឡោ គីមហ្គិច នៃ​ក្រុម​មេធាវី​អាស៊ាន​អន្តរជាតិ​មាន​អាសយដ្ឋាន​ផ្ទះ​លេខ​ ១៦R ផ្លូវ​ ២៥២ សង្កាត់​ចតុមុខ ដែល​មាន​ខ្លឹមសារ​ដូច​ខាងក្រោម​៖

ករណី​ក្មេងប្រុស​ជា​អនីតិជន​អាយុ​ ១៣ ​ឆ្នាំ​ បាន​រំលោភ​សេពសន្ថវៈ​លើ​ក្មេងស្រី​អាយុ​ ១៣ ​ឆ្នាំ​ដូចគ្នា​តាម​ច្បាប់​ តើ​ក្មេងប្រុស​​នោះ​មាន​ទោស​ផ្នែក​ព្រហ្មទណ្ឌ​ដែរ​ទេ​?

បើ​យោង​តាម​ច្បាប់​ស្តីពី​យុត្តិធម៌​អនីតិជន​ត្រង់​មាត្រា​ ១៤ ​បាន​ចែងថា អនីតិជន​មាន​អាយុ​ក្រោម​ ១៤ ​ឆ្នាំ​ (​ដប់​បួន ឆ្នាំ​) ​ដែល​ជាប់​សង្ស័យថា បាន​ប្រព្រឹត្ត​បទល្មើស​ពុំ​អាច​ត្រូវ​បាន​គេ​ឃាត់ខ្លួន​ឡើយ ហើយ​មន្ត្រី​នគរបាល​យុត្តិធម៌​ត្រូវ​ប្រគល់​អនីតិជន​នោះ​ទៅ​ឲ្យ​អ្នកតំណាង​ដែល​ច្បាប់​បានកំណត់​។

ក្នុង​ករណី​ដែល​អនីតិជន​ត្រូវការ​កិច្ចការពារ និង​ថែទាំ មន្ត្រី​នគរបាល​យុត្តិធម៌​ត្រូវ​បង្ហាញ​អនីតិជន​នោះ​ទៅ​មន្ទីរ ឬ​ការិយាល័យ​ទទួលបន្ទុក​វិស័យ​សង្គមកិច្ច​រាជធានី ខេត្ត ក្រុង​ស្រុក ខណ្ឌ ដើម្បី​ចាត់វិធានការ​សមស្រប​ទៅតាម​សុខុមាលភាព និង​ស្ថានភាព​សង្គម​របស់​អនីតិជន​។ ​មន្ទីរ​ ឬ​ការិយាល័យ​ទទួល​បន្ទុក​វិស័យ​សង្គមកិច្ច​រាជធានី ខេត្ត ក្រុង ស្រុក ខណ្ឌ ត្រូវធ្វើ​របាយការណ៍​អំពី​ការទទួល​អនីតិជន​ពី​មន្ត្រីនគរបាល​យុត្តិធម៌​ជូន​ទៅ​ព្រះរាជអាជ្ញា​។

ក្នុង​ករណី​យល់ឃើញ​ថា​អនីតិជន​ត្រូវការ​កិច្ចការពារ និង​ថែទាំ​នោះ មន្ទីរ​ ឬ​ការិយាល័យ​ត្រូវ​ចាត់វិធានការ​ស្នើសុំ​ព្យួរ ឬ​សុំ​ដកហូត​អំណាច​មេបា ឬ​បញ្ឈប់​អ្នកអាណាព្យាបាល​សម្រាប់​អនីតិជន ឬ​អាណាព្យាបាល​ក្នុង​ករណី​ដែល​អនីតិជន​មាន​អ្នកតំណាង​ដែល​ច្បាប់​បានកំណត់​ដើម្បី​តុលាការ​សម្រេច​អំពី​ការព្យួរ​ ឬ​ការដកហូត ឬ​ការបញ្ឈប់​អ្នកតំណាង​ដែល​ច្បាប់​បានកំណត់ និង​សិទ្ធិ​អាណាព្យាបាល​លើ​អនីតិជន​នោះ​។

ក្នុង​ករណី​ដែល​អនីតិជន​គ្មាន​អ្នកតំណាង​ដែល​ច្បាប់​បានកំណត់​មន្ទីរ​ ឬ​ការិយាល័យ​ត្រូវសុំ​ទៅ​តុលាការ​ដើម្បី​សម្រេច​​អំពី​សិទ្ធិ​អាណាព្យាបាល​លើ​អនីតិជន​នោះ​។ គ្រប់​អំពើ​ដែល​ជា​បទល្មើស​ទាំងអស់​ដែល​ប្រព្រឹត្ត​ដោយ​អនីតិជន​អាយុ​ក្រោម​ ១៤ (​ដប់​បួន​) ​ឆ្នាំ មន្ត្រី​នគរបាល​យុត្តិធម៌​ត្រូវបញ្ជូន​សំណុំ​រឿង​ទៅ​ព្រះរាជអាជ្ញា​។

ក្នុង​ករណី​មាន​វិវាទ​ទាក់ទង​នឹង​អាយុ​របស់​អនីតិជន​នៅពេល​ប្រព្រឹត្ត​បទល្មើស​មន្ត្រីនគរបាល​យុត្តិធម៌​ត្រូវ​បញ្ជូន​សំណុំ​រឿងនេះ​ទៅ​ព្រះរាជអាជ្ញា​ជាបន្ទាន់​។

ប្រសិន​បើ​ក្មេង​អាយុ​ចាប់ពី ១៤ ​ឆ្នាំ​ ដល់​ក្រោម​អាយុ​ ១៨ ​ឆ្នាំ ​ប្រព្រឹត្ត​បទល្មើស​តើ​នគរបាល​យុត្តិធម៌​ចាប់ខ្លួន​គេ​បាន​ឬ​ទេ​?

នគរបាល​យុត្តិធម៌​អាច​ចាប់ខ្លួន​អនីតិជន​ដែល​មាន​អាយុ​ចាប់ពី​ ១៤ (​ដប់​បួន​) ​ឆ្នាំ​ដល់​ក្រោម​អាយុ​ ១៨ (​ដប់​ប្រាំបី​) ​ឆ្នាំ​​តែ​ក្នុង​ករណី​ដែល​អនីតិជន​ប្រព្រឹត្ត​បទមជ្ឈិម ឬ​បទឧក្រិដ្ឋ​ជាក់ស្តែង​តែប៉ុណ្ណោះ​។ ប៉ុន្តែ​អនីតិជន​ដែល​មាន​អាយុ​ចាប់ពី ​១៤ (​ដប់​បួន​) ​ឆ្នាំ ដល់​ក្រោម​អាយុ​ ១៦ (​ដប់​ប្រាំមួយ​) ​ឆ្នាំ ការចាប់​ខ្លួន​អាច​ធ្វើ​ទៅ​បាន​តែ​ក្នុង​ករណី​ដែល​អនីតិជន​នោះ​ប្រព្រឹត្ត​បទមជ្ឈិម​ដោយ​ចេតនា​។ រាល់​ការចាប់ខ្លួន​អនីតិជន​ត្រូវ​រាយការណ៍​ជូន​ព្រះរាជអាជ្ញា​ភ្លាម​។

ការអនុវត្ត​ការចាប់ខ្លួន នគរបាល​យុត្តិធម៌​ត្រូវ​ចៀសវាង​ការធ្វើឲ្យ​អាម៉ាស់មុខ និង​បាត់បង់​សេចក្តី​ថ្លៃថ្នូរ​របស់​អនីតិជន និង​ត្រូវបញ្ជូន​អនីតិជន​ទៅ​ឲ្យ​ផ្នែក ឬ​អង្គភាព​ដែល​មាន​នគរបាល​យុត្តិធម៌​ជំនាញ​ទទួល​បន្ទុក​ការងារ​អនីតិជន​ដែល​នៅ​ជិត​បំផុត​៕

អត្ថបទគួរចាប់អារម្មណ៍

  • ព្រះសីហនុៈ រដ្ឋបាលខេត្ត​ព្រះសីហនុ​កំពុង​ចាក់​ខ្សាច់​ថ្មី​បំពេញ​នៅតាម​កន្លែង​ជ្រលង​ទឹកហូរ​ដែលមាន​ខ្សាច់​ទាប និង​ខ្សាច់​ខ្មៅ​នៅ​ចំណុច​ឆ្នេរ​អូរឈើទាល​ក្នុង​សង្កាត់​លេខ​ ៤ ក្រុងព្រះសីហនុ ដើម្បី​កែលម្អ​សោភណភាព​ឆ្នេរ​ខ្សាច់ ក៏ប៉ុន្តែ​មន្ត្រីខេត្ត​នៅ​មិន​អាច​ប៉ាន់ប្រមាណ​ថា​នឹង​ត្រូវ​ប្រើ​ខ្សាច់​ប៉ុន្មាន​រថយន្ត​នោះទេ​។

  • ភ្នំពេញៈ ប្រទេស​ជប៉ុន​ ផ្តល់​ជំនួយ​ឥតសំណង​ដល់​កម្ពុជា​ចំនួន ១ ១៣២ ​លាន​យ៉េន​ (១០,៨ ​លាន​ដុល្លារ​) ​សម្រាប់​អនុវត្ត​គម្រោង​អភិវឌ្ឍន៍​ចរាចរណ៍​នាវា​នៅ​កំពង់ផែ​ស្វយ័ត​ក្រុងព្រះសីហនុ​ដើម្បី ​ធ្វើឱ្យ​ប្រសើរ​ឡើង​នូវ​សុវត្ថិភាព​ផ្លូវ​សមុទ្រ​។ នេះ​បើតាម​ស្ថានទូត​ជប៉ុន​ប្រចាំ​នៅ​កម្ពុជា​។

  • ភ្នំពេញ៖ កីឡាការិនី​កូន​ខ្មែរ​កាត់​បារាំង វ័យ ១៧ ឆ្នាំ ម៉ា រីយ៉ាន មាន​ចំណង់​ចំណូលចិត្ត​ខ្លាំង​ទៅ​លើ​ប្រភេទ​កីឡា​ប្រយុទ្ធ ពិសេស​ការ​ប្រណាំង​ម៉ូតូ​ហោះ ហើយ​កញ្ញា​បាន​អះអាង​ថា នឹង​មិន​បោះបង់​ចោល​ជំនាញ​នេះ​ឡើយ បើ​ទោះបី​ជា​ប្រភេទ​កីឡា​នេះ មាន​ផល​ប៉ះពាល់ និង​ធ្លាប់​ជួប​ឧបសគ្គ​គ្រោះ​ថ្នាក់​ធំ​​ក៏​ដោយ។

  • ភ្នំពេញៈ តម្លៃ​ពោត​ក្នុង​រដូវ​ប្រមូលផល​ឆ្នាំនេះ​បាន​ស្ទុះ​ឡើង ដោយសារ​តែ​ការកើនឡើង​នៃ​តម្រូវការ​សម្រាប់​ការផលិត​ចំណី​សត្វ​ក្នុងស្រុក​។ ការប្រមូលផល​ពោតក្រហម​នៅក្នុង​ខេត្ត​ត្បូងឃ្មុំ​ពេលនេះ​សម្រេច​បាន​ប្រមាណ ៥០ ​ភាគរយ​ហើយ​ដោយ​តម្លៃ​គ្រាប់ពោត​ស្ងួត​បាន​កើនឡើង​ជិត ២០ ​ភាគរយ​ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន

  • កោះកុងៈ ដី​គម្រប​ព្រៃឈើ​របស់​រដ្ឋ​រាប់ពាន់​ម៉ែត្រការ៉េ​ក្នុង​ទំហំ​ដី​បម្រុង​របស់​រដ្ឋ​ទំហំ​ប្រមាណ​ ១១ ​ហិកតា ស្ថិតនៅ​ភូមិ​កោះស្តេច ឃុំ​កោះ​ស្តេច ស្រុក​គិរីសាគរ ខេត្តកោះកុង​ត្រូវបាន​ជន​មិន​ស្គាល់​អត្តសញ្ញាណ​ចាប់ផ្ដើម​លួច​បោះបង្គោល​ថ្ម និង​ឈើ​ទន្ទ្រាន​យក​ដោយ​ខុសច្បាប់​។

  • កំពង់ស្ពឺៈ ពលរដ្ឋ​ជាង​ ៥០០ ​គ្រួសារ ​រស់នៅក្នុង​ឃុំ​ទួល​អម្ពិល​ស្រុក​បសេដ្ឋ ខេត្តកំពង់ស្ពឺ​បាន​បង្ហាញ​ក្ដីបារម្ភ​ពី​ការខ្វះ​ទឹក​សម្រាប់​ស្រោចស្រព​ស្រែចម្ការ និង​ដំណាំ​ផ្សេងៗ ខណៈ​បច្ចុប្បន្ន​មាន​ឈ្មួញ​យក​ម៉ាស៊ីន​ទៅ​បូមទឹក​ទាំងយប់​ទាំង​ថ្ងៃ​នៅក្នុង​ទំនប់​បុរាណ​ព្រៃពាយ​ដែល​ពួកគាត់​កំពុង​ប្រើប្រាស់​ជាប្រចាំ​។