The Shard
The Shard គឺជាអគារដ៏ខ្ពស់ស្ថិតនៅទីក្រុងឡុងដ៍ប្រទេសអង់គ្លេស ដោយមានចំនួន៧២ជាន់ និងកម្ពស់៣១០ម៉ែត្រ។ The Shard ជាប់ឈ្មោះជាអគារដែលខ្ពស់ជាងគេនៅអឺរ៉ុបចាប់តាំងពីឆ្នាំ២០១១ រហូតដល់ពេលបច្ចុប្បន្ននេះ ដោយចំណាយប្រាក់សាងសង់អស់៣,៩ពាន់លានដុល្លារអាមេរិក។ អគារនេះកសាងនាខែមីនា ឆ្នាំ២០០៩ និងបញ្ចប់ការសាងសង់នៅខែកក្កដា ឆ្នាំ២០១២ ហើយនឹងបើកសម្ពោធនៅខែកុម្ភៈ ឆ្នាំ២០១៣។ អគារនេះប្រើជា ការិយាល័យ សណ្ឋាគារ ភោជនីយដ្ឋាន និងកន្លែងស្នាក់នៅ៕
Antilia Residence
Antilia Residence គឺជាអគារដែលសង់ឡើងសម្រាប់ជាកន្លែងស្នាក់នៅដ៏ធំមួយនៅលើពិភពលោក ដោយមានបុគ្គលិកប្រចាំការចំនួន៦០០នាក់។ Antilia Residence ស្ថិតនៅខេត្តSouth Mumbai ប្រទេសឥណ្ឌា ដែលដីនៅទីនោះមានតម្លៃរហូតដល់១០០០០ដុល្លារអាមេរិកក្នុង១ម៉ែត្រ ការ៉េ កាលពីខែសីហា ឆ្នាំ២០០៨។ អគារនេះចាប់ផ្តើមកសាងក្នុងឆ្នាំ២០០៧ និងបានបើកសម្ពោធនៅថ្ងៃទី២៨ ខែតុលា ឆ្នាំ២០១០ ដោយមានកម្ពស់១៧៣ម៉ែត្រ និងចំណាយប្រាក់២ពាន់លានដុល្លាអាមេរិក៕
Taipei tower
Taipei ជាអគារដ៏ខ្ពស់ដែលស្ថិតនៅក្នុងទីក្រុងតៃប៉ិ មានកម្ពស់៥០៩ម៉ែត្រ និងមានចំនួន១០១ជាន់ ដោយបានចំណាយថវិកាសាងសង់១,៧៦ពាន់លានដុល្លារអាមេរិក។ Taipei ចាប់ផ្តើមសាងសង់ក្នុងឆ្នាំ១៩៩៩ និងបានបើកសម្ពោធជាផ្លូវការនាថ្ងៃទី៣១ ខែធ្នូ ឆ្នាំ២០០៤ ហើយបានគ្រប់គ្រងតំណែងជាអគារដែលខ្ពស់ជាងគេនៅលើពិភពលោកចាប់ ពីឆ្នាំ២០០៤ រហូតដល់ឆ្នាំ២០១០។ Taipei ត្រូវគេប្រើប្រាស់ជាមជ្ឈមណ្ឌលពាណិជ្ជកម្ម កន្លែងកម្សន្ត ភោជនីយដ្ឋាន កន្លែងប្រជុំ និងកន្លែងស្នាក់៕
Burj Khalifa
Burj Khalifa ស្ថិតនៅក្នុងទីក្រុងឌុយបៃ ប្រទេសអេមីរ៉ាតអារ៉ាប់រួម គឺជាអគារដែលមានកម្ពស់ខ្ពស់ជាងគេនៅលើពិភពលោកនាពេលបច្ចុប្បន្ន នេះជាមួយនឹងកម្ពស់៨២៨ម៉ែត្រ ដោយបានចំណាយថវិកាសាងសង់អស់១,៥ពាន់លានដុល្លារអាមេរិក។ Burj Khalifa បានចាប់ផ្តើមកសាងឡើងក្នងឆ្នាំ២០០៤ និងបានបញ្ចប់ការក្នុងឆ្នាំ២០១០ ហើយត្រូវបានប្រើប្រាស់ជា សណ្ឋាគារ ភោជនីយដ្ឋាន មជ្ឈមណ្ឌលវប្បធម៌ កន្លែងសម្តែងសិល្បៈ និងជាកន្លែងផ្សាយទូរទស្សន៍ផងដែរ៕
Cowboys Stadium
Cowboys Stadium ជាកីឡដ្ឋានរបស់ក្រុមកីឡាបាល់ទាត់អាមេរិក Dallas Cowboy (NFL) ដែលស្ថិតក្នុងរដ្ឋតិចសាស់ សហរដ្ឋអាមេរិក។ កីឡដ្ឋាននេះបានកសាងជាថ្មីលើផ្នែកខ្លះរបស់កីឡដ្ឋាន Texas ដែលបានដំណើរការចាប់តាំងពីឆ្នាំ១៩៧១។ កីឡដ្ឋាន Cowboys សាងសង់ក្នុងឆ្នាំ២០០៥ និងសម្ពោធនៅឆ្នាំ២០០៩ ដោយចំណាយ១,៣ពាន់លានដុល្លារអាមេរិក។ Cowboys Stadium មានកៅអីសម្រាប់ទស្សនិកជនចំនួន៨០,០០០និងអាចផ្ទុកទស្សនិកជនបាន រហូតដល់១១០,០០០នាក់៕
Kyoto Station
Kyoto Station គឺជាស្ថានីយរថភ្លើងធំលំដាប់ទី២ នៅប្រទេសជប៉ុនបន្ទាប់ពីស្ថានីយ Nagoya Station។ ស្ថានីយ Kyoto មានកម្ពស់៧០ម៉ែត្រ ហើយត្រូវបានគេប្រើប្រាស់ជាកន្លែងលក់ទំនិញ សណ្ឋាគារ និងរោងភាពយន្ត ជាដើម។ ស្ថានីយ Kyoto ចាប់ផ្តើមកសាងដំបូងក្នុងខែកញ្ញា ឆ្នាំ១៨៧៦ ដោយនៅពេលនោះគេហៅថា Omiya-dori។ ស្ថានីយនេះត្រូវគេកសាងឡើងជាច្រើនលើក រហូតដល់ការសាងសង់លើកចុងក្រោយត្រូវបញ្ចប់ក្នុងឆ្នាំ១៩៩៧ដោយ ចំណាយប្រាក់អស់១,២៥ពាន់លានដុល្លារអាមេរិក៕
