The Phnom Penh Post Search

Search form




Logo of Phnom Penh Post newspaper Phnom Penh Post - រុស្ស៊ី​ចូល​ចិត្ត​ទិញ​លំនៅ​ឋាន​នៅ​ថៃ

រុស្ស៊ី​ចូល​ចិត្ត​ទិញ​លំនៅ​ឋាន​នៅ​ថៃ

ទិដ្ឋភាព​អគារ​ខ្ពស់​ៗ​ជា​ច្រើន​ដែល​ស្ថិត​នៅ​ក្នុង​​ទីក្រុង​បាង​កក។
ទិដ្ឋភាព​អគារ​ខ្ពស់​ៗ​ជា​ច្រើន​ដែល​ស្ថិត​នៅ​ក្នុង​​ទីក្រុង​បាង​កក។ AFP

រុស្ស៊ី​ចូល​ចិត្ត​ទិញ​លំនៅ​ឋាន​នៅ​ថៃ

មាន​ជន​ជាតិ​រុស្ស៊ី​ជា​ច្រើន​បាន​ចាប់​​អារម្មណ៍​ចំពោះ​ការ​ទិញ​អចលនទ្រព្យ​នៅ​ក្នុង​ប្រទេស​ថៃ។ នេះ​បើ​​យោង​តាម​គេហទំព័រ​អចលនទ្រព្យ​មួយ​របស់​រុស្ស៊ី​កាល​ពី​ពេល​ថ្មី​នេះ​។

វិនិយោគិន​រុស្ស៊ី​​ជា​ច្រើន​កំពុង​ផ្តោត​ទៅ​​លើ​អចលន​ទ្រព្យ​នៅ​ក្នុង​តំបន់​សំខាន់ៗ​ក្នុង​​ប្រទេស​ថៃ ដោយ​មាន​៧២​ភាគ​រយ​នៃ​អ្នក​ឆ្លើយ​តប​បាន​និយាយ​ថា ពួក​គេ​​ចូល​ចិត្ត​អាកាស​ធាតុ​នៅ​ប្រទេស​ថៃ​ ដែល​នោះ​គឺ​ជា​ហេតុផល​ចម្បង​ក្នុង​ការ​ទិញ​អចលនទ្រព្យ​នៅ​ទីនោះ​។

ផ្អែក​លើ​លទ្ធ​ផល​ការ​នៃ​ធ្វើ​អង្កេត​មួយ​ក្នុង​ឆ្នាំ​ ២០១៤ ដែល​បាន​សាកសួរ​​ចំពោះ​ភ្នាក់ងារ​ផ្នែក​អចលន​ទ្រព្យ​ជន​ជាតិ​រុស្ស៊ី ចំនួន​ ៤៣២​ នាក់ និង​អ្នក​រកស៊ី​ផ្នែក​អចលន​ទ្រព្យ​មក​ពី​ប្រទេស​ចំនួន​ ៣៩​ បាន​បង្ហាញ​ថា អចលនទ្រព្យ​​ដែល​ពេញ​និយម​បំផុត​សម្រាប់​ពួក​គេ​ក្នុង​ប្រទេស​ថៃ គឺ​ប្រភេទ​ដែល​មាន​តម្លៃ​​ចន្លោះ​ពី​​ ៥៤ ០០០ ​​ទៅ​​ដល់​ ១៣៥​ ០០០ ​ដុល្លារ។

ហេតុ​ផល​សំខាន់​មួយ​ចំនួន​សម្រាប់​ការ​ជ្រើសរើស​ទិញ​អចលន​ទ្រព្យ​នៅ​ប្រទេស​ថៃ គឺ​កត្តា​អាកាស​ធាតុ បរិយាកាស​ តម្លៃ និង​លទ្ធភាព​នៃ​ការ​ទទួល​បាន​សិទ្ធិ​រស់នៅ​។

អចលន​ទ្រព្យ​នៅ​តំបន់​លម្ហែ​កាយ​ដែល​មាន​ភាព​ប្រណីត និង​តម្លៃ​ខ្ពស់​ក៏​បាន​ចូល​រួម​ចំណែក​ក្នុង​ការ​លក់​ផង​ដែរ​ ដូចជា​តំបន់​ភូកេត​ ដោយ​វីឡា​ក្នុង​តំបន់​ Karon Beach អាច​លក់​បាន​តម្លៃ​រហូត​ទៅ​ដល់​១,៤​លាន​ដុល្លារ​។

មាន​អ្នក​ឆ្លើយ​តប​៤៣​ភាគរយ​ បាន​និយាយថា ពួក​គេ​កំពុង​ស្វែង​រក ឬក៏​ទិញ​អចលន​ទ្រព្យ​ក្នុង​ប្រទេស​ថៃ​ ដោយ​សារ​ពួក​គេ​មាន​សាច់​ញាតិ​ ឬ​មិត្តភក្តិ​នៅ​ទីនោះ​ ប៉ុន្តែ​ក៏​មាន​​មួយ​ចំនួន​និយាយ​ថា ចូល​ចិត្ត​​រស់​កន្លែង​ដែល​គ្មាន​អ្នក​និយាយ​ភាសា​រុស្ស៊ី​​ផង​ដែរ​។

លោក Serey Nesterenko នាយក​ប្រតិបត្តិ​ក្រុមហ៊ុន Vista del Mar Phuket បាន​សរសេរ​នៅក្នុង​របាយ​ការណ៍​ថា​៖​ «អតិថិជន​អ្នក​មាន​ទ្រព្យ​សម្បត្តិ​ជា​ច្រើន​ចូល​ចិត្ត​រស់​នៅ​ឆ្ងាយពី​ជន​ជាតិ​ខ្លួន​ឯង។ អតិថិជន​របស់​យើង​​មាន​ចន្លោះ​ពី ​១៥​ ទៅ​ ២០ ​ភាគ​រយ​ គឺ​ជា​ជន​ជាតិ​រុស្ស៊ី ហើយ​អតិថិជន​ដែល​និយាយ​ភាសា​រុស្ស៊ី​នៅ​ក្នុង​តំបន់​ភូកេត​ មាន​ចន្លោះ​ពី​ ៣០ ​ទៅ​ ៥០ ​ភាគ​រយ»៕

អត្ថបទគួរចាប់អារម្មណ៍