The Phnom Penh Post Search

Search form




Logo of Phnom Penh Post newspaper Phnom Penh Post - អគ្គនាយក​ក្រុមហ៊ុន ប៊ុណ្ណា ចូល​មក​ប្រឡូក​ការងារ​សាជាថ្មី

អគ្គនាយក​ក្រុមហ៊ុន ប៊ុណ្ណា ចូល​មក​ប្រឡូក​ការងារ​សាជាថ្មី

លោក ស៊ឹងA ប៊ុណ្ណា (រូបកណ្តាល) នៅក្នុង​ពិធី​ជួបជុំ​បុគ្គលិក​ក្រុមហ៊ុន ប៊ុណ្ណា រៀលធី គ្រុប ។
លោក ស៊ឹងA ប៊ុណ្ណា (រូបកណ្តាល) នៅក្នុង​ពិធី​ជួបជុំ​បុគ្គលិក​ក្រុមហ៊ុន ប៊ុណ្ណា រៀលធី គ្រុប ។ ហឹុន ពិសី

អគ្គនាយក​ក្រុមហ៊ុន ប៊ុណ្ណា ចូល​មក​ប្រឡូក​ការងារ​សាជាថ្មី

បន្ទាប់ពី​បាន​ដក​ខ្លួន​ចេញ​ពី​ការងារ​ជា​អ្នក​ជំនួញ​ផ្នែក​អចលនទ្រព្យ​អស់​រយៈពេល​១៨​ខែ លោក ស៊ឹង ប៊ុណ្ណា អគ្គនាយក​ក្រុមហ៊ុន ប៊ុណ្ណា រៀលធី គ្រុប បាន​ប្រកាស​ចូល​ខ្លួន​ប្រឡូក​ក្នុង​វិស័យ​នេះ​ជា​ថ្មី​ម្តង​ទៀត​ហើយ ចាប់ពី​ដើម​ខែ​កក្កដា នេះ​តទៅ។

នៅក្នុង​ពិធី​ជួបជុំ​បុគ្គលិក​របស់​ក្រុមហ៊ុន ប៊ុណ្ណា រៀលធី គ្រុប ដែល​បាន​រៀបចំ​ឡើង​នៅ​មជ្ឈមណ្ឌល​ពាណិជ្ជកម្ម​ប៊ុណ្ណា (BBC) កាលពី​ថ្ងៃ​សៅរ៍​ចុងសប្តាហ៍​កន្លងមក លោក ប៊ុណ្ណា បាន​និយាយ​ថា នៅក្នុង​អំឡុង​ពេល​ដែល​លោក​សម្រាក​ពី​ការងារ​ចំនួន​១៨​ខែ លោក​បាន​ធ្វើ​ដំណើរ​ទៅ​កាន់​ប្រទេស​ជាច្រើន​នៅលើ​ពិភពលោក​ទាំង​នៅ​ទ្វីប​អាស៊ី អឺរ៉ុប អាហ្វ្រិក និង​អាមេរិក​។ តាមរយៈ​ការ​ធ្វើ​ដំណើរ​ទាំងនោះ​ធ្វើឲ្យ​លោក​ទទួល​បាន​បទពិសោធ​ជាច្រើន​ពី​បណ្តា​ប្រទេស​ទាំងនោះ ជាពិសេស​វិស័យ​អចលនទ្រព្យ។

លោក​បាន​ថ្លែង​ថា​៖​«​វិស័យ​អចលនទ្រព្យ​នៅ​កម្ពុជា​នា​ពេល​បច្ចុប្បន្ន​នេះ​នៅ​មាន​កម្រិត​នៅ​ឡើយ​បើ​ប្រៀបធៀប​ជាមួយ​ប្រទេស​ជិត​ខាង ដូច្នេះ​ទាមទារ​ឲ្យ​ប្រជាពលរដ្ឋ និង​សហគ្រិន​ទាំងអស់​ត្រូវ​ខិតខំ​សិក្សា​ស្រាវជ្រាវ​បន្ថែម​ទៀត ហើយ​ការ​ខិតខំ​ប្រឹងប្រែង​នោះ​ក៏​ត្រូវ​ធ្វើ​ដោយ​ប្រយ័ត្នប្រយែង​ផង​ដែរ ដើម្បី​ដើរ​ឲ្យ​ទាន់​ប្រទេស​នានា​លើ​ពិភពលោក​»។

អគ្គនាយក​ក្រុមហ៊ុន​ខាង​លើ​បាន​លើក​ឡើង​ថា ការ​ធ្វើ​សមាហរណកម្ម​សេដ្ឋកិច្ច​អាស៊ាន​នា​ពេល​ខាង​មុខ​គឺ​ពិតជា​មាន​សារៈសំខាន់​ណាស់ ប៉ុន្តែ​អ្វីៗ​អាច​ដំណើរការ​ទៅ​បាន​វា​ទាមទារ​នូវ​ការ​ខិតខំ​ពង្រឹង​សមត្ថភាព​ខ្លួនឯង​ផង​ដែរ។ លោក​លើក​ឡើង​ថា​៖​«​ប្រទេស​គេ​អាច​ដើរ​បាន ប៉ុន្តែ​កម្ពុជា​ត្រូវតែ​ប្រឹង​រត់​»។

ក្រុមហ៊ុន ប៊ុណ្ណា រៀលធី គ្រុប គឺជា​ក្រុមហ៊ុន​អចលនទ្រព្យ​ដ៏ធំ​មួយ​នៅ​កម្ពុជា​ដែល​បាន​បង្កើត​ឡើង​ក្នុង​ខែ​កញ្ញា ឆ្នាំ​១៩៩៩ ដោយ​បច្ចុប្បន្ន​នេះ​ក្រុមហ៊ុន ប៊ុណ្ណា រៀលធី គ្រុប មាន​បុត្រសម្ព័ន្ធ​របស់​ខ្លួន​ចំនួន​៤ គឺ ក្រុមហ៊ុន Bonna Real Estate ក្រុមហ៊ុន Bonna Asset Appraisal ក្រុមហ៊ុន Bonna Property Management និង​ក្រុមហ៊ុន Bonna Investment and Development៕

អត្ថបទគួរចាប់អារម្មណ៍